వికారాబాద్, ఏప్రిల్ 15 (ప్రజా మంటలు):

పరిగి ఇండస్ట్రియల్ కారిడార్ కోసం రైతుల భూములను బలవంతంగా స్వాధీనం చేసుకోవడాన్ని నిరసిస్తూ వికారాబాద్‌లో రైతులు, తెలంగాణ జాగృతి, ధర్మ సమాజ్ పార్టీ ఆధ్వర్యంలో ఆందోళన చేపట్టారు. ఆర్డీవో కార్యాలయం ఎదుట ఎండలో కూర్చొని ధర్నా నిర్వహించారు.
ఈ ఆందోళనలో పాల్గొన్న తెలంగాణ జాగృతి అధ్యక్షురాలు కల్వకుంట్ల కవిత, ధర్మ సమాజ్ పార్టీ నేత విశారదన్ మహరాజ్‌తో కలిసి రైతులకు మద్దతుగా నిలిచారు. ఈ సందర్భంగా పోలీసులుతో వాగ్వాదం చోటుచేసుకుంది. ఆందోళన తీవ్రరూపం దాల్చడంతో కవితను పోలీసులు అరెస్ట్ చేసి బంటారం పోలీస్ స్టేషన్‌కు తరలించారు.
పరిశ్రమల పేరుతో చిన్న, సన్నకారు రైతుల భూములను లాక్కుంటున్నారని కవిత విమర్శించారు. కల్లాపూర్, రాపోల్, భట్ల చందారం గ్రామాల్లో రైతుల భూములు స్వాధీనం చేసుకుంటున్నారని, దాదాపు 1200 ఎకరాలు తీసుకుంటున్నారని పేర్కొన్నారు. అందులో ఎక్కువ భాగం అసైన్డ్ భూములేనని, మిగతా భూములు కూడా ఎస్సీ, ఎస్టీ, బీసీ రైతులవేనని తెలిపారు.
రాష్ట్రంలో రైతుల పరిస్థితి దయనీయంగా ఉందని, కొందరికి మద్దతు ధర లేదని, మరికొందరికి రుణమాఫీ జరగలేదని, ఎక్కడ చూసినా సమస్యలే కనిపిస్తున్నాయని అన్నారు. పరిశ్రమల వల్ల స్థానికులకు ఉద్యోగాలు కూడా దక్కడం లేదని ఆరోపించారు.
రైతుల సమస్యలపై జిల్లా కలెక్టర్‌తో ఫోన్‌లో మాట్లాడిన కవిత, స్వయంగా గ్రామాలకు వెళ్లి రైతుల బాధలు తెలుసుకోవాలని కోరారు. అయితే స్పష్టమైన హామీ ఇవ్వకపోవడంతో ఆందోళన కొనసాగుతుందని తెలిపారు.
ధర్నా సమయంలో జర్నలిస్టులపై పోలీసులు దురుసుగా ప్రవర్తించారని ఆరోపణలు వచ్చాయి. కెమెరాలు లాక్కొని నెట్టేసిన ఘటనలు చోటుచేసుకున్నాయి.
భూసేకరణను నిలిపివేసే వరకు పోరాటం కొనసాగిస్తామని ఆందోళనకారులు స్పష్టం చేశారు.

:హైదరాబాద్, మార్చ్ 31 (ప్రజా మంటలు):

తెలంగాణ జాగృతి అధ్యక్షురాలు కల్వకుంట్ల కవిత కాంగ్రెస్ ప్రభుత్వంపై తీవ్ర విమర్శలు గుప్పించారు. రాష్ట్రాన్ని పూర్తిగా అప్పుల ఊబిలోకి నెట్టేసిందని ఆమె ఆరోపించారు.
కాగ్ (CAG) 2024-25 నివేదిక ఆధారంగా రాష్ట్ర ఆర్థిక పరిస్థితి ఆందోళనకరంగా మారిందని ఆమె పేర్కొన్నారు. రోజువారీ ఖర్చుల నిర్వహణకే రిజర్వ్ బ్యాంక్ ఆఫ్ ఇండియా (RBI) వద్ద అప్పులు తీసుకోవాల్సిన పరిస్థితి తీసుకొచ్చారని మండిపడ్డారు. ఆర్థిక సంవత్సరంలో దాదాపు ప్రతి రోజూ ఆర్బీఐ నుంచి చేబదులు తీసుకుని ప్రభుత్వాన్ని నడిపించటం దౌర్భాగ్యకరమని వ్యాఖ్యానించారు.

