జగిత్యాల, ఏప్రిల్ 21 (ప్రజా మంటలు):

జగిత్యాల జిల్లా కేంద్రంలోని బీఆర్‌ఎస్ పార్టీ కార్యాలయంలో మాజీ మంత్రి, బీఆర్‌ఎస్ రాష్ట్ర ప్రధాన కార్యదర్శి తాటిపర్తి జీవన్ రెడ్డి, మాజీ మంత్రి కొప్పుల ఈశ్వర్, జిల్లా అధ్యక్షుడు విద్యాసాగర్ రావు, మాజీ ఎమ్మెల్యే సుంకే రవిశంకర్, జెడ్పీ మాజీ ఛైర్‌పర్సన్ దావా వసంత, మార్క్‌ఫెడ్ లోక బాపురెడ్డి, జెడ్పీ మాజీ వైస్ చైర్మన్ హరిచరణ్ రావు, శ్రీకాంత్ రెడ్డి తదితరులు కలిసి విలేకరుల సమావేశంలో మాట్లాడారు.
మాజీ మంత్రి జీవన్ రెడ్డి మాట్లాడుతూ, జగిత్యాలలో జరిగిన కేసీఆర్ బహిరంగ సభ తెలంగాణ ఉద్యమాన్ని తలపించిందని అన్నారు. కేసీఆర్ నాయకత్వంలో రెండు సార్లు తెలంగాణ దేశంలో ముందంజలో నిలిచిందని చెప్పారు.
రైతు సంక్షేమంపై మాట్లాడిన ఆయన, కేసీఆర్ ప్రభుత్వం రైతు బంధు వంటి పథకాలు అమలు చేయగా, ప్రస్తుత ముఖ్యమంత్రి రేవంత్ రెడ్డి మూడు పంటలకు రైతు భరోసా హామీని నిలబెట్టలేదని విమర్శించారు. పంటల బీమా, భూమిలేని వారికి ప్రోత్సాహకాలు వంటి హామీలు అమలు కాలేదని అన్నారు.
కళ్యాణ లక్ష్మి పథకంలో బంగారం హామీ అమలు కాలేదని, కేసీఆర్ కిట్ పేరును మార్చినా సరే పథకాన్ని కొనసాగించాలని సూచించారు. ఫీజు రీయింబర్స్‌మెంట్‌లో రాష్ట్ర వాటా ఇవ్వకపోవడంతో కేంద్ర నిధులు వెనక్కి వెళ్లాయని ఆరోపించారు.
మేడిగడ్డ ప్రాజెక్ట్‌పై మాట్లాడుతూ, 30 నెలలుగా సమస్య పరిష్కారం కాలేదని, కేవలం రూ.400 కోట్లతో మరమ్మతులు సాధ్యమని నివేదికలు ఉన్నప్పటికీ ప్రభుత్వం చర్యలు తీసుకోవడం లేదని అన్నారు. కేసీఆర్‌ను దోషిగా చూపేందుకు ఆలస్యం చేస్తున్నారని ఆరోపించారు.
తుమ్మిడిహెట్టి వద్ద బ్యారేజ్ నిర్మాణంపై ఎన్నికల హామీ నెరవేర్చలేదని ప్రశ్నించారు. కాళేశ్వరం ద్వారా తెలంగాణకు విస్తృతంగా నీరు అందించే లక్ష్యంతో కేసీఆర్ ప్రణాళికలు రూపొందించారని తెలిపారు.
రాష్ట్ర పాలనపై విమర్శలు చేస్తూ, ప్రజలు మార్పు కోరుకుంటున్నారని, రేవంత్ రెడ్డి పదవి నుంచి తప్పుకోవాలని వ్యాఖ్యానించారు. అయితే ఆయనకు వ్యక్తిగతంగా కీడు కోరడం లేదని చెప్పారు.
తన రాజకీయ ప్రస్థానాన్ని ప్రస్తావిస్తూ, ఎన్నో సంవత్సరాలుగా పార్టీ మారకుండా ప్రజాస్వామ్య విలువలను కాపాడుతున్నానని చెప్పారు. పదవుల కోసం ఎప్పుడూ ప్రయత్నించలేదని, ఆత్మగౌరవం కోసం నిర్ణయాలు తీసుకున్నానని అన్నారు.
రాష్ట్రంలో కార్మికులు, రైతులు, బీసీలు, మైనార్టీలు అన్ని వర్గాలు అసంతృప్తిగా ఉన్నాయని, ఆర్‌టీసీ, సింగరేణి కార్మికులు, ఔట్‌సోర్సింగ్ ఉద్యోగులు అభద్రతలో ఉన్నారని పేర్కొన్నారు.
చివరగా, తెలంగాణ అభివృద్ధి కోసం కేసీఆర్ నాయకత్వం అవసరమని, మేడిగడ్డ పునర్నిర్మాణం ఆయనతోనే సాధ్యమని అన్నారు. కాంగ్రెస్ పార్టీ అంతర్గత పరిస్థితులపై కూడా విమర్శలు గుప్పించారు.

