హైదరాబాద్ మే 14 (ప్రజా మంటలు):

తెలంగాణ సాహిత్య అకాడెమీ ప్రచురిస్తున్న పునాస ఎప్రిల్-జూన్ 2026 సంచికలో ప్రచురితమైన “తెలుగు సాహిత్యంలో అంబేద్కర్ ప్రభావం” వ్యాసంపై ప్రముఖ సామాజిక తత్వవేత్త, రచయిత, బీసీ కమీషన్ తొలి చైర్మన్  బి.ఎస్. రాములు తీవ్ర అసంతృప్తి వ్యక్తం చేశారు. ఈ మేరకు కోయి కోటేశ్వరరావుకు బహిరంగ లేఖ రాశారు.

1992 నుంచి కార్యకలాపాలు నిర్వహిస్తున్న దరకమే ఐక్య వేదిక కృషిని వ్యాసంలో పూర్తిగా విస్మరించారని ఆయన విమర్శించారు. పాట, కథ, కవిత, నవల, సాహిత్య విమర్శ వంటి విభిన్న ప్రక్రియల్లో 220కు పైగా పుస్తకాలు వెలువడిన విషయాన్ని ప్రస్తావించకపోవడం బాధాకరమన్నారు.

“ప్రవహించే పాట” వంటి ప్రముఖ పాటల సంకలనాలు, మాస్టర్ జీ రచనలు, తెలంగాణ దళిత సాహిత్య ఉద్యమంలో పాటల పాత్ర గురించి సరైన ప్రాధాన్యం ఇవ్వలేదని పేర్కొన్నారు. “పాటలే ముందుగా ప్రజల్లోకి వెళ్లాయి. కానీ వ్యాసంలో వాటిని చివరన ప్రస్తావించడం సాహిత్య చరిత్ర అవగాహన లోపాన్ని సూచిస్తుంది” అని అన్నారు.
తెలంగాణ దళిత సాహిత్య వికాసంపై సరైన అవగాహన లేకుండా వ్యాసం రాయడం, దాన్ని తెలంగాణ సాహిత్య పత్రిక ప్రచురించడం “కొత్త రూపంలోని సీమాంధ్ర ఆధిపత్య ధోరణికి ఉదాహరణ” అని బి.ఎస్. రాములు వ్యాఖ్యానించారు.
తనపై గతంలో కోయి కోటేశ్వరరావు రాసిన విశ్లేషణాత్మక వ్యాసాన్ని కూడా గుర్తు చేస్తూ, “తెలంగాణ సాహిత్య చరిత్రపై మీ అవగాహన ఎంత ఉందో ఈ వ్యాసం ద్వారా బయటపడింది” అని పేర్కొన్నారు.
అంతేకాక, “రెండో వ్యాసం రాయండి. ముందుగా నా ఇంటర్వ్యూ తీసుకోండి. ఆ తరువాత ఇతర రచయితలు, ఉద్యమకారులను కలుసుకుని వివరాలు సేకరించండి. అప్పుడే సమగ్ర చరిత్ర రాయగలుగుతారు” అని సూచించారు.

జగిత్యాలపై అధిక భావోద్వేగం – బలమా? బలహీనతా?

తెలంగాణ రాజకీయాల్లో అప్పుడప్పుడూ వ్యక్తిగత నిర్ణయాలు పెద్ద చర్చలకు దారి తీస్తాయి. అలాంటి నిర్ణయాల్లో ఒకటి జీవన్ రెడ్డి కాంగ్రెస్ పార్టీని వీడి బీఆర్ఎస్‌లో చేరుతారనే ప్రచారం,.  వెనుక ఉన్న రాజకీయ లెక్కలు, వ్యక్తిగత పరిస్థితులు, స్థానిక వర్గ రాజకీయాలు— అన్ని కలిసి చూస్తే ఇది కేవలం పార్టీ మార్పు కాదు, ఒక దీర్ఘకాల రాజకీయ ప్రయాణంలో కీలక మలుపుగా కనిపిస్తోంది.

గత వైభవం – ప్రారంభంలో శక్తివంతమైన ఎదుగుదల

జీవన్ రెడ్డి రాజకీయ జీవితాన్ని పరిశీలిస్తే, ప్రారంభ దశలోనే మంచి అవకాశాలు దక్కాయి. 1981 లో మల్యాల పంచాయతీ సమితి అధ్యక్షులుగా, 1983 లో తెలుగు దేశం పార్టీ నుండి, మొదటిసారి ఎమ్మెల్యేగా గెలవడమే కాకుండా, మంత్రి వర్గంలో స్థానం పొందడం ఆయన రాజకీయ ప్రతిభకు నిదర్శనం. అయితే, ఆ విజయాన్ని స్థిరమైన ఆధిపత్యంగా మార్చుకోవడంలో మాత్రం ఆయన పూర్తిగా సక్సెస్ కాలేకపోయారు.

1980ల నుంచే జగిత్యాల నియోజకవర్గం వర్గ రాజకీయాలకు కేంద్రమైంది. ఒక దశలో ఆయన ప్రభావం ఉన్నప్పటికీ, తర్వాతి కాలంలో వరుసగా ఎదురైన రాజకీయ ప్రతిబంధకాలు ఆయన స్థాయిని తగ్గించాయి.

జగిత్యాల రాజకీయ వాస్తవం – వర్గాల ఆధిపత్య పోరు

జగిత్యాల నియోజకవర్గంలో ప్రధానంగా వెలమ, రెడ్డి వర్గాల మధ్య పోటీ కీలక పాత్ర పోషించింది. 1983 నుండి 2014వరకు ఈ ప్రాంతంలో అధికారం మారుతూ వచ్చినా, ఒక వర్గం పూర్తిగా ఆధిపత్యం చెలాయించలేకపోయింది.

గతంలో వేల రాజకీయ ఆధిపత్యం ఉన్న ఈ నియోజకవర్గం 1983 ఎన్నికల్లో రెడ్డి వర్గానికి దక్కింది. ఆతరువాత, 1985,1994, 2009, ఎన్నికలలో బీసీ వర్గాలకు చెందిన గుడిసెల రాజేశం గౌడ్, ఎలుగందుల రమణ విజయం సాధించి జీవన్ రెడ్డికి చెక్ పెట్టారు. 

అంటే వేలం నాయకత్వం. పరిస్థితులకు అనుకూలంగా బీసీలకు మద్దతు ప్రకటించడంతో, రెడ్డి వర్గానికి ఎదురుదెబ్బ తలిగింది. కానీ,  పదకొండు సార్లు పోటీ చేసిన జీవన్ రెడ్డి 6 సార్లు గెలిచి వెలమ వర్గాన్ని 2018 వరకు అడ్డుకున్నారు. 

అయితే 2018 తర్వాత పరిస్థితులు మారాయి. వెలమ వర్గం ప్రభావం పెరగడంతో, బీసీ నాయకులలో ఐక్యత లేకపోవడం, BRS పార్టీ వెలమ నాయకులకే ప్రాధాన్యత ఈయడంతో, జీవన్ రెడ్డి శకానికి ముగింపు పలికినట్లు అయింది.

జీవన్ రెడ్డి వరుస పరాజయాలు ఎదుర్కొన్నారు. 2023 ఎన్నికల్లో కూడా ఓటమి పాలవడం ఆయన రాజకీయ భవిష్యత్తుపై ప్రశ్నార్థక చిహ్నం పెట్టింది.

కాంగ్రెస్‌లో అసంతృప్తి – మార్పుకు దారితీసిన కారణం

జీవన్ రెడ్డి పార్టీ మార్పుకు ప్రధాన కారణం కాంగ్రెస్‌లో పెరిగిన అసంతృప్తి. ప్రస్తుతం కాంగ్రెస్ పార్టీ గెలిచిన నాయకులకు మాత్రమే ప్రాధాన్యం ఇవ్వడం, ఓడిపోయిన వారికి తక్కువ అవకాశాలు ఇవ్వడం ఆయనను నిరాశకు గురిచేసింది.
అంతేకాకుండా, స్థానికంగా కొత్త నాయకత్వాన్ని ప్రోత్సహించడం, ఇతర నేతలను ముందుకు తేవడం వల్ల ఆయన స్థానం క్రమంగా బలహీనపడింది. ఈ నేపథ్యంలో ఆయన చేసిన ప్రయత్నాలు ఫలించకపోవడంతో చివరకు పార్టీని వీడే నిర్ణయం తీసుకున్నారు.