ఒకే ఏడాదిలో రూ.1.30 లక్షల కోట్ల అప్పులు తీసుకోవడం ప్రభుత్వ వైఫల్యానికి నిదర్శనమని, ఇంకా వేల కోట్ల రూపాయల బకాయిలు చెల్లించలేకపోవడం పరిస్థితి తీవ్రతను చూపుతోందన్నారు. ఇప్పటికే రాష్ట్రంపై రూ.8.65 లక్షల కోట్ల అప్పు భారముందని, ఒక్కో కుటుంబంపై సుమారు రూ.9 లక్షల అప్పు పడిందని తెలిపారు.
“సంపద పెంచుతాం, పేదలకు పంచుతాం” అన్న హామీలను కాంగ్రెస్ ప్రభుత్వం అమలు చేయలేకపోయిందని, అప్పుల మీదే పాలన సాగుతోందని విమర్శించారు. ఇంతటి సంక్షోభంలో కూడా “మిగులు బడ్జెట్” అంటూ ప్రజలను తప్పుదారి పట్టిస్తున్నారని ఆరోపించారు.
రైతుల సమస్యలపై ఆందోళన
అకాల వర్షాలతో రైతులు తీవ్ర నష్టపోయారని కవిత ఆవేదన వ్యక్తం చేశారు. జగిత్యాల, కరీంనగర్, సిద్దిపేట, నిర్మల్ జిల్లాల్లో పంటలు భారీగా దెబ్బతిన్నాయని చెప్పారు. కోతకు సిద్ధంగా ఉన్న మొక్కజొన్న, వరి, నువ్వులు, పసుపు పంటలు నేలరాలిపోయాయని పేర్కొన్నారు.
ప్రభుత్వం వెంటనే స్పందించి పంట నష్టపోయిన రైతులకు నష్టపరిహారం అందించాలని డిమాండ్ చేశారు. ప్రతి రైతుకు సహాయం అందేలా తక్షణ చర్యలు తీసుకోవాలని కోరారు.

హుస్నాబాద్, డిసెంబర్ 03 (ప్రజా మంటలు):
ప్రజా పాలన – ప్రజా విజయోత్సవాల కార్యక్రమంలో భాగంగా హుస్నాబాద్‌లో పలు అభివృద్ధి పనులకు సీఎం రేవంత్ రెడ్డి శంకుస్థితాపన చేశారు. కార్యక్రమంలో మంత్రులు, ఎమ్మెల్యేలు, ప్రజాప్రతినిధులు పాల్గొన్నారు.

జిల్లా RTC ఎక్స్‌ప్రెస్ బస్సుకు జెండా ఊపి ప్రారంభించిన సీఎం, ప్లాస్టిక్ మేనేజ్మెంట్ వెహికిల్‌ను ప్రారంభించారు. అనంతరం 70 మంది ఇంజినీరింగ్ విద్యార్థులకు సైకిళ్లు పంపిణీ చేశారు.

సీఎం రేవంత్ రెడ్డి ప్రధాన వ్యాఖ్యలు

ఉద్యోగాలు

• త్వరలో 40 వేల ప్రభుత్వ ఉద్యోగాలు భర్తీ చేయడానికి సిద్ధం.
• రెండున్నర ఏళ్లలో మొత్తం 1 లక్ష ప్రభుత్వ ఉద్యోగాలు భర్తీ చేస్తామని హామీ.
• గత ఏడాదిలోపు 60 వేల ఉద్యోగాలు ఇప్పటికే భర్తీ చేశామని పేర్కొన్నారు.

గ్రామ పంచాయతీ ఎన్నికలు

• పంచాయతీ ఎన్నికలు గ్రామాల అభివృద్ధికి కీలకం.
• “సర్పంచ్‌గా మంచి ఆలోచనలు ఉన్న వారిని ఎంచుకోండి.
• మీ ప్రాంతానికి నిధులు తెచ్చే సామర్థ్యం ఉన్న వారిని వార్డు సభ్యులు, సర్పంచ్‌లుగా గెలిపించండి” అని ప్రజలను కోరారు.