జగిత్యాల, మార్చ్ 22 (ప్రజా మంటలు):

మాజీ మంత్రి తాటిపర్తి జీవన్ రెడ్డి కాంగ్రెస్ పార్టీకి  రాజీనామా చేయడానికి సిద్ధపడ్డారు. ఈనెల 25న అభిమానులు, శ్రేయోభిలాషులతో సమావేశం నిర్వహించి, భవిష్యత్ కార్యాచరణ ప్రకటించనున్నట్లు తెలిపారు. అదే రోజు కాంగ్రెస్ పార్టీ సభ్యత్వానికి రాజీనామా చేయనున్నట్లు స్పష్టం చేశారు.
జగిత్యాల జిల్లా కేంద్రంలోని ఇందిరా భవన్‌లో జరిగిన విలేకరుల సమావేశంలో ఆయన మాట్లాడుతూ, నాలుగు దశాబ్దాలుగా కొనసాగిన అనుబంధాన్ని తెంచుకోవడం తనకు బాధాకరమని అన్నారు. కానీ ప్రస్తుత పరిస్థితుల్లో పార్టీలో కొనసాగడం సాధ్యం కాదని అభిప్రాయానికి వచ్చినట్లు చెప్పారు.
20 నెలలుగా జగిత్యాలలో జరుగుతున్న పరిణామాలు తనను తీవ్ర అసంతృప్తికి గురిచేశాయని, తన సమస్యలకు పరిష్కారం లభించకపోవడంతో ఈ నిర్ణయం తీసుకున్నట్లు వెల్లడించారు. కాంగ్రెస్‌లో ఫిరాయింపు నేతలు పార్టీ వ్యవహారాల్లో జోక్యం చేసుకోవడం పెరిగిందని, నిజమైన కార్యకర్తల హక్కులు కాలరాస్తున్నాయని విమర్శించారు.
శాసన మండలిలో ప్రజల సమస్యలపై ఒంటరి పోరాటం చేశానని, అధికారంలో ఉన్నప్పటికీ ప్రజల పక్షాన నిలబడ్డానని జీవన్ రెడ్డి గుర్తుచేశారు. గతంలో రైతుల ప్రోత్సాహకాలు, అదనపు విద్యుత్ బిల్లుల ఉపసంహరణ కోసం కూడా ఉద్యమాలు చేసినట్లు తెలిపారు.
రాజకీయాల్లో గౌరవం ముఖ్యమని, అది లేకపోతే పార్టీలో కొనసాగడం వలన ప్రయోజనం లేదని అన్నారు. సొంత పార్టీలోనే పోరాటం చేయాల్సి రావడం బాధాకరమని ఆవేదన వ్యక్తం చేశారు.
ప్రాణహిత నది నీటి వినియోగంపై ప్రభుత్వం నిర్లక్ష్యం వహిస్తోందని, తుమ్మడిహెట్టి బ్యారేజ్ నిర్మాణం ఆలస్యం ఉత్తర తెలంగాణపై తీవ్ర ప్రభావం చూపుతుందని హెచ్చరించారు. మేడిగడ్డ పునరుద్ధరణపై కూడా చర్యలు తీసుకోవాలని డిమాండ్ చేశారు.
తనకు జరిగిన అన్యాయంపై రాష్ట్ర నాయకత్వం స్పందించలేదని, శ్రీధర్ బాబుతో చర్చించినా పరిష్కారం దొరకలేదని తెలిపారు. ఈ నేపథ్యంలో ప్రజాస్వామ్య హక్కుల మేరకు నిర్ణయం తీసుకుంటున్నానని స్పష్టం చేశారు.
జగిత్యాల ప్రజలతో తన అనుబంధం ఎప్పటికీ కొనసాగుతుందని, చివరి శ్వాస వరకు ప్రజల మధ్యనే ఉంటానని జీవన్ రెడ్డి అన్నారు.

