హైదరాబాద్ జనవరి 07 (ప్రజా మంటలు):

గ్రామ స్థాయి నుంచి రాష్ట్ర స్థాయి వరకు ఈ నెలలో నిర్వహించనున్న చీఫ్ మినిస్టర్స్ కప్ – 2వ ఎడిషన్ 2025 క్రీడా పోటీల పోస్టర్‌ను ముఖ్యమంత్రి శ్రీ ఎ. రేవంత్ రెడ్డి గారు ఆవిష్కరించారు.

ఈ క్రీడా పోటీలపై ప్రజల్లో అవగాహన కల్పించేందుకు ఈ నెల 8 నుంచి 17వ తేదీ వరకు పది రోజుల పాటు టార్చ్ ర్యాలీ నిర్వహించనున్నారు.

క్రీడా పోటీల షెడ్యూల్ ఇలా ఉంది:

• జనవరి 17 నుంచి 22 వరకు – గ్రామ స్థాయి
• జనవరి 28 నుంచి 31 వరకు – మండల స్థాయి
• ఫిబ్రవరి 3 నుంచి 7 వరకు – నియోజకవర్గ స్థాయి
• ఫిబ్రవరి 10 నుంచి 14 వరకు – జిల్లా స్థాయి
• ఫిబ్రవరి 19 నుంచి 26 వరకు – రాష్ట్ర స్థాయి

గ్రామం నుంచి రాష్ట్ర స్థాయి వరకు మొత్తం 44 రకాల క్రీడల్లో శాట్స్ (SATTS) ఆధ్వర్యంలో ఈ పోటీలు నిర్వహించనున్నారు. డిసెంబర్ నెలలో జరగాల్సిన ఈ క్రీడలు వివిధ కారణాలతో వాయిదా పడ్డాయి.

ఈ పోస్టర్ ఆవిష్కరణ కార్యక్రమంలో మంత్రి వాకిటి శ్రీహరి, శాట్స్ చైర్మన్ శివసేనా రెడ్డి, స్పెషల్ సీఎస్ జయేష్ రంజన్, సీఎం ప్రిన్సిపల్ సెక్రెటరీ శ్రీనివాసరాజు, SATTS ఎండీ సోనీబాల పాల్గొన్నారు.