క్యాతనపల్లి, ఫిబ్రవరి 18 (ప్రజా మంటలు):

మాజీ ఎమ్మెల్యే బాల్క సుమన్ ను క్యాతనపల్లి పోలీసులు అరెస్ట్ చేశారు. మున్సిపల్ చైర్మన్ ఎంపిక సందర్భంగా జరిగిన గందరగోళంలో పోలీసులపై దాడి చేశారనే ఆరోపణలపై కేసు నమోదు చేసినట్లు పోలీసులు తెలిపారు.

పోలీసుల సమాచారం ప్రకారం, చైర్మన్ ఎన్నికల సందర్భంగా మున్సిపల్ కార్యాలయం వద్ద ఉద్రిక్త పరిస్థితులు నెలకొన్నాయి. ఈ క్రమంలో విధుల్లో ఉన్న పోలీసులతో వాగ్వాదం చోటుచేసుకొని, దాడి జరిగినట్లు కేసు నమోదు చేశారు.

అరెస్టు అనంతరం బాల్క సుమన్‌ను స్థానిక కోర్టులో హాజరుపరచగా, కోర్టు మార్చి 3వ తేదీ వరకు రిమాండ్ విధించింది. ఈ ఘటనపై మరింత విచారణ కొనసాగుతోందని పోలీసులు పేర్కొన్నారు.

రాజకీయ వర్గాల్లో ఈ అరెస్టు చర్చనీయాంశమైంది. సంఘటనకు సంబంధించి పూర్తి వివరాలు అధికారిక ప్రకటనల ద్వారా వెలువడాల్సి ఉంది.

హైదరాబాద్ నవంబర్ 16 (ప్రజా మంటలు):

హైదరాబాద్ లోని హఫీజ్ పేటలోని, ప్రధాన రహదారి వద్ద ఉన్న రుమాల్ హోటల్లో శనివారం ఉదయం అగ్నిప్రమాదం జరిగింది. కిచెన్‌లో గ్యాస్ సిలిండర్ ఆకస్మికంగా పేలడంతో ఒక్కసారిగా భారీ మంటలు చెలరేగాయి.

గ్యాస్ సిలిండర్ పేలుడు – కిచెన్‌లో మంటలు

సిలిండర్ పేలిన వెంటనే కిచెన్‌లోని స్టౌలు, పాత్రలు, గ్యాస్ లైన్లు ఒక్కసారిగా మంటలు పట్టుకోవడంతో క్షణాల్లోనే పరిస్థితి ఉద్రిక్తంగా మారింది. మంటలు బయటికి వ్యాపించే ప్రమాదం ఉన్నప్పటికీ వెంటనే చర్యలు తీసుకోవడం పెద్ద ప్రమాదాన్ని తప్పించింది.

సమయం చక్కగా ఉండటంతో, సిబ్బంది అప్రమత్తత గొప్ప రక్షణగా మారింది. యాజమాన్యం వెంటనే విద్యుత్ సరఫరా నిలిపివేసింది.హోటల్‌లో ఉన్నవారిని బయటకు తరలించి,డోర్లు తెరిచి పొగ బయటికి వెళ్ళేలా చేసింది.దీంతో ప్రాణనష్టం ఏదీ జరగలేదు.

మంటలు అర్పిన  ఫైర్ సిబ్బంది 

సమాచారం అందుకున్న అగ్నిమాపక సిబ్బంది ఘటన స్థలానికి చేరుకుని మంటలను పూర్తిగా అదుపులోకి తీసుకున్నారు. భారీ నష్టం తప్పినా, కిచెన్ భాగంలో పరికరాలు, సామగ్రి దెబ్బతిన్నట్లు ప్రాథమిక సమాచారం.

హఫీజ్‌పేట్ పోలీసులు హోటల్ యాజమాన్యం నుంచి వివరాలు సేకరిస్తూ ఘటనపై కేసు నమోదు చేసి దర్యాప్తు చేస్తున్నారు.