జగిత్యాల రూరల్,  మార్చ్ 10 (ప్రజా మంటలు):

కాంగ్రెస్ పార్టీలో కొనసాగాలా లేదా అన్న విషయంపై తాను ఆలోచిస్తున్నానని మాజీ మంత్రి తాటిపర్తి జీవన్ రెడ్డి మరోసారి సంచలన వ్యాఖ్యలు చేశారు. జగిత్యాల జిల్లా కేంద్రంలోని ఇందిరా భవన్‌లో నిర్వహించిన విలేకరుల సమావేశంలో ఆయన ఈ వ్యాఖ్యలు చేశారు.
జగిత్యాల మున్సిపల్ చైర్‌పర్సన్ ఎన్నికల రోజే కాంగ్రెస్ పార్టీలో కొనసాగడం గురించి తాను ఆలోచించాల్సిన పరిస్థితి ఏర్పడిందని అప్పుడే స్పష్టంగా చెప్పానని గుర్తు చేశారు. ఆ సందర్భంలో చెప్పిన మాటలు ఇప్పటికీ మారలేదని, అయితే ఇప్పటివరకు తాను ఎలాంటి తుది నిర్ణయం తీసుకోలేదని పేర్కొన్నారు.
పార్టీలోని పరిస్థితులు, జరిగిన పరిణామాలు తనను తీవ్రంగా ఆలోచింపజేశాయని ఆయన అన్నారు. కాంగ్రెస్ పార్టీ కోసం ఎన్నో సంవత్సరాలుగా పని చేసిన తనలాంటి నాయకులను పక్కన పెట్టే పరిస్థితులు రావడం బాధాకరమని వ్యాఖ్యానించారు.
ఇప్పటికీ తాను తొందరపడి నిర్ణయం తీసుకునే పరిస్థితిలో లేనని, కాంగ్రెస్ పార్టీలో ఉన్న తన మిత్రులు, కార్యకర్తలు, అనుచరులతో చర్చించిన తర్వాతే తగిన నిర్ణయం తీసుకుంటానని తెలిపారు. సమయం, సందర్భం వచ్చినప్పుడు తన నిర్ణయాన్ని స్పష్టంగా ప్రకటిస్తానని చెప్పారు.
పార్టీలో జరుగుతున్న పరిణామాల నేపథ్యంలో జీవన్ రెడ్డి చేసిన ఈ వ్యాఖ్యలు రాజకీయ వర్గాల్లో చర్చనీయాంశంగా మారాయి. ఆయన తదుపరి నిర్ణయం ఏంటన్నది జిల్లాలోనే కాకుండా రాష్ట్ర రాజకీయాల్లో కూడా ఆసక్తికరంగా మారింది.