బీఆర్ఎస్‌లో భవిష్యత్తు – అవకాశాలా? లేక అనిశ్చితి?

బీఆర్ఎస్‌లో చేరడం ద్వారా జీవన్ రెడ్డి రాజకీయంగా పునరుద్ధరణ పొందుతారా అన్నది పెద్ద ప్రశ్న. ప్రస్తుతం ఆయన వయస్సు 75 ఏళ్లు. రాజకీయాల్లో వారసత్వం లేకపోవడం కూడా ఒక పెద్ద లోపంగా కనిపిస్తోంది.
కుటుంబ సభ్యులను రాజకీయాల్లోకి తీసుకురాకపోవడం వల్ల ఆయన తర్వాత నాయకత్వం కొనసాగించే వ్యక్తి లేరు. ఇది పార్టీలు కూడా పెద్దగా ప్రాధాన్యం ఇవ్వకపోవడానికి ఒక కారణంగా మారుతోంది. పార్టీలో కూడా, రెండవ తరం నాయకత్వాన్ని ఆయన ప్రోత్సహించలేదు.

పట్టణ ఓటర్లు – కీలక బలహీనత

జీవన్ రెడ్డి రాజకీయాల్లో మరో ముఖ్యమైన అంశం పట్టణ ఓటర్ల మద్దతు లేకపోవడం. జగిత్యాల పట్టణంలో ఆయనకు ఎప్పుడూ స్పష్టమైన మెజార్టీ రాలేదు. గ్రామీణ ఓట్లతో గెలిచిన సందర్భాలు ఉన్నా, పట్టణ ఓటర్లు మాత్రం ఆయనకు అనుకూలంగా లేరు.

ఇది భవిష్యత్తులో మరింత పెద్ద సవాలుగా మారే అవకాశం ఉంది.

నియోజకవర్గాల పునర్విభజన – కొత్త సవాళ్లు

వచ్చే ఎన్నికల ముందు నియోజకవర్గాల పునర్విభజన జరిగే అవకాశం ఉంది. జగిత్యాల నియోజకవర్గం స్వరూపం మారితే, జీవన్ రెడ్డి ఎక్కడి నుంచి పోటీ చేస్తారు అన్నది పెద్ద ప్రశ్న.
ఒకవేళ పట్టణ కేంద్రంగా నియోజకవర్గం మారితే, ఆయన గెలుపు అవకాశాలు మరింత తగ్గే అవకాశం ఉంది. రిజర్వేషన్ మార్పులు కూడా ఆయన రాజకీయ లెక్కలను పూర్తిగా మార్చేయవచ్చు.

జగిత్యాలపై అధిక భావోద్వేగం – బలమా? బలహీనతా?

జీవన్ రెడ్డి రాజకీయాల్లో ఒక ముఖ్యమైన అంశం జగిత్యాలపై ఉన్న అతిప్రేమ.  ఆయన అన్నిటిని వదిలి జగిత్యాలకే పరిమితమయ్యారు.
ఈ భావోద్వేగం ఒకవైపు ఆయనకు గుర్తింపునిచ్చినా, మరోవైపు రాజకీయ అవకాశాలను పరిమితం చేసింది. కొత్త ప్రాంతాల్లో ఎదగలేకపోవడం ఆయనకు నష్టంగా మారింది.

  తగ్గుతున్న నాయకత్వ ప్రభావం

ప్రస్తుత పరిస్థితుల్లో జీవన్ రెడ్డి కాంగ్రెస్‌లో ఉన్నా, బీఆర్ఎస్‌లో ఉన్నా, ఆయన ప్రభావం పరిమితంగానే ఉండే అవకాశం ఉంది. భవిష్యత్తులో ఆయన పాత్ర ఎక్కువగా మీడియా వ్యాఖ్యలకే పరిమితమయ్యే అవకాశాలు కనిపిస్తున్నాయి.
రాజకీయంగా చూస్తే, ఇది ఒక శక్తివంతమైన నాయకుడి ప్రయాణంలో చివరి దశగా విశ్లేషకులు భావిస్తున్నారు. పార్టీ మార్పు ఆయనకు కొత్త జీవం పోస్తుందా, లేక ఇది ముగింపుకు నాంది అవుతుందా అన్నది వచ్చే కాలమే తేల్చాలి..

 వర్గాతీత రాజకీయాలకు వేదికగా జాగృతి : ఈ మార్పుకు సంకేతం? 

భారతదేశ రాజకీయ చరిత్రను పరిశీలిస్తే, మహిళల పాత్ర ఎప్పుడూ పరిమితంగానే కనిపిస్తుంది. సామాజికంగా, సాంప్రదాయంగా స్త్రీని రెండవ స్థానంలో ఉంచిన వ్యవస్థ రాజకీయాల్లో కూడా ప్రతిబింబించింది. అయినప్పటికీ, ప్రతీ యుగంలో కొంతమంది మహిళలు ఈ అడ్డంకులను ఛేదించి తమ నాయకత్వాన్ని చాటారు.
చరిత్రలో రాణి రుద్రమదేవి, రాణి లక్ష్మీబాయి వంటి నాయకురాళ్లు మాత్రమే కాకుండా, ఆధునిక కాలంలో మాయావతి, మమతా బెనర్జీ, జయలలిత వంటి నేతలు మహిళల సామర్థ్యాన్ని మరోసారి నిరూపించారు. అయినప్పటికీ, దేశవ్యాప్తంగా మహిళలకు రాజకీయాల్లో సమాన అవకాశాలు ఇంకా దూరంగానే ఉన్నాయి.
ఇలాంటి నేపథ్యంలో మహిళా రిజర్వేషన్ చట్టం ఒక కీలక మలుపు కావొచ్చు. చట్టసభల్లో 33 శాతం రిజర్వేషన్ అమలు అయితే, మహిళల రాజకీయ ప్రాతినిధ్యం గణనీయంగా పెరుగుతుంది. కానీ చట్టపరమైన అవకాశాలు మాత్రమే సరిపోవు — సామాజిక, రాజకీయ సంకల్పం కూడా అవసరం.

తెలంగాణ రాజకీయాల్లో ప్రస్తుతం భారత రాష్ట్ర సమితి, భారతీయ జాతీయ కాంగ్రెస్, భారతీయ జనతా పార్టీ పార్టీల ఆధిపత్యం కొనసాగుతున్నా, ప్రజల్లో ఒక ప్రత్యామ్నాయం కోసం ఆకాంక్ష పెరుగుతోంది. ముఖ్యంగా మహిళలు, యువతలో ఈ అసంతృప్తి స్పష్టంగా కనిపిస్తోంది.
ఈ నేపథ్యంలో కల్వకుంట్ల కవిత కొత్త రాజకీయ పార్టీ ఏర్పాటు దిశగా అడుగులు వేస్తుండటం రాజకీయంగా ప్రాధాన్యం సంతరించుకుంది. గత కొంతకాలంగా జిల్లాల వారీగా పర్యటిస్తూ ప్రజల సమస్యలను తెలుసుకుంటూ, ముఖ్యంగా మహిళలతో నేరుగా మమేకమవుతూ ఆమె ముందుకు సాగుతున్నారు.

మహిళలు పెద్దఎత్తున ఒకే రాజకీయ వేదికపై సంఘటితమైతే, అది తెలంగాణ రాజకీయాల్లో గేమ్‌చేంజర్‌గా మారే అవకాశం ఉంది. ఇప్పటివరకు విభజితంగా ఉన్న మహిళా ఓటు ఒక శక్తివంతమైన ఓటు బ్యాంక్‌గా మారితే, ప్రస్తుత రాజకీయ సమీకరణాలు పూర్తిగా మారిపోవచ్చు. ఇది కేవలం ఒక పార్టీ ఎదుగుదల మాత్రమే కాదు — పురుషాధిపత్య రాజకీయ వ్యవస్థకు ఒక సవాల్ కూడా.
మహిళా ఆధారిత రాజకీయ శక్తి పెరిగితే, ప్రభుత్వ విధానాల్లో కూడా మార్పులు కనిపించే అవకాశం ఉంది. మహిళా భద్రత, ఆరోగ్యం, విద్య, సంక్షేమం వంటి అంశాలు మరింత ప్రాధాన్యం పొందవచ్చు. అదే సమయంలో యువతలో రాజకీయ చైతన్యం పెరిగి, కొత్త నాయకత్వానికి దారి తీస్తుంది.

అయితే ఈ మార్గం అంత సులభం కాదు. సంప్రదాయ రాజకీయ శక్తుల ప్రతిఘటన, ఆర్థిక వనరుల కొరత, అంతర్గత విభేదాలు వంటి సవాళ్లు ఎదురయ్యే అవకాశం ఉంది. ముఖ్యంగా పురుషాధిపత్యం గట్టిగా పాతుకుపోయిన రాజకీయాల్లో మహిళా పార్టీ స్థిరపడాలంటే బలమైన సంఘటిత శక్తి అవసరం.
అంతిమంగా, తెలంగాణలో మహిళలు ఒకే దిశగా కదిలితే, అది కేవలం ఎన్నికల ఫలితాలను మాత్రమే కాదు — రాజకీయ సంస్కృతినే మార్చగలదు. ఒక మహిళ ముఖ్యమంత్రి లక్ష్యంగా ముందుకు రావడం, ప్రజా మద్దతుతో సాధ్యమైతే, అది చరిత్రలో కొత్త అధ్యాయానికి నాంది అవుతుంది.
 
మహిళల రాజకీయ ప్రయాణం ఇంకా పూర్తి కాలేదు. కానీ మార్పు ప్రారంభమైంది. తెలంగాణలో ఈ మార్పు వేగం పెరిగితే, అది దేశ రాజకీయాలపై కూడా ప్రభావం చూపే అవకాశం ఉంది. ఇప్పుడు చూడాల్సింది ఒక్కటే — మహిళలు ఒక శక్తిగా  మార్చాలనే ప్రయత్నానికి ఎంతమంది సహృదయంతో ముందుకు వస్తారని. అలాగే ప్రభంజనంగా మహిళలు ముందుకు వస్తె ఈ పురుషాధిక్య రాజకీయాలు ఎడిషాలో వెళతాయని. మహిళా శక్తికి తిరుగులేదనేది నిజం ఎన్నో ఏళ్ల కలలు నిజం అవనున్నాయి.

బీఆర్‌ఎస్‌/ బీజేపీ లోకి వెళితే పరిస్థితి?

రాజకీయ భవిష్యత్తుపై అనిశ్చితి

జగిత్యాల మార్చ్ 16 (ప్రజా మంటలు):

జగిత్యాల రాజకీయాల్లో నాలుగు దశాబ్దాలకుపైగా కాంగ్రెస్ పార్టీకి అంకితమై పనిచేసిన మాజీ మంత్రి తాటిపర్తి జీవన్ రెడ్డి రాజకీయ భవిష్యత్తుపై ఇప్పుడు కొత్త చర్చ మొదలైంది. ఆయన ఇంటి ముందు గతంలో ఏర్పాటు చేసిన కాంగ్రెస్ జాతీయ, రాష్ట్ర నాయకులతో ఉన్న ఫ్లెక్సీని తొలగించడం ఈ చర్చకు ప్రధాన కారణమైంది.

దాని స్థానంలో కొత్తగా ఏర్పాటు చేసిన ఫ్లెక్సీలో జీవన్ రెడ్డి కాషాయం కండువా ధరించి సీతారామలక్ష్మణుల విగ్రహాలకు నమస్కరిస్తున్న దృశ్యం కనిపిస్తోంది. ఉగాది, శ్రీరామనవమి శుభాకాంక్షలతో ఉన్న ఈ ఫ్లెక్సీలో కాంగ్రెస్ పార్టీ రంగులు లేకపోవడం రాజకీయ వర్గాల్లో ఆశ్చర్యాన్ని కలిగిస్తోంది.

ఈరోజు పార్టీ ఇంచార్జ్ మీనాక్షి నటరాజన్ ఫోన్ లో జీవన్ రెడ్డి తో మాట్లాడినట్లు, ఆమెకు ఈయన ఘాటుగా జవాబిస్తూ, ఇంతవరకు జరిగింది చాలు అన్నట్లు తెలిసింది. ఈయనతో పాటు మరికొందరు మాజీలు కూడా రాష్ట్రంలో కాంగ్రెస్ ను వీడనున్నట్లు తెలుస్తుంది. మరో వైపు కోమటిరెడ్డి రాజగోపాల్ రెడ్డి రహద్యమంతనాలు పార్టీలోని అసంతృప్తులను ఒక దగ్గరికి తెస్తున్నట్లు ప్రచారం జరుగుతుంది. మొత్తానికి మార్చ్ నెల కాంగ్రెస్ పార్టీకి పెద్ద గండాన్ని తెచ్చిపెట్టనున్నట్లు ప్రచారం జరుగుతుంది.

ఎన్నికల తరువాత మారిన రాజకీయ సమీకరణాలు

గత అసెంబ్లీ ఎన్నికల్లో జగిత్యాల నుంచి బీఆర్‌ఎస్ అభ్యర్థిగా పోటీ చేసిన డా. సంజయ్ కుమార్ జీవన్ రెడ్డిపై విజయం సాధించారు. అయితే అనంతరం రాష్ట్రంలో కాంగ్రెస్ అధికారంలోకి రావడంతో ఆయన కాంగ్రెస్ పార్టీలో చేరారు.

ఈ పరిణామం తరువాత జగిత్యాల కాంగ్రెస్‌లో జీవన్ రెడ్డి వర్గానికి ప్రాధాన్యం తగ్గిందని ఆయన అనుచరులు భావిస్తున్నారు. ముఖ్యంగా మున్సిపల్ రాజకీయాల్లో తిరుగుబాటు కౌన్సిలర్లను గెలిపించినప్పటికీ, మున్సిపల్ చైర్మన్ పదవి జీవన్ రెడ్డి వర్గానికి దక్కకపోవడం అసంతృప్తిని మరింత పెంచింది.

ఉగాది తరువాత కీలక నిర్ణయం?

గత కొంతకాలంగా పార్టీలో తాను ఇమడలేకపోతున్నానని జీవన్ రెడ్డి బహిరంగంగానే చెబుతున్నారు. ఈ నేపథ్యంలో ఉగాది తరువాత ఆయన కాంగ్రెస్ పార్టీని విడిచిపెడతారని ప్రచారం జరుగుతోంది.

ఇటీవల ఏర్పాటు చేసిన ఫ్లెక్సీ కూడా ఈ ప్రచారానికి బలం చేకూర్చింది. అయినప్పటికీ ఆయన వెంటనే పార్టీ మారుతారా, లేక మరికొంత కాలం వేచి చూస్తారా అన్నది ప్రస్తుతం “లక్ష డాలర్ల ప్రశ్న”గా మారింది.

వామపక్ష భావజాలం నుంచి కాంగ్రెస్ వరకు

జీవన్ రెడ్డి రాజకీయ ప్రయాణం విభిన్న దశలను దాటింది. న్యాయవాదిగా తన వృత్తిని ప్రారంభించిన ఆయన వామపక్ష భావజాలానికి దగ్గరగా ఉండేవారు. రాజకీయాల్లోకి రాకముందు అప్పటి జనతా పార్టీతో సంబంధం కొనసాగించారు.

1981లో సమితి అధ్యక్ష ఎన్నికల్లో మల్యాల ప్రాంతం నుంచి పార్టీరహితంగా గెలిచారు. తరువాత 1982లో మొదటిసారి తెలుగుదేశం పార్టీలో చేరారు. 1984లో జరిగిన రాజకీయ సంక్షోభ సమయంలో నాదెండ్ల భాస్కర్ రావుతో కలిసి అదే ఏడాది డిసెంబరులో కాంగ్రెస్ పార్టీలో చేరారు.

ఆ తర్వాత గెలుపోటములతో సంబంధం లేకుండా సుమారు నలభై ఏళ్లపాటు కాంగ్రెస్ పార్టీలోనే కొనసాగారు.

రాష్ట్ర అధ్యక్ష పదవి అవకాశాన్ని కూడా వదిలేశారు

కొన్ని సంవత్సరాల క్రితం రాష్ట్ర కాంగ్రెస్ అధ్యక్ష పదవిని జీవన్ రెడ్డికి ఇవ్వాలని పార్టీ అధిష్టానం ఆలోచించింది. ఆయనను ఢిల్లీకి కూడా పిలిచినా ఆ పదవిని స్వీకరించడానికి ముందుకు రాలేదు.

ఆర్థికంగా బలమైన వనరులు లేకపోవడం వల్లనే ఆ బాధ్యత తీసుకోలేదని ఆయన సమీప వర్గాలు చెబుతాయి. అయితే అదే సమయంలో రాష్ట్ర అధ్యక్ష పదవికి పోటీలో ఉన్న రేవంత్ రెడ్డికి జీవన్ రెడ్డి అడ్డంకిగా మారారనే భావన అప్పటి రాజకీయ పరిణామాల్లో కనిపించింది.

పార్టీ అంతర్గత విభేదాలు

బీఆర్‌ఎస్ ఎమ్మెల్యేలను కాంగ్రెస్‌లోకి తీసుకురావడంపై జీవన్ రెడ్డి వ్యక్తం చేసిన అభ్యంతరాలు కూడా రాష్ట్ర నాయకత్వంతో విభేదాలకు కారణమయ్యాయని రాజకీయ వర్గాలు విశ్లేషిస్తున్నాయి.

తాను పార్టీని విడిచిపెడతానని జీవన్ రెడ్డి పలుమార్లు ప్రకటించినప్పటికీ, రాష్ట్ర నాయకత్వం పెద్దగా స్పందించకపోవడం కూడా ఈ విభేదాలను మరింత పెంచింది.

బీజేపీ వైపు వెళతారా?

ఇప్పుడు ఆయన తదుపరి అడుగు ఏంటన్నది ఆసక్తికరంగా మారింది. రాజకీయంగా బీజేపీ సిద్ధాంతాలతో జీవన్ రెడ్డి పెద్దగా ఏకీభవించరని ఆయన సన్నిహితులు చెబుతారు.

అయితే నిజామాబాద్ ఎంపీగా ఉన్న ధర్మపురి అరవింద్‌తో కుటుంబపరమైన అనుబంధం ఉండటం వల్ల ఆయన బీజేపీ వైపు వెళతారా అనే ఊహాగానాలు కూడా వినిపిస్తున్నాయి.

అయితే దాదాపు నాలుగు దశాబ్దాలపాటు బీజేపీకి వ్యతిరేకంగా రాజకీయ పోరాటం చేసిన నాయకుడు ఆ పార్టీలో చేరడం అనేది రాజకీయంగా పెద్ద మలుపే అవుతుందని విశ్లేషకులు అంటున్నారు.

బీఆర్‌ఎస్‌లోకి వెళితే పరిస్థితి?

ఇక మరో ప్రత్యామ్నాయం బీఆర్‌ఎస్ పార్టీ. జగిత్యాలలో ఆ పార్టీలో ఎమ్మెల్సీ ఎల్. రమణ, మాజీ జెడ్పీ చైర్‌పర్సన్ దావ వసంత, మాజీ మంత్రి రాజేశం గౌడ్ వంటి నాయకులు ఉన్నారు.

అయితే వీరంతా ప్రారంభం నుంచే జీవన్ రెడ్డికి రాజకీయ ప్రత్యర్థులుగా ఉన్నారు. కాబట్టి బీఆర్‌ఎస్‌లో చేరినా స్థానికంగా వర్గపోరు కొనసాగే అవకాశం ఉందని రాజకీయ విశ్లేషకులు భావిస్తున్నారు.

రాజకీయ భవిష్యత్తుపై అనిశ్చితి

జగిత్యాల కాంగ్రెస్ రాజకీయాల్లో ఒకప్పుడు ఏకఛత్రాధిపత్యం వహించిన జీవన్ రెడ్డి ఇప్పుడు రాజకీయ పద్మవ్యుహంలో చిక్కుకున్న అభిమన్యుడిలా ఉన్నారని కొందరు వ్యాఖ్యానిస్తున్నారు.

భవిష్యత్తులో ఆయన స్వయంగా రాజకీయాల నుంచి తప్పుకుని తన కుమారుడిని రంగంలోకి దించాలని ఆలోచిస్తున్నారనే ప్రచారం కూడా ఉంది. అయితే ప్రస్తుతం ఉన్న రాజకీయ సమీకరణాల్లో అది ఎంతవరకు సాధ్యమవుతుందన్నది స్పష్టంగా కనిపించడం లేదు.

ఒక రాజకీయ పాఠమా?

దాదాపు నాలుగు దశాబ్దాలపాటు ఒకే పార్టీ కోసం పోరాడిన సీనియర్ నాయకుడికి ఇలాంటి పరిస్థితి రావడం రాజకీయాల్లో పరిస్థితులు ఎంత వేగంగా మారుతాయో చూపిస్తున్న ఉదాహరణగా కూడా చూడవచ్చు.

జీవన్ రెడ్డి తదుపరి అడుగు ఏంటన్నది మాత్రమే కాదు, జగిత్యాల రాజకీయ సమీకరణాలు ఎలా మారబోతున్నాయన్నదే ఇప్పుడు అందరి దృష్టిని ఆకర్షిస్తోంది.

న్యూఢిల్లీ  మార్చ్ 05:

భారతదేశానికి వ్యూహాత్మకంగా అత్యంత కీలకమైన సిలిగురి కారిడార్ ప్రాంతాన్ని ప్రత్యేక కేంద్ర పాలిత ప్రాంతంగా (Union Territory) మార్చే ప్రతిపాదనపై రాజకీయ, వ్యూహాత్మక వర్గాల్లో మళ్లీ చర్చ మొదలైంది. ఇటీవల కేంద్ర హోం మంత్రి అమిత్ షా బిహార్ సరిహద్దు ప్రాంతాల్లో మూడు రోజుల పర్యటన నిర్వహించడం ఈ చర్చలకు మరింత ఊతమిచ్చింది.

సిలిగురి కారిడార్ అంటే ఏమిటి?

సిలిగురి కారిడార్ పశ్చిమ బెంగాల్ ఉత్తర భాగంలో ఉన్న చాలా ఇరుకైన భూభాగం. దీని వెడల్పు కొన్నిచోట్ల 20 నుండి 22 కిలోమీటర్ల వరకు మాత్రమే ఉంటుంది. ఈ ప్రాంతం ద్వారా భారతదేశం ప్రధాన భూభాగం నుంచి ఈశాన్య రాష్ట్రాలకు రోడ్డు, రైల్వే మరియు ఇతర రవాణా మార్గాలు కలుస్తాయి.
ఈ కారిడార్ ఒక వైపు నేపాల్, మరో వైపు బంగ్లాదేశ్, పైభాగంలో భూటాన్, కొద్దిదూరంలో చైనా సరిహద్దు ఉండటం వల్ల ఇది అత్యంత వ్యూహాత్మక ప్రాంతంగా గుర్తించబడింది. అందుకే దీనిని సాధారణంగా “చికెన్ నెక్ కారిడార్” అని కూడా పిలుస్తారు.

యూనియన్ టెరిటరీ ఆలోచన ఎందుకు?

కొన్ని భద్రతా నిపుణులు మరియు రాజకీయ వర్గాలు ఈ ప్రాంతాన్ని నేరుగా కేంద్ర ప్రభుత్వ నియంత్రణలో ఉంచాలని భావిస్తున్నాయి. కారణాలు ఇలా ఉన్నాయి.
జాతీయ భద్రత
ఈ ప్రాంతం భారతదేశానికి ఈశాన్య రాష్ట్రాలకున్న ఏకైక భూసంబంధం. ఏదైనా అత్యవసర పరిస్థితి వచ్చినా ఈ కారిడార్‌కు భద్రత అత్యంత కీలకం.
సరిహద్దు భద్రత
బంగ్లాదేశ్ మరియు నేపాల్ సరిహద్దులకు సమీపంలో ఉండటంతో అక్రమ చొరబాట్లు, స్మగ్లింగ్ వంటి సమస్యలు ఉన్నాయని కేంద్ర ప్రభుత్వం తరచూ పేర్కొంటోంది.
సైనిక వ్యూహాత్మక ప్రాధాన్యం
భారత సైన్యం మరియు ఇతర భద్రతా బలగాలకు ఈశాన్య రాష్ట్రాలకు చేరుకోవడానికి ఈ మార్గం కీలకం.
పరిపాలనా సౌలభ్యం
ఈ ప్రాంతం కేంద్ర పాలిత ప్రాంతంగా మారితే భద్రతా నిర్ణయాలు వేగంగా తీసుకోవచ్చని కొందరు విశ్లేషకులు భావిస్తున్నారు.
ప్రతిపాదనలో ఉండే ప్రాంతాలు
ఈ యూనియన్ టెరిటరీ ఏర్పాటుపై అధికారిక ప్రకటన లేకపోయినా, చర్చల్లో కొన్ని ప్రాంతాలు ప్రస్తావనకు వస్తున్నాయి.

పశ్చిమ బెంగాల్ నుంచి
దార్జిలింగ్
కాలింపాంగ్
జల్పైగురి
అలిపుర్‌దువార్
బిహార్ నుంచి
కిషన్‌గంజ్ జిల్లా
సీమాంచల్ ప్రాంతంలోని కొన్ని భాగాలు

ఈ ప్రాంతాలు సిలిగురి కారిడార్ పరిసరాల్లోనే ఉన్నాయి.

అమిత్ షా బిహార్ పర్యటన

కేంద్ర హోం మంత్రి అమిత్ షా ఇటీవల బిహార్‌లోని సీమాంచల్ ప్రాంతంలో మూడు రోజుల పర్యటన నిర్వహించారు. పూర్నియా, అరారియా, కిషన్‌గంజ్ వంటి సరిహద్దు జిల్లాల్లో ఆయన భద్రతా పరిస్థితులు, సరిహద్దు అభివృద్ధి కార్యక్రమాలపై అధికారులతో సమీక్ష సమావేశాలు నిర్వహించారు.

ఈ జిల్లాలు సిలిగురి కారిడార్‌కు సమీపంగా ఉండటంతో ఈ పర్యటన తర్వాత సిలిగురి యూనియన్ టెరిటరీ ప్రతిపాదనపై మళ్లీ చర్చలు మొదలయ్యాయి.
అయితే ఈ అంశంపై కేంద్ర ప్రభుత్వం ఇప్పటివరకు అధికారిక ప్రకటన చేయలేదు.

రాజకీయ ప్రతిస్పందనలు

సిలిగురి ప్రాంతాన్ని కేంద్ర పాలిత ప్రాంతంగా మార్చే ప్రతిపాదన అమలైతే పశ్చిమ బెంగాల్ రాష్ట్ర భూభాగం తగ్గే అవకాశం ఉంది. అందువల్ల ఇది పెద్ద రాజకీయ వివాదానికి దారితీయవచ్చని విశ్లేషకులు భావిస్తున్నారు.
పార్లమెంట్ ఆమోదం లేకుండా ఇలాంటి నిర్ణయం తీసుకోవడం సాధ్యం కాకపోవడంతో భవిష్యత్తులో ఈ అంశం ఎలా ముందుకు సాగుతుందో చూడాలి.

టోక్యో ఫిబ్రవరి 21: 

జపాన్‌లో జరిగిన ఎన్నికల్లో సానయే టకైచి ఘన విజయం సాధించడంతో, జపాన్ స్టాక్ మార్కెట్లు రికార్డు స్థాయిలను తాకాయి. ముఖ్యంగా నిక్కీ 225 సూచీ ఒక్క వారంలోనే సుమారు 5 శాతం పెరగడం పెట్టుబడిదారుల్లో ఉత్సాహాన్ని పెంచింది.

అయితే ఈ ఉత్సాహం వెనుక ఆందోళన కూడా దాగి ఉందని మార్కెట్ నిపుణులు హెచ్చరిస్తున్నారు. టకైచి ప్రతిపాదించిన భారీ ప్రభుత్వ ఖర్చులు, ఆహారంపై వినియోగ పన్ను సస్పెన్షన్ వంటి హామీలు జపాన్ ఆర్థిక భవిష్యత్తుపై ప్రశ్నలు లేవనెత్తుతున్నాయి. ఈ విధానాల వల్ల ప్రభుత్వ అప్పులు పెరిగే ప్రమాదం ఉందని, దాని ప్రభావం యెన్ విలువపై పడవచ్చని అంచనా.

ఎన్నికల ముందు యెన్ బలహీనపడగా, దీర్ఘకాలిక ప్రభుత్వ బాండ్లపై వడ్డీ రేట్లు చరిత్రలో లేని స్థాయికి చేరాయి. ఎన్నికల తర్వాత కొంత స్థిరత్వం కనిపించినా, ఇది “తుఫాన్ ముందు నిశ్శబ్దం” కావచ్చని ట్రేడర్లు అభిప్రాయపడుతున్నారు.

ఇక బ్యాంక్ ఆఫ్ జపాన్ పరిస్థితి కూడా సున్నితంగా మారింది. వడ్డీ రేట్లు పెంచాల్సిన అవసరం ఉన్నప్పటికీ, ప్రభుత్వం ఖర్చులకు వెసులుబాటు ఇవ్వాలనే రాజకీయ ఒత్తిడి పెరిగే అవకాశముంది. అలా జరిగితే యెన్‌ను కాపాడడం మరింత కష్టమవుతుందని విశ్లేషకులు అంటున్నారు.

మొత్తంగా, టకైచి విజయం తాత్కాలికంగా స్టాక్ మార్కెట్లకు లాభాలు తెచ్చినా, దీర్ఘకాలంలో కరెన్సీ, బాండ్ మార్కెట్లకు ఇది “ట్రేడ్ కంటే ట్రాప్‌గా” మారే ప్రమాదం ఉందన్నదే అంతర్జాతీయ పెట్టుబడిదారుల ప్రధాన ఆందోళన.

చెన్నై ఫిబ్రవరి 20:

తమిళనాడు రాజకీయాల్లో కీలకమైన మార్పు చోటుచేసుకుంది.
డీఎండీకే అధికార పార్టీ అయిన డీఎంకే కూటమిలో చేరింది. ఈ నిర్ణయం రాష్ట్ర రాజకీయాల్లో చర్చనీయాంశంగా మారింది.

ఇటీవల వరకు డీఎండీకే ఏ కూటమిలో చేరుతుందో స్పష్టత లేకుండా ఉంది. అధికార పార్టీ వైపు వెళ్తుందా? లేక ప్రతిపక్ష కూటమిలో చేరుతుందా? అనే సందేహాలు కొనసాగాయి. చివరకు పార్టీ భవిష్యత్తును దృష్టిలో ఉంచుకొని డీఎంకే కూటమిలో చేరాలని నిర్ణయించింది.

ప్రతిపక్ష కూటమికి ఎదురుదెబ్బ

డీఎండీకే ప్రతిపక్ష కూటమిలో చేరుతుందని భావించిన వారు తీవ్ర నిరాశకు గురయ్యారు.
ప్రత్యేకంగా ఎడప్పాడి పళనిస్వామి మరియు బీజేపీ నేతలు ఈ పరిణామాన్ని ఊహించలేదు. బలమైన కూటమి ఏర్పడుతుందన్న వారి అంచనాలు తారుమారయ్యాయి.

ప్రేమలత నిర్ణయం వెనుక కారణాలు

డీఎండీకే అధినేత విజయకాంత్ మరణానంతరం పార్టీ బాధ్యతలు చూసుకుంటున్న ప్రీమలత విజయకాంత్ ఈ నిర్ణయం తీసుకున్నారు.
గతంలో ప్రతిపక్ష కూటమి ఇచ్చిన హామీలు అమలు కాకపోవడం వల్ల పార్టీ నేతల్లో అసంతృప్తి పెరిగింది. ముఖ్యంగా రాజ్యసభ హామీ నెరవేర్చకపోవడం కీలక కారణంగా మారింది.

పార్టీ అంతర్గత మద్దతు

ఇటీవల జరిగిన డీఎండీకే జిల్లా స్థాయి సమావేశంలో ఎక్కువ మంది నేతలు అధికార పార్టీ కూటమిలో చేరాలని అభిప్రాయం వ్యక్తం చేసినట్లు సమాచారం. పార్టీకి మళ్లీ ప్రజల్లో గుర్తింపు రావాలంటే అధికార కూటమిలో ఉండటం అవసరమని వారు భావించారు.

అధికార పార్టీకి లాభం

అధికార పార్టీ వచ్చే ఎన్నికల్లో భారీ విజయం లక్ష్యంగా పెట్టుకుంది. ప్రతి నియోజకవర్గంలో కొన్ని వేల ఓట్లు ప్రభావితం చేసే శక్తి డీఎండీకేకు ఉందని అంచనా. అందుకే ఈ కూటమి అధికార పార్టీకి అదనపు బలంగా మారింది.

డీఎండీకే భవిష్యత్ వ్యూహం

డీఎండీకే ఈ కూటమి ద్వారా

• శాసనసభలో ప్రతినిధిత్వం
• పార్లమెంటులో ప్రాతినిధ్యం
• స్థానిక సంస్థల స్థాయిలో బలపడటం
  లక్ష్యంగా పెట్టుకుంది.

రాజకీయంగా కీలక మలుపు

2011 ఎన్నికల్లో కూటమి భాగస్వామిగా ఉండి ప్రతిపక్ష హోదా పొందిన డీఎండీకే, ఆ తర్వాత సరైన రాజకీయ దారి లేక బలహీనపడింది. ఇప్పుడు అధికార పార్టీ కూటమిలో చేరి మళ్లీ రాజకీయ పునరాగమనానికి ప్రయత్నిస్తోంది.

డీఎండీకే తీసుకున్న ఈ నిర్ణయం రాజకీయంగా సరైనదేనా?
పార్టీకి మళ్లీ పూర్వ వైభవం వస్తుందా?
అనేది రాబోయే ఎన్నికల ఫలితాల్లో తేలనుంది.

బంగారం ధర ₹1 లక్షకు పడిపోతుందా? – గ్లోబల్ పవర్ షిఫ్ట్ వెనుక అసలు కథ.

ప్రస్తుతం 24 క్యారెట్ల 10 గ్రాముల బంగారం ధర ₹1.57 లక్షలు.
ఇది సాధారణ పెరుగుదల కాదు — ఇది ప్రపంచ ఆర్థిక వ్యవస్థలో నమ్మకం కదిలిన సంకేతం.

ఇప్పుడు ప్రశ్న:
👉 ఈ ధర నిజంగా ₹1 లక్షకు తగ్గుతుందా?
👉 అమెరికా–రష్యా డాలర్ ట్రేడ్ దీనిపై ఎంత ప్రభావం చూపుతుంది?

🌍 US–Russia–Dollar: ఇది కేవలం ట్రేడ్ కాదు, పవర్ సిగ్నల్

రష్యా గత కొన్నేళ్లుగా US డాలర్‌ను పక్కనపెట్టి:, చైనా యువాన్, రూబుల్,v గోల్డ్-బ్యాక్డ్ సెటిల్మెంట్స్ వంటి మార్గాల్లో ట్రేడ్ చేస్తోంది.

ఇప్పుడు మళ్లీ US డాలర్ ట్రేడ్కు సిద్ధం అవుతుందన్న వార్తలు (Bloomberg నివేదిక) రావడం అంటే:

ఇది కేవలం ఆర్థిక నిర్ణయం కాదు

👉 ఇది డాలర్ తిరిగి గ్లోబల్ కింగ్‌గా నిలబడే ప్రయత్నం

డాలర్ బలపడితే బంగారం ఎందుకు పడిపోతుంది? (కఠిన వాస్తవం)

బంగారం పెరుగుతుంది అంటే ఒక అర్థం ఉంటుంది:

ప్రపంచం డాలర్‌పై నమ్మకం కోల్పోతోంది

డాలర్ బలపడితే:

• సేఫ్ హేవెన్‌గా గోల్డ్ అవసరం తగ్గుతుంది
• పెట్టుబడులు US బాండ్లు, ఈక్విటీ వైపు మళ్లుతాయి
• గోల్డ్‌పై ప్రెజర్ వస్తుంది

చరిత్ర చెబుతున్న నిజం:

• 2013లో US ఫెడ్ టేపరింగ్ → గోల్డ్ 28% పతనం
• 2020–22లో కోవిడ్ + యుద్ధం → గోల్డ్ రికార్డు ర్యాలీ

అనిశ్చితి పెరిగితే గోల్డ్ ఎగురుతుంది
స్థిరత్వం వస్తే గోల్డ్ కూలుతుంది

అయితే ₹1.57 లక్షల నుంచి ₹1 లక్షకు పడిపోవడం సాధ్యమేనా?

ఇది భావోద్వేగ ప్రశ్న కాదు — గణిత ప్రశ్న.

₹1.57 లక్షల నుంచి ₹1 లక్షకు రావాలంటే:
➡️ సుమారు 36% పతనం అవసరం

ఇది జరగాలంటే ఒకటి కాదు — ఐదు పెద్ద మార్పులు ఒకేసారి జరగాలి:

బంగారం భారీగా పడిపోవాలంటే కావాల్సిన షరతులు

1️⃣ అమెరికా–రష్యా శాశ్వత డిప్లొమాటిక్ సెటిల్‌మెంట్

యుద్ధ భయం పూర్తిగా తగ్గాలి

2️⃣ గ్లోబల్ డీ-డాలరైజేషన్ ఆగిపోవాలి

BRICS దేశాలు డాలర్‌కు తిరిగి రావాలి

3️⃣ సెంట్రల్ బ్యాంకులు గోల్డ్ కొనుగోళ్లు ఆపాలి

ఇప్పటికే:

• చైనా
• భారత్
• మధ్యప్రాచ్య దేశాలు

గోల్డ్ నిల్వలు పెంచుతున్నాయి

4️⃣ US వడ్డీ రేట్లు ఎక్కువకాలం ఎత్తుగా ఉండాలి

ఇది ప్రపంచ ఆర్థిక వృద్ధిని చంపే ప్రమాదం ఉంది

5️⃣ ప్రపంచంలో రాజకీయ స్థిరత్వం రావాలి

(ఇది ప్రస్తుతం అసాధ్యానికి దగ్గర)

అందుకే తక్షణంగా ₹1 లక్ష = అతిశయోక్తి

డాలర్ ట్రేడ్ వార్తలతో:

• ₹5,000–₹15,000 వరకు కరెక్షన్ రావచ్చు
• కానీ ఫ్రీ ఫాల్ జరగదు

🧠 2027 అంచనా – ఎందుకు కొంతవరకు నిజం కావచ్చు?

స్ట్రాటజిస్ట్ అమిత్ గోయల్ చెప్పినట్లు
👉 ₹90,000 – ₹1 లక్ష పరిధి 2027 నాటికి సాధ్యమే

కానీ ఇది:

• ఒక్క డాలర్ నిర్ణయంతో కాదు
• గ్లోబల్ పవర్ బ్యాలెన్స్ మారితే మాత్రమే

ఎందుకు?

• AI, ఎనర్జీ, మిలిటరీలో US ఆధిపత్యం తిరిగి బలపడితే
• చైనా వృద్ధి మందగిస్తే
• యుద్ధాలు చల్లారితే

అప్పుడే గోల్డ్ విలువ తగ్గుతుంది

🪙 భారత పెట్టుబడిదారులకు అసలు సందేశం

❌ “బంగారం పడిపోతుంది – అమ్మేయండి” అనేది తప్పు

❌ “₹1 లక్ష ఖాయం” అనేది కూడా తప్పు

✅ సరైన దృష్టికోణం:

• గోల్డ్ = ఇన్సూరెన్స్
• లాభం కోసం కాదు, రిస్క్ కవర్ కోసం

షేర్లు కొనాలంటే వ్యూహం ఏమిటి?

• పోర్ట్‌ఫోలియోలో 10–15% మాత్రమే
• ఒకేసారి కొనద్దు
• ధర పడితే SIPలో జోడించండి

👉 అమెరికా–రష్యా డాలర్ ట్రేడ్
👉 గోల్డ్‌పై తాత్కాలిక ఒత్తిడి
👉 కానీ భారీ పతనం తక్షణం కాదు.

₹1 లక్షకు బంగారం పడిపోవడం అసాధ్యం కాదు
కానీ అది ఒక వార్తతో కాదు — ఒక యుగ మార్పుతో మాత్రమే

జగిత్యాల రాజకీయాల్లో సంచలన మార్పు: కొత్త సమీకరణలు ?

(ప్రత్యేక విశ్లేషణాత్మక కథనం)

జగిత్యాల పట్టణ మున్సిపల్ చైర్‌పర్సన్‌గా సమిండ్ల వాణి ఎన్నిక కావడం కేవలం స్థానిక పదవి మార్పు కాదు. ఇది కాంగ్రెస్ లోపలి శక్తి సమీకరణాల్లో ఒక కీలక మలుపు.

బయటికి చూస్తే ఇది
👉 సంజయ్ కుమార్ వర్గ విజయంలా కనిపిస్తుంది.
కానీ లోతుగా చూస్తే —
👉 ఇది స్పష్టంగా రేవంత్ రెడ్డి రాజకీయ పంతం నెగ్గిన ఘట్టం.

1️⃣ సంజయ్ కుమార్ పాత్ర: “ఫీల్డ్ కంట్రోల్” విజయం

సంజయ్ కుమార్:

• బీఆర్ఎస్ నుంచి కాంగ్రెస్ లోకి వచ్చినా
• జగిత్యాలలో కౌన్సిలర్లపై పూర్తి పట్టు సంపాదించారు
• బి-ఫారమ్‌లు, రెబెల్ కంట్రోల్, చివరకు చైర్‌పర్సన్ ఎంపిక వరకు
  👉 గ్రౌండ్ లెవెల్ మేనేజ్‌మెంట్లో పైచేయి సాధించారు

సమిండ్ల వాణి ఎంపిక:, గతంలో కాంగ్రెస్ లో ఉన్నారు.

• మాజీ మంత్రి వర్గానికి మొండిచేయి
• “జీవన్ రెడ్డి మాటే చివరి మాట” అనే మిథ్‌కి తెర

👉 ఇది సంజయ్ కుమార్‌కు స్థానికంగా పూర్తి ఆధిపత్యం తీసుకొచ్చిన విజయం.

2️⃣ జీవన్ రెడ్డి పరాజయం: రాజకీయంగా కాదు, మానసికంగా

జీవన్ రెడ్డి ఈ ఎన్నికలో ఓడిపోయింది కౌన్సిలర్ లెక్కల్లో కాదు —
👉 హైకమాండ్ విశ్వాసంలో.

• గాజుల రాజేందర్ మరదలు మూలాస్తపు గాజుల లావణ్యను ఎంపిక చేయాలన్న ప్రయత్నం
• పార్టీ లోపల మద్దతు కూడగట్టలేకపోవడం
• చివరకు ఫలితం చేతులు దాటిపోవడం

ఆయన మళ్ళీ ప్రెస్ మీట్ పెట్టడమే చెబుతోంది:

“నాకు వినిపించుకునే చోటు మిగలలేదని”

👉 కాంగ్రెస్ లో జీవన్ రెడ్డి భవిష్యత్‌పై అనుమానం ఇప్పుడు కేడర్‌లోనే కాదు, రాజకీయ వర్గాల్లో కూడా బలంగా ఉంది.

3️⃣ వైస్ చైర్‌పర్సన్ చాంద్ పాష: సైలెంట్ కానీ కీలక సంకేతం

మైనార్టీ వర్గానికి చెందిన జీనత్ పర్వీన్ (మున్నా) ను వైస్ చైర్‌పర్సన్ చేయడం:

• కేవలం సామాజిక సమీకరణ కాదు
• కాంగ్రెస్ లో మైనార్టీ బ్యాంక్‌ను సంజయ్ వర్గానికి అటాచ్ చేసే వ్యూహం

ఇది రేవంత్ రాజకీయానికి సూటిగా సరిపోతుంది:

“బలం ఉన్నవాడికే పదవి – సామాజిక సమతుల్యతతో”

4️⃣ అసలు విజేత ఎవరు? సంజయ్ కంటే రేవంత్ ఎందుకు?

ఇక్కడ కీలక ప్రశ్న:

ఇది సంజయ్ కుమార్ విజయం మాత్రమేనా?

సమాధానం: లేదు.

ఎందుకంటే —

• సంజయ్ కుమార్‌కు పూర్తి స్వేచ్ఛ ఇచ్చింది హైకమాండే
• జీవన్ రెడ్డి లాంటి సీనియర్ అసంతృప్తిని కూడా పట్టించుకోలేదు
• “సీనియారిటీ కాదు, కంట్రోల్” అనే స్పష్టమైన మెసేజ్ పంపింది

👉 ఈ మెసేజ్ పంపింది రేవంత్ రెడ్డి.

అంటే:

• జగిత్యాల = పరీక్షా కేంద్రం
• ఫలితం = రేవంత్ మోడల్‌కు గ్రీన్ సిగ్నల్

5️⃣ రాజకీయంగా దీని అర్థం ఏమిటి?

ఈ చైర్‌పర్సన్ ఎంపిక చెబుతున్నది:

• కాంగ్రెస్ లో ఇక
  ❌ “మాజీ మంత్రి” బ్రాండ్ పనిచేయదు
  ✅ “ఎలక్టెడ్ బలం + గ్రౌండ్ కంట్రోల్”కే విలువ
• జీవన్ రెడ్డి లాంటి వారు
  👉 హైకమాండ్‌తో తిరిగి కనెక్ట్ కాకపోతే
  👉 రాజకీయంగా పక్కనపడే ప్రమాదం

చివరికి మిగిలేది ఏమిటి?

జగిత్యాల మున్సిపల్ చైర్‌పర్సన్ ఎన్నిక
సంజయ్ కుమార్‌కు స్థానిక విజయం అయితే,
రేవంత్ రెడ్డికి ఇది రాజకీయంగా ‘పంతం నెగ్గిన’ ఘట్టం.
జీవన్ రెడ్డి మాత్రం ఈ సమీకరణల్లో స్పష్టంగా అవుట్ అయ్యారు.

మూడు కుర్చీకాటగా పదవి రాజకీయాలు

జగిత్యాల మున్సిపల్ రాజకీయాలు ఇక స్థానిక పరిమితుల్లో లేవు. రాబోయే జిల్లా పరిషత్, మండల పరిషత్ ఎన్నికలతో ముడిపడి, ఇవి రాష్ట్ర స్థాయి అధికార కేంద్రాల వరకూ చేరాయి. ముఖ్యంగా మున్సిపల్ ఛైర్పర్సన్ ఎంపిక ఒక్క పదవిగా కాకుండా, ఇద్దరు కీలక నేతల రాజకీయ భవిష్యత్తును ప్రభావితం చేసే అంశంగా మారింది.

ఛైర్పర్సన్ పీఠం = భవిష్యత్ రాజకీయ దిశ

ఈ రాజకీయ క్రీడలో కేంద్ర బిందువు ఒక్కటే – ఛైర్పర్సన్ పదవి ఎవరిది?
ఈ ప్రశ్నకు సమాధానం,

• జీవన్ రెడ్డి రాజకీయ ప్రభావాన్ని నిలబెట్టుతుందా?
• లేక సంజయ్ కుమార్ నాయకత్వాన్ని మరింత బలపరుస్తుందా?

అన్నదాన్ని నిర్ణయించనుంది.

 “జెండా మోసినవాడా? –అధికార ప్రభావమా?”

ఇక్కడ జరుగుతున్నది కేవలం వ్యక్తిగత పోరు కాదు.
👉 పార్టీకి ఎవరు ముఖ్యం?
👉 సీనియారిటీకే ప్రాధాన్యమా, లేక తాజా రాజకీయ శక్తికేనా?

అనే ప్రశ్నల చుట్టూ తిరుగుతున్న రాజకీయ యుద్ధం ఇది.

ఈ వివాదం చివరకు ముఖ్యమంత్రి – డిప్యూటీ ముఖ్యమంత్రి కోర్టు వరకూ చేరిందంటే, దీని తీవ్రత ఎంతుందో అర్థం చేసుకోవచ్చు.

సయోధ్య ప్రయత్నాలు – ఫలించని ప్రయత్నాలేనా?

రెండు వర్గాలను సంతృప్తి పరచేందుకు:

• మంత్రి అడ్లూరి లక్ష్మణ్,
• కేంద్ర పార్టీ ప్రతినిధి సవాంత్

జీవన్ రెడ్డితో సమావేశమై సర్ది చెప్పినట్లు సమాచారం.
అయితే ఆ సమావేశం తర్వాత జీవన్ రెడ్డి మౌనం మరింత రాజకీయ అర్థాలను తెరపైకి తెచ్చింది.

ఆయన స్పష్టంగా చేసిన ఒక వ్యాఖ్యే కీలకం:

“విమర్శలు వద్దు… పార్టీ కార్యకర్తకే పదవి ఇవ్వాలి”

ఇది రాజీ సంకేతమా? లేక వ్యూహాత్మక మౌనమా? అన్నది ప్రశ్న.

MLA సంజయ్ వ్యూహం: సీఎం నివాసం నుంచే సందేశం

మరోవైపు, సంజయ్ కుమార్ నేరుగా ముఖ్యమంత్రి నివాసం నుంచే వీడియో సందేశం పంపించారు.
అందులో:

• తాను ఇద్దరు సీనియర్ కౌన్సిలర్ల పేర్లు అడువాల జ్యోతి లక్ష్మణ్, సమీండ్ల వాణి లను  ప్రతిపాదించానని ,
• వారిలో ఎవరినైనా ఎంపిక చేయాలని కోరినట్లు చెప్పారు.

ఇది తనకు ఉన్న అధికారిక అండను స్పష్టంగా చూపించే ప్రయత్నంగా రాజకీయ వర్గాలు విశ్లేషిస్తున్నాయి.

 కర్ణాటక మోడల్? లేక పదవుల పంచకం?

ప్రస్తుతం చర్చలో ఉన్న ప్రధాన ఫార్మూలాలు:

1️⃣ కర్ణాటక పద్ధతి

• ఒక వర్గానికి ఛైర్పర్సన్
• మరో వర్గానికి వైస్ ఛైర్పర్సన్
• రెండున్నర సంవత్సరాల తర్వాత మార్పు

2️⃣ మున్సిపల్ + జిల్లా పరిషత్ పంచకం

• ఒకరికి మున్సిపల్ ఛైర్పర్సన్
• మరొకరికి జిల్లా పరిషత్ అధ్యక్ష పదవి

కానీ అసలు చిక్కు ఇదే:
👉 ఇప్పుడు ఎవరు వెనక్కి తగ్గుతారు?
👉 ఎవరికి ఏ పదవి ఇస్తే సంతృప్తి?

ఇదే రాజకీయ సందిగ్ధత.

రేవంత్ రెడ్డి కోణం: పాత గాయాల ప్రభావమా?

ఈ మొత్తం వ్యవహారంలో మరో కీలక అంచనా ఉంది.
రేవంత్ రెడ్డి కు, జీవన్ రెడ్డిపై గతం నుంచే అసంతృప్తి ఉందన్న గుసగుసలు వినిపిస్తున్నాయి.

వాటి వెనుక కారణాలు:

• పీసీసీ అధ్యక్ష పదవి ప్రతిపాదనను జీవన్ రెడ్డి తిరస్కరించడం
• బీఆర్ఎస్ ఎమ్మెల్యేలను కాంగ్రెస్‌లో చేర్చే ప్రయత్నాలకు ఆయన అడ్డుగా నిలవడం

ఈ నేపథ్యమే, ప్రస్తుతం సంజయ్ కుమార్ వర్గానికి ప్రోత్సాహం లభిస్తోందన్న అభిప్రాయానికి దారి తీస్తోంది.

గాజుల లావణ్య మహేష్ .: రాజకీయ వారసత్వం

జీవన్ రెడ్డి వర్గం నుంచి:
గాజుల (మూలాస్తపు) లావణ్య మహేష్ కు ఛైర్పర్సన్ పదవి న్యాయసమ్మతమే అన్న వాదన బలంగా వినిపిస్తోంది.

కారణాలు:

• వారి కుటుంబం మూడున్నర దశాబ్దాలుగా కాంగ్రెస్‌కు విధేయం
• గతంలో గాజుల రాజేందర్, ఇతర కుటుంబ సభ్యులు ఇదే వార్డు నుంచి గెలుపు

ఇది కేవలం వ్యక్తిగత అభ్యర్థిత్వం కాదు – రాజకీయ నిబద్ధతకు గుర్తింపు అన్న భావనను వారు ముందుకు తెస్తున్నారు.

సీల్డ్ కవర్ – భవిష్యత్ ఎవరిది?

పార్టీ అధిష్టానం చేతుల్లో ఉన్న రేపటి సీల్డ్ కవర్:

• ఎవరి రాజకీయ భవిష్యత్తును నిర్ణయించినా,
• జగిత్యాల రాజకీయాల్లో వర్గపోరు మాత్రం తప్పదు.

ఎందుకంటే ఇది పదవుల పోరు మాత్రమే కాదు –
👉 ప్రభావం
👉 నాయకత్వం
👉 భవిష్యత్ రాజకీయ వారసత్వం
అన్నింటికీ పరీక్ష.

తుది విశ్లేషణ

జగిత్యాల మున్సిపల్ రాజకీయాలు ఇప్పుడు లిట్మస్ టెస్ట్ గా మారాయి.. ఇది:

• పార్టీ లోపలి ప్రజాస్వామ్యానికి పరీక్ష
• సీనియర్–జూనియర్ సమీకరణల తార్కాణం
• రాబోయే పరిషత్ ఎన్నికలకు ట్రైలర్

ఒక్క నిర్ణయం –జగిత్యాల రాజకీయ దిశనే మార్చే శక్తి కలిగి ఉంది.

చెన్నై ఫిబ్రవరి 14:

తమిళనాడు రాజకీయాల్లో కూటమి సమీకరణలపై చర్చకు తెరలేపుతూ కాంగ్రెస్ ఎంపీ మాణికం ఠాకూర్ కీలక వ్యాఖ్యలు చేశారు.

2021 తమిళనాడు అసెంబ్లీ ఎన్నికలను ప్రస్తావించిన ఆయన,
“డీఎంకే నేతృత్వంలోని కూటమి అధికారంలోకి వచ్చింది. కూటమిలో భాగస్వామిగా ఉన్న కాంగ్రెస్ పార్టీకి అధికార భాగస్వామ్యం కోరే హక్కు ఉంది. ప్రభుత్వంలో పంచుకునే హక్కు మాకూ ఉంది” అని అన్నారు.

2021 ఎన్నికల అధికారిక గణాంకాల ప్రకారం —

• కాంగ్రెస్ పార్టీ 25 అసెంబ్లీ స్థానాల్లో పోటీ చేసింది
• వాటిలో 18 స్థానాల్లో విజయం సాధించింది

ఇక కూటమి నేతృత్వం వహించిన డీఎంకే పార్టీ స్వయంగా 133 సీట్లను గెలుచుకుని ప్రభుత్వం ఏర్పాటు చేసింది.

మాణికం ఠాకూర్ వ్యాఖ్యలతో, రాబోయే ఎన్నికల్లో డీఎంకే కూటమిలో కాంగ్రెస్ పార్టీ తన సీట్ల వాటాను పెంచాలని భావిస్తున్నదా? డీఎంకే గతంలో గెలిచిన కొన్ని స్థానాలను కాంగ్రెస్ కోరే యోచనలో ఉందా? అనే ప్రశ్నలు రాజకీయ వర్గాల్లో ఉత్పన్నమవుతున్నాయి.

ఈ అంశంపై ఇప్పటివరకు భారత జాతీయ కాంగ్రెస్ లేదా డీఎంకే నుంచి అధికారిక స్పందన వెలువడలేదు.

చైర్మన్ పదవి : ఘర్షణా? సయోధ్యా?

నలుగురి మధ్యలో పోటీ

జగిత్యాల ఫిబ్రవరి 13 (ప్రజా మంటలు):

జగిత్యాల మున్సిపల్ ఎన్నికలు జగిత్యాల రాజకీయాