జగిత్యాల ఫిబ్రవరి 04 (ప్రజా మంటలు):

బిఆర్ఎస్ - బీజేపీ | కాంగ్రెస్ మూడు ప్రధాన పార్టీల నుండి పోటీ చేస్తున్న అభ్యర్థుల వివరాలు, వార్డుల వారిగా..

హైదరాబాద్, జనవరి 09 (ప్రజా మంటలు):

రానున్న మున్సిపల్ ఎన్నికల్లో గెలుపే లక్ష్యంగా బీఆర్ఎస్ వర్కింగ్ ప్రెసిడెంట్ కేటీఆర్ ఉమ్మడి జిల్లాల వారీగా సమీక్ష సమావేశాలను ప్రారంభించారు. ఈ క్రమంలో ఉమ్మడి కరీంనగర్ జిల్లా ప్రజాప్రతినిధులు, ముఖ్య నాయకులతో సమావేశం నిర్వహించి, ఎన్నికల్లో అనుసరించాల్సిన వ్యూహాలు, అభ్యర్థుల ఎంపిక తదితర అంశాలపై దిశానిర్దేశం చేశారు.

స్థానిక పరిస్థితులు, పార్టీ బలాబలాలు, ప్రజా సమస్యలను దృష్టిలో ఉంచుకొని సమర్థవంతమైన అభ్యర్థులను ఎంపిక చేయాలని, ప్రతి మున్సిపాలిటీలో పార్టీని గెలుపు దిశగా నడిపించేలా సమన్వయంతో పనిచేయాలని కేటీఆర్ సూచించారు. పార్టీ శ్రేణులు ఏకమై ప్రజల్లోకి వెళ్లి ప్రభుత్వ వైఫల్యాలను వివరించడంతో పాటు, బీఆర్ఎస్ ప్రభుత్వ హయాంలో జరిగిన అభివృద్ధిని ప్రజలకు గుర్తు చేయాలని పిలుపునిచ్చారు.

ఈ సమావేశంలో మాజీ మంత్రి కొప్పుల ఈశ్వర్, జగిత్యాల జిల్లా పార్టీ అధ్యక్షుడు విద్యాసాగర్ రావు, జెడ్పీ మాజీ అధ్యక్షురాలు దావ వసంత సురేష్తో పాటు, ఉమ్మడి కరీంనగర్ జిల్లాకు చెందిన పలువురు ప్రజాప్రతినిధులు, ముఖ్య నాయకులు పాల్గొన్నారు.