జగిత్యాల రాజకీయాల్లో సంచలన మార్పు: కొత్త సమీకరణలు ?

(ప్రత్యేక విశ్లేషణాత్మక కథనం)

జగిత్యాల పట్టణ మున్సిపల్ చైర్‌పర్సన్‌గా సమిండ్ల వాణి ఎన్నిక కావడం కేవలం స్థానిక పదవి మార్పు కాదు. ఇది కాంగ్రెస్ లోపలి శక్తి సమీకరణాల్లో ఒక కీలక మలుపు.

బయటికి చూస్తే ఇది
👉 సంజయ్ కుమార్ వర్గ విజయంలా కనిపిస్తుంది.
కానీ లోతుగా చూస్తే —
👉 ఇది స్పష్టంగా రేవంత్ రెడ్డి రాజకీయ పంతం నెగ్గిన ఘట్టం.

1️⃣ సంజయ్ కుమార్ పాత్ర: “ఫీల్డ్ కంట్రోల్” విజయం

సంజయ్ కుమార్:

• బీఆర్ఎస్ నుంచి కాంగ్రెస్ లోకి వచ్చినా
• జగిత్యాలలో కౌన్సిలర్లపై పూర్తి పట్టు సంపాదించారు
• బి-ఫారమ్‌లు, రెబెల్ కంట్రోల్, చివరకు చైర్‌పర్సన్ ఎంపిక వరకు
  👉 గ్రౌండ్ లెవెల్ మేనేజ్‌మెంట్లో పైచేయి సాధించారు

సమిండ్ల వాణి ఎంపిక:, గతంలో కాంగ్రెస్ లో ఉన్నారు.

• మాజీ మంత్రి వర్గానికి మొండిచేయి
• “జీవన్ రెడ్డి మాటే చివరి మాట” అనే మిథ్‌కి తెర

👉 ఇది సంజయ్ కుమార్‌కు స్థానికంగా పూర్తి ఆధిపత్యం తీసుకొచ్చిన విజయం.

2️⃣ జీవన్ రెడ్డి పరాజయం: రాజకీయంగా కాదు, మానసికంగా

జీవన్ రెడ్డి ఈ ఎన్నికలో ఓడిపోయింది కౌన్సిలర్ లెక్కల్లో కాదు —
👉 హైకమాండ్ విశ్వాసంలో.

• గాజుల రాజేందర్ మరదలు మూలాస్తపు గాజుల లావణ్యను ఎంపిక చేయాలన్న ప్రయత్నం
• పార్టీ లోపల మద్దతు కూడగట్టలేకపోవడం
• చివరకు ఫలితం చేతులు దాటిపోవడం

ఆయన మళ్ళీ ప్రెస్ మీట్ పెట్టడమే చెబుతోంది:

“నాకు వినిపించుకునే చోటు మిగలలేదని”

👉 కాంగ్రెస్ లో జీవన్ రెడ్డి భవిష్యత్‌పై అనుమానం ఇప్పుడు కేడర్‌లోనే కాదు, రాజకీయ వర్గాల్లో కూడా బలంగా ఉంది.

3️⃣ వైస్ చైర్‌పర్సన్ చాంద్ పాష: సైలెంట్ కానీ కీలక సంకేతం

మైనార్టీ వర్గానికి చెందిన జీనత్ పర్వీన్ (మున్నా) ను వైస్ చైర్‌పర్సన్ చేయడం:

• కేవలం సామాజిక సమీకరణ కాదు
• కాంగ్రెస్ లో మైనార్టీ బ్యాంక్‌ను సంజయ్ వర్గానికి అటాచ్ చేసే వ్యూహం

ఇది రేవంత్ రాజకీయానికి సూటిగా సరిపోతుంది:

“బలం ఉన్నవాడికే పదవి – సామాజిక సమతుల్యతతో”

4️⃣ అసలు విజేత ఎవరు? సంజయ్ కంటే రేవంత్ ఎందుకు?