ప్రాజెక్టులపై విమర్శలు

• కాళేశ్వరం ప్రాజెక్టును “కూలేశ్వరం”గా పేర్కొంటూ గత ప్రభుత్వంపై తీవ్ర విమర్శలు.
• కాంగ్రెస్ హయాంలో నిర్మించిన SRS, ఎల్లంపల్లి, నాగార్జునసాగర్ ప్రాజెక్టులు చక్కగా నిలిచాయని అన్నారు.
• మల్లన్నసాగర్, కొండపోచమ్మ, రంగనాయకసాగర్ పూర్తి చేసినా, గౌరెల్లి – గండిపల్లి ప్రాజెక్టులు ఎందుకు పూర్తి చేయలేదని ప్రశ్నించారు.
• ఈ రెండు ప్రాజెక్టులను కాంగ్రెస్ ప్రభుత్వం నిధులు కేటాయించి పూర్తి చేస్తుందని హామీ ఇచ్చారు.

తెలంగాణ ఉద్యమ ప్రస్తావన

• డిసెంబర్ 3న తెలంగాణ కోసం శ్రీకాంత చారి చేసిన బలిదానాన్ని గుర్తుచేశారు.
• కరీంనగర్ జిల్లా మలిదశ ఉద్యమానికి అండగా నిలిచిన పాత్రను వివరించారు.

మొత్తం రూ. 262.78 కోట్ల అభివృద్ధి పనుల –

శంకుస్థాపన చేసిన

• ₹44.12 కోట్లు – హుస్నాబాద్ ఇంజనీరింగ్ కళాశాల నిర్మాణం
• ₹45.15 కోట్లు – ATC ఏర్పాటు
• ₹20 కోట్లు – హుస్నాబాద్ మునిసిపాలిటీ అభివృద్ధి పనులు
• ₹8.60 కోట్లు – RTA యూనిట్ కార్యాలయం నిర్మాణం
• ₹86 కోట్లు – హుస్నాబాద్ అర్బన్–కొత్తపల్లి ప్యాకేజీ–1 లో 4 లైన్ల రహదారి
• ₹58.91 కోట్లు – హుస్నాబాద్–అక్కన్నపేట 4 లైన్ల రహదారి

సంక్షేమ కార్యక్రమాల వివరాలు

సీఎం పేర్కొన్న ముఖ్యమైన అమలు చేసిన పథకాలు:

• రైతుల రుణమాఫీ, రైతు భరోసా కోసం 1.04 లక్ష కోట్లు వ్యయం
• మహిళలకు RTCలో ఉచిత ప్రయాణం
• 200 యూనిట్ల వరకు ఉచిత విద్యుత్
• సోలార్ పవర్ అందించడం
• సన్నబియ్యం పంపిణీ
• 4.5 లక్షల ఇళ్ల నిర్మాణం

పవన్ కళ్యాణ్ వ్యాఖ్యలపై కవిత స్పందన

.హైదరాబాద్, డిసెంబర్ 3 (ప్రజా మంటలు):

తెలంగాణ జాగృతి అధ్యక్షురాలు కల్వకుంట్ల కవిత ఎల్‌బీ నగర్‌లో జరిగిన కార్యక్రమంలో తెలంగాణ ఉద్యమం, అమరుల త్యాగాలు, ప్రభుత్వ వైఖరిపై కీలక వ్యాఖ్యలు చేశారు.

కవిత చెప్పిన ప్రకారం, తెలంగాణ ఉద్యమానికి ఎల్‌బీ నగర్ ప్రధాన కేంద్రమై, నవంబర్ 29న కేసీఆర్ దీక్ష జరుగుతుండగా శ్రీకాంతా చారి ఆత్మాహుతికి పాల్పడటం రాష్ట్రవ్యాప్తంగా ప్రజా ఉద్యమాన్ని రగిలించింది. ఆయన త్యాగం ప్రజల భావోద్వేగాలను కదిలించగా, విద్యార్థులు, మహిళలు, గ్రామ స్థాయిలో ప్రజలు దీక్షలు చేపట్టి ఉద్యమాన్ని ఉధృతం చేశారని గుర్తుచేశారు.

కవిత అభిప్రాయం ప్రకారం, ఉద్యమంలో 1,200 మందికి పైగా ప్రాణాలు కోల్పోయినా, ఆ త్యాగాలకు సరైన గుర్తింపు దక్కలేదని, గత బీఆర్ఎస్ హయాంలో అమరులకు స్మారక స్థూపాలు నిర్మించినా—ఒక్క ప్రభుత్వ పథకానికి కూడా అమరుల పేర్లు పెట్టలేదని విమర్శించారు. అదే విధంగా ప్రస్తుత కాంగ్రెస్ ప్రభుత్వం కూడా ఉద్యమకారులకు హామీ ఇచ్చిన 250 గజాల భూములు, పెన్షన్, గుర్తింపు కార్డులపై స్పష్టమైన చర్యలు తీసుకోవాలని డిమాండ్ చేశారు.

డిసెంబర్ 9న సీఎం ఈ విషయంపై నిర్ణయం ప్రకటించాలని కోరుతూ, లేనిపక్షంలో ప్రభుత్వ భూముల్లో ఉద్యమకారులకు భూములు కేటాయించి జాగృతి జెండాలు ఎగరేస్తామని హెచ్చరించారు.

పవన్ కళ్యాణ్ వ్యాఖ్యలపై కవిత స్పందన

ఎల్‌బీ నగర్ సమావేశంలో తాజా రాజకీయ వ్యాఖ్యలపై కూడా కవిత స్పందించారు. పవన్ కళ్యాణ్ కోనసీమపై చేసిన వ్యాఖ్యల్లో తెలంగాణ నాయకుల్ని అనవసరంగా జోడించడం తప్పు అని ఆమె పేర్కొన్నారు.

తెలంగాణ ప్రజలు ఎప్పుడూ ఆంధ్ర ప్రజలపై దుష్టభావంతో వ్యవహరించలేదని, రెండు రాష్ట్రాలు సమానంగా అభివృద్ధి చెందాలని కోరుకున్నారని ఆమె వ్యాఖ్యానించారు. తెలంగాణ ఏర్పడిన తర్వాత కూడా పార్లమెంట్‌లో ఆంధ్రకు ప్రత్యేక హోదా కోసం తాము మాట్లాడిన విషయాన్ని గుర్తుచేశారు.

“ఇప్పుడు పవన్ కళ్యాణ్ రాజకీయ బాధ్యతలున్న వ్యక్తి. ఆయన మాటలను ఆంధ్ర ప్రజలకు ఆపాదించే అవకాశం ఉంది. కాబట్టి మాట్లాడే ముందు ఆలోచించాలి” అని కవిత సూచించారు.

చౌటుప్పల్, యాదాద్రి భువనగిరి జిల్లా నవంబర్ 27:

కల్వకుంట్ల కవిత ఇచ్చిన పిలుపుతో తెలంగాణలో రాజకీయ వేడి మండిపోతోంది.బీసీ రిజర్వేషన్లపై కాంగ్రెస్ ప్రభుత్వ వైఖరిపై కవిత అవుట్ బర్స్ట్ జిల్లాలో పెద్ద ఎత్తున హీట్ క్రియేట్ చేసింది.

 జాగృతి నేతల రెచ్చిపోయిన చర్యలు

• కవిత పిలుపు వెంటనే యాక్షన్‌కు దిగిన జాగృతి నాయకులు
• చౌటుప్పల్ మండలం దండు మల్కాపురం, తూప్రాన్ పేటలో కాంగ్రెస్ పార్టీ జెండా దిమ్మెలపై దాడి
• దిమ్మెలను ఎత్తిపోసి ధ్వంసం చేసిన వీడియోలను బీట్ సాంగ్‌తో రీల్స్గా మార్చి సోషల్ మీడియాలో వైరల్
• గ్రామాల్లో ఉద్రిక్తత పరిస్థితులు, కాంగ్రెస్ శ్రేణుల్లో ఆందోళన

🚨 పోలీసులు రంగంలోకి

• చట్టవ్యతిరేక చర్యలకు పాల్పడిన జాగృతి నేతలపై పోలీస్ కేసులు నమోదు
• వీడియోలను సాక్ష్యాలుగా సేకరించిన పోలీసులు
• పరిస్థితి అదుపులోకి తెచ్చేందుకు ప్రాంతాల్లో పోలీసులు బందోబస్తు పెంపు.

కవిత వ్యాఖ్యలు తెలంగాణ రాజకీయాల్లో సునామీ రేపుతాయని స్పష్టమవుతోంది.