మాస్కో అక్టోబర్ 27:

ప్రపంచ రక్షణ రంగాన్ని కుదిపేస్తూ రష్యా మరో విప్లవాత్మక ఆయుధాన్ని విజయవంతంగా పరీక్షించింది.

రష్యా రక్షణ శాఖ ప్రపంచంలోనే తొలి అణుశక్తితో నడిచే క్రూజ్ మిసైల్ “బురేవస్త్నిక్-9M739” ను సఫలంగా పరీక్షించిందని అధికారికంగా ప్రకటించింది.

🔸 ముఖ్యాంశాలు:

• రష్యా విజయవంతంగా పరీక్షించిన అణుశక్తి ఆధారిత క్రూజ్ మిసైల్

• “అనంత రేంజ్ ఉన్న మిసైల్” అని పుతిన్ సంచలన ప్రకటన

• “దాన్ని ఎటువంటి రక్షణ వ్యవస్థ కూడా అడ్డుకోలదు” – పుతిన్

• రష్యా వ్యూహాత్మక సామర్థ్యాన్ని మరింత బలపరిచే ప్రయోగం

రష్యా అధ్యక్షుడు వ్లాదిమిర్ పుతిన్ ఆదివారం వీడియో కాన్ఫరెన్స్ ద్వారా మాట్లాడుతూ,“బురేవస్త్నిక్ అన్ని పరీక్షలు విజయవంతంగా పూర్తయ్యాయి. ఇది ప్రపంచంలో ఏ దేశానికీ లేని సాంకేతికత. ఎటువంటి రక్షణ వ్యవస్థ ఈ మిసైల్‌ను అడ్డుకోలదు. ఇది రష్యా భద్రతకు కొత్త దశను తెరిచింది.”అని తెలిపారు.

రష్యా సైన్యాధ్యక్షుడు వాలెరీ గెరాసిమోవ్ కూడా మాట్లాడుతూ, ఈ మిసైల్‌కి ‘అనంత దూరం (Unlimited Range)’ సామర్థ్యం ఉందని చెప్పారు.
సాధారణ ఇంధనానికి బదులుగా అణు రియాక్టర్‌నే ప్రధాన శక్తి మూలంగా ఉపయోగించడం వల్ల, ఇది గంటల తరబడి లేదా రోజులు పాటు గాల్లో ఎగరగలదని ఆయన వివరించారు.

అంతర్జాతీయ రక్షణ నిపుణులు ఈ ఆయుధాన్ని “డూమ్స్‌డే వెపన్” (ప్రళయదిన ఆయుధం)గా పేర్కొంటున్నారు.
ఈ మిసైల్ అభివృద్ధి పూర్తి స్థాయిలో జరిగిందని రష్యా పేర్కొనగా, అమెరికా, నాటో దేశాలు దీనిపై మౌనం వహిస్తున్నాయి.

విశ్లేషకుల ప్రకారం, ఈ ప్రయోగం ప్రపంచ భద్రతా సమీకరణాలను పూర్తిగా మార్చగలదని, రష్యా సైనిక ఆధిపత్యాన్ని మరింత పెంచుతుందని అంచనా వేస్తున్నారు.