సికింద్రాబాద్, ఏప్రిల్ 12 ( ప్రజామంటలు):

టీఎన్‌జీవో మెడికల్‌ అండ్‌ హెల్త్‌ ఎంప్లాయిస్‌ ఫోరం హైదరాబాద్‌ జిల్లా అధ్యక్షునిగా సికింద్రాబాద్‌ గాంధీఆస్పత్రి ఫిజియోథెరపీ విభాగ వైద్యుడు డాక్టర్‌ పల్లాటి రమేష్‌ ఏకగ్రీవంగా ఎన్నికయ్యారు.  టీఎన్‌జీవో యూనియన్‌ హైదరాబాద్‌ జిల్లా అధ్యక్షకార్యదర్శులు విక్రమ్, శ్రీనివాస్, కోశాధికారి బాలరాజుల నేతృత్వంలో  సంఘ కార్యాలయంలో ఆదివారం జరిగిన ఎన్నికల్లో నూతన కార్యవర్గాన్ని ఎన్నుకున్నట్లు ఎన్నికల ముఖ్య అధికారి కేఆర్‌ రాజ్‌కుమార్, సహాయ అధికారి ముఖేద్‌ఖురేషీలు తెలిపారు.

మెడికల్‌ అండ్‌ హెల్త్‌ ఎంప్లాయిస్‌ ఫోరం హైదరాబాద్‌ జిల్లా అధ్యక్షునిగా రమేష్, కార్యదర్శి బీఏ అభినాష్, ఉపాధ్యక్షుడు శివప్రసాద్, జాయింట్‌ సెక్రటరీ కల్పన, కోశాధికారి అబ్ధుల్‌అజీజ్, అర్గనైజింగ్‌ సెక్రటరీ అల్బర్గ్‌బెన్ని, పబ్లిసిటీ సెక్రటరీ అఖిలేష్, ఈసీ సభ్యులుగా శ్యామ్‌కుమార్, అజయ్‌కుమార్‌లు ఎన్నికయ్యారు. టీఎన్‌జీవో రాష్ట్ర అధ్యక్షకార్యదర్శులు కిరణ్‌రెడ్డి, సత్యనారాయణరెడ్డిలు నూతన కార్యవర్గాన్ని అభినందించారు.

టీఎన్‌జీవో హైదరాబాద్‌ జిల్లా ప్రతినిధులు నరేష్, శంకర్, వైదిక్‌శాస్త్ర, శ్రీధర్, వహీద్, తెలంగాణ మెడికల్‌ అండ్‌ హెల్త్‌ సెంట్రల్‌ ఫోరం  ప్రతినిధులు రాజేందర్, నర్సింహారెడ్డి, శివ, సత్యంరెడ్డి, వెంకట్రామిరెడ్డి, రామకృష్ణ, మహేష్‌ తదితరులు పాల్గొన్నారు.

ముంబై  ఫిబ్రవరి 09 (ప్రజా మంటలు)
ఎన్‌సీపీ (ఎస్‌పీ) అధినేత శరద్ పవార్ ఆరోగ్య సమస్యల నేపథ్యంలో ముంబైలోని ఓ ప్రైవేట్ ఆస్పత్రిలో చేరారు. గత కొన్ని రోజులుగా గొంతు ఇన్ఫెక్షన్, శ్వాసకు సంబంధించిన ఇబ్బందులతో బాధపడుతున్న ఆయనను వైద్యుల సూచన మేరకు ఆస్పత్రిలో చేర్చి పరీక్షలు నిర్వహిస్తున్నారు.

ప్రస్తుతం ఆయన ఆరోగ్య పరిస్థితి స్థిరంగా ఉందని, భయపడాల్సిన అవసరం లేదని వైద్యులు తెలిపారు. చికిత్స అనంతరం అవసరమైతే మరిన్ని పరీక్షలు చేస్తామని వెల్లడించారు.

తాడోంగ్ (సిక్కిం) నవంబర్ 14:

సిక్కిం రాష్ట్ర ముఖ్యమంత్రి శ్రీ ప్రేమ్ సింగ్ తమాంగ్ (గోలే), తేలికపాటి ముక్కు రక్తస్రావం మరియు రక్తపోటు పెరగడం కారణంగా శుక్రవారం సెంట్రల్ రిఫరల్ హాస్పిటల్‌కు తరలించారు. ఆసుపత్రి వైద్య బృందం వెంటనే చికిత్స ప్రారంభించడంతో ఆయన పరిస్థితి తక్షణమే స్థిరపడింది.

డాక్టర్లు వెల్లడించిన వివరాల ప్రకారం, ప్రస్తుతం సీఎం వైద్యుల పర్యవేక్షణలో ఉన్నారు మరియు పూర్తి స్థాయిలో స్టేబుల్ గా ఉన్నారు. ఆందోళన చెందాల్సిన అవసరం ఏదీ లేదని ఆసుపత్రి స్పష్టంచేసింది.

ప్రామాణిక వైద్య ప్రోటోకాల్ ప్రకారం పరిస్థితిని కొంతసేపు పరిశీలించిన అనంతరం సీఎంను త్వరలోనే డిశ్చార్జ్ చేయనున్నట్లు అధికారులు తెలిపారు.