ఇక్కడ కీలక ప్రశ్న:

ఇది సంజయ్ కుమార్ విజయం మాత్రమేనా?

సమాధానం: లేదు.

ఎందుకంటే —

• సంజయ్ కుమార్‌కు పూర్తి స్వేచ్ఛ ఇచ్చింది హైకమాండే
• జీవన్ రెడ్డి లాంటి సీనియర్ అసంతృప్తిని కూడా పట్టించుకోలేదు
• “సీనియారిటీ కాదు, కంట్రోల్” అనే స్పష్టమైన మెసేజ్ పంపింది

👉 ఈ మెసేజ్ పంపింది రేవంత్ రెడ్డి.

అంటే:

• జగిత్యాల = పరీక్షా కేంద్రం
• ఫలితం = రేవంత్ మోడల్‌కు గ్రీన్ సిగ్నల్

5️⃣ రాజకీయంగా దీని అర్థం ఏమిటి?

ఈ చైర్‌పర్సన్ ఎంపిక చెబుతున్నది:

• కాంగ్రెస్ లో ఇక
  ❌ “మాజీ మంత్రి” బ్రాండ్ పనిచేయదు
  ✅ “ఎలక్టెడ్ బలం + గ్రౌండ్ కంట్రోల్”కే విలువ
• జీవన్ రెడ్డి లాంటి వారు
  👉 హైకమాండ్‌తో తిరిగి కనెక్ట్ కాకపోతే
  👉 రాజకీయంగా పక్కనపడే ప్రమాదం

చివరికి మిగిలేది ఏమిటి?

జగిత్యాల మున్సిపల్ చైర్‌పర్సన్ ఎన్నిక
సంజయ్ కుమార్‌కు స్థానిక విజయం అయితే,
రేవంత్ రెడ్డికి ఇది రాజకీయంగా ‘పంతం నెగ్గిన’ ఘట్టం.
జీవన్ రెడ్డి మాత్రం ఈ సమీకరణల్లో స్పష్టంగా అవుట్ అయ్యారు.

జగిత్యాల మున్సిపల్ చైర్‌పర్సన్‌గా సమిండ్ల వాణి ఎన్నిక
ఎమ్మెల్యే సంజయ్ కుమార్ వర్గం పట్టు సాధించింది

▪️ మాజీ మంత్రి వర్గానికి మొండిచేయి

జగిత్యాల ఫిబ్రవరి 16 (ప్రజా మంటలు):

▪️ వైస్ చైర్‌పర్సన్‌గా మైనార్టీ వర్గానికి చెందిన  జీనత్ పర్వీన్ (మున్నా)  ఎంపిక
▪️ మాజీ ఛైర్‌పర్సన్ అడువాల జ్యోతి లక్ష్మణ్‌కు నిరాశ
▪️ గాజుల లావణ్య ఎంపిక ప్రయత్నాలు విఫలం – జీవన్ రెడ్డికి రాజకీయ దెబ్బ

మధ్యాహ్నం మరోసారి ప్రెస్‌మీట్ పెట్టనున్న జీవన్ రెడ్డి
కాంగ్రెస్‌లో ఆయన భవిష్యత్‌పై సందేహాలు

👉 ఈ ఫలితాన్ని స్థానికంగా సంజయ్ విజయంగా చూడొచ్చు
👉 రాష్ట్రస్థాయిలో మాత్రం సీఎం రేవంత్ రెడ్డి రాజకీయ పంతం నెగ్గినట్లు విశ్లేషణ

మరిన్ని అప్‌డేట్స్ కోసం వేచి ఉండండి…

జగిత్యాల జనవరి 12 (ప్రజా మంటలు):

జగిత్యాల జిల్లా కేంద్రంలోని ఎల్ ఎల్ గార్డెన్ సమీపంలో నిధులు మంజూరైన సి.సి రోడ్ నిర్మాణ పనులను మాజీ మంత్రి తాటిపర్తి జీవన్ రెడ్డి గారు పరిశీలించారు. ఈ సందర్భంగా రోడ్డు పనుల నాణ్యత, వెడల్పు అంశాలపై ఆయన ఆరా తీశారు.

మున్సిపల్ అధికారులతో ఫోన్ ద్వారా మాట్లాడిన జీవన్ రెడ్డి గారు, ప్రతిపాదితంగా ఉన్న 60 ఫీట్ల రోడ్డును ఎంత వెడల్పుతో నిర్మిస్తున్నారని ప్రశ్నించారు. అలాగే 60 ఫీట్ల రోడ్డు మార్క్ అవుట్ ఎందుకు ఏర్పాటు చేయలేదని అధికారులను నిలదీశారు.

రోడ్లపైకి వచ్చి అక్రమ కట్టడాలు జరుగుతుంటే వాటిని అడ్డుకోవాల్సిన బాధ్యత అధికారులదే కాదా అంటూ తీవ్ర అసంతృప్తి వ్యక్తం చేశారు. ప్రజల సౌకర్యం కోసం నిర్మిస్తున్న రోడ్ల విషయంలో ఎలాంటి నిర్లక్ష్యం సహించబోమని ఆయన స్పష్టం చేశారు.

కోరుట్ల, డిసెంబర్ 23 (ప్రజా మంటలు):

కోరుట్ల నియోజకవర్గ రాజకీయాల్లో డాక్టర్ సాయికుమార్ చేసిన వ్యాఖ్యలు తీవ్ర దుమారం రేపుతున్నాయి. కాంగ్రెస్ పార్టీ సీనియర్ నాయకుడు డాక్టర్ సాయికుమార్ నేడు కొత్తపేట శివాలయంలో ప్రత్యేక పూజలు నిర్వహించి సంచలన ప్రకటన చేశారు.

ఈ సందర్భంగా ఆయన మాట్లాడుతూ, గతంలో జువ్వాడి నర్సింగరావు గారు “డాక్టర్ సాయికుమార్ ఎమ్మెల్యే అభ్యర్థిగా పోటీ చేస్తే తాను ఎన్నికల బరిలో నుంచి తప్పుకుంటా” అని బహిరంగంగా సవాల్ చేసిన విషయాన్ని గుర్తు చేశారు.

ఈ అంశంపై కాంగ్రెస్ అగ్రనాయకులు శ్రీ మధు యాష్కీ గౌడ్, జీవన్ రెడ్డి ఆధ్వర్యంలో వెంటనే నియోజకవర్గ స్థాయి సమావేశం ఏర్పాటు చేయాలని డాక్టర్ సాయికుమార్ డిమాండ్ చేశారు.

అయ్యప్ప మాల సాక్షిగా శపథం:
ఆ సమావేశం నిర్వహించి, జువ్వాడి నర్సింగరావు పోటీ నుంచి తప్పుకుంటానన్న మాటను నిర్ధారించే వరకు తాను అయ్యప్ప స్వామి మాల విరమణ చేయనని, కొత్తపేట శివాలయం సాక్షిగా శపథం చేసినట్లు తెలిపారు.

ఈ ప్రకటనతో కోరుట్ల రాజకీయాలు మరింత వేడెక్కినట్లయ్యాయి.

ఉపఎన్నికలు రాబోతున్న సందర్భంలో పాత నాయకుడి భవిష్యత్‌ ఏమిటి?

జగిత్యాలలో దాదాపు 45 ఏళ్లుగా రాజకీయ ప్రభావాన్ని కలిగి ఉన్న మాజీ మంత్రి తాటిపర్తి జీవన్ రెడ్డి, ప్రస్తుతం అత్యంత కీలకమైన మలుపు దగ్గర నిలబడ్డారు. ఒకప్పుడు నియోజకవర్గంలో శాసించిన నాయకుడి ప్రభావం, నేడు గాలిలో తేలే ప్రశ్నగా మారిందంటే అతిశయోక్తి కాదు. ముఖ్యంగా స్పీకర్‌ పై సుప్రీంకోర్టు ఈరోజు వ్యక్తం చేసిన ఆగ్రహం రాజకీయ వాతావరణాన్ని ఒక్కసారిగా ఉత్కంఠతో నింపేసింది.

సుప్రీంకోర్టు హెచ్చరిక — ఉపఎన్నికల ఖాయ సంకేతం

BRS నుండి కాంగ్రెస్‌లోకి వచ్చిన ఎమ్మెల్యేలపై 10 యంత్రాంగ ఫిర్యాదు పెండింగ్‌లో ఉండటంపై స్పీకర్ ఆలస్యానికి సుప్రీంకోర్టు ఈరోజు తీవ్రమైన విమర్శలు చేసింది. “ఎన్నో రోజులుగా పెండింగ్‌లో ఉంచడం సబబు కాదు, త్వరగా నిర్ణయం తీసుకోండి” అని కఠినంగా వ్యాఖ్యానించింది. ఈ హెచ్చరికతో ఉపఎన్నికలు తప్పవని స్పష్టమవుతోంది.

ఇది సాధారణ హెచ్చరిక కాదు — రాజకీయ కాల్చర్‌ను పూర్తిగా మార్చే తీర్పు రాబోతుందనే సంకేతం. స్పీకర్‌పై రాజ్యాంగ బాధ్యతల పేరుతో వచ్చిన కఠిన వ్యాఖ్యలు తెలంగాణ రాజకీయాల్లో కొత్త సమీకరణాలను తీసుకురావడం ఖాయం.

కోలకతా హైకోర్టు తీర్పు — ‘పార్టీ ద్రోహం’కి కఠిన శిక్షల యుగం
ఈ క్రమంలోనే కోల్‌కతా హైకోర్ట్ BJP MLA ముకుల్ రాయ్ TMCలోకి వెళ్లడాన్ని రాజ్యాంగ పరంగా తప్పు పేర్కొని, ఆయన సభ్యత్వాన్ని రద్దు చేసిన తీర్పు కూడా పెద్ద సందేశమే.
ఈ తీర్పు కేవలం పశ్చిమబెంగాల్ కోసమే కాదు — దేశవ్యాప్తంగా పార్టీ ద్రోహం, మెట్లు మార్చుకునే నాయకుల కోసం ‘శూన్య సహనం’ (Zero Tolerance) యుగం మొదలయ్యిందని చెప్పొచ్చు.

ఇది తెలంగాణలో కాంగ్రెస్‌లో చేరిన BRS ఎమ్మెల్యేలకు కూడా వర్తించగలదనే అంచనా బలపడుతోంది.

ఇప్పుడు జీవన్ రెడ్డి స్థితి?ఉపఎన్నికలు వస్తే, కాంగ్రెస్ పార్టీ సిట్టింగ్ ఎమ్మెల్యే డా. సంజయ్ కుమార్ కు టిక్కెట్ ఇవ్వడం అత్యంత సహజమైన నిర్ణయమే. అతను ఇప్పటికే కాంగ్రెస్ గుర్తులతో ప్రచారం మొదలుపెట్టాడు. పార్టీ కూడా అతనిపై పెట్టుబడి పెడుతోంది.
అదే సమయంలో జీవన్ రెడ్డి, సంజయ్‌పై పాత ‘పెట్రోల్ బంక్ భూమి’ వివాదాన్ని మళ్లీ తెరపైకి తీసుకువస్తూ తన ఉనికిని చాటుకోవడానికి ప్రయత్నిస్తున్నాడు. ఇది స్థానికంగా చిన్నగా బజ్‌ క్రియేట్‌ చేస్తున్నా పార్టీ స్థాయిలో ప్రభావం తక్కువే.

జీవన్ రెడ్డి ప్రధాన సమస్య — తనకున్న దీర్ఘకాల భయం, ఒంటరితనం, ఇతర నాయకులు ఎదగకూడదన్న మనస్తత్వం.
దీర్ఘకాలంగా ఎవరినీ వారసుడిగా తయారు చేయకపోవడం, జిల్లా స్థాయిలో కొత్త నాయకత్వాన్ని అడ్డుకోవడం — ఇవన్నీ ఇప్పుడు అతనికి రాజకీయంగా పెద్ద మైనస్ అయ్యాయి

పార్టీతో సంబంధాలు — గట్టి కాక, గాలిలో తేలే తీరుడిల్లీకి రావడంలో ఆసక్తి లేని జీవన్ రెడ్డి, గాంధీ భవన్‌కి కూడా అరుదుగానే రావడం, పరిశీలకులతో తెరుపులేని సంబంధాలు — ఇవన్నీ "తనంత తాను" అనే నాయకుడిగా మిగిలిపోయేలా చేశాయి.
ఇప్పుడీ పార్టీ అతనిపై పెట్టుబడి పెట్టే పరిస్థితి లేదు.
అదే కాదు, సంజయ్‌ను కాంగ్రెస్‌లో చేర్చిన తర్వాత జీవన్ రెడ్డి బెదిరిస్తూ చేసిన "రాజీనామా" మాటలు కూడా అధిష్టానాన్ని అసహనానికి గురి చేశాయి.

కానీ రాజకీయాల్లో చివరి నిమిషంలో ఎవరు తిరిగి నిలబడతారో ఎవరికీ తెలియదు.

ఉపఎన్నిక అయితే — జీవన్ రెడ్డి భవిష్యత్తు ఇలా ఉండవచ్చు:

1. టిక్కెట్ రాదు — ఇది అత్యంత సాధ్యమైన పరిస్థితే
2. పార్టీలో గౌరవప్రదంగా ‘Senior Advisory Role’ ఇచ్చి పరిమితం చేసే అవకాశం
3. సైలెంట్ రిటైర్‌మెంట్ — రాజకీయ జీవితానికి అన్‌అనౌన్స్డ్ ముగింపు
4. తమ పార్టీకి కట్టుబడి ఉండి, స్థానిక ప్రభావంతో చిన్నపాటి పాత్రలు నిర్వహించడం
5. లేదంటే ఆకస్మిక రాజకీయ మార్పు? — ఇది అసాధ్యం కాదు కానీ అత్యల్ప అవకాశం

మరి రేపటి రాజకీయాలు ఎలా ఉంటాయో?
45 ఏళ్లుగా జగిత్యాల రాజకీయాలను తన ఆధీనంలో ఉంచుకున్న జీవన్ రెడ్డి, నేడు పార్టీ అంతర్గత డైనమిక్స్‌, సుప్రీంకోర్టు ఒత్తిడి, కోర్టుల కొత్త వైఖరి, యువ నేతల ఎదుగుదల, మరియు సిట్టింగ్ ఎమ్మెల్యే ప్రభావం—all కలిసొచ్చి అతని భవిష్యత్తును మరింత అనిశ్చితంగా మార్చాయి.

జీవన్ రెడ్డి భవిష్యత్తు ఇప్పుడు ఒకే ప్రశ్న చుట్టూ తిరుగుతోంది:
“జగిత్యాలలో ఇక పాత నాయకత్వానికి స్థానం ఉందా? లేక రాజకీయ వేదిక కొత్త చేతుల్లోకి పూర్తిగా వెళ్తుందా?”

సమాధానం త్వరలోనే తెలుస్తుంది.
సుప్రీంకోర్టు తీర్పు వచ్చే రోజే—జగిత్యాల రాజకీయ సమీకరణాలు కూడా మారే రోజు కావచ్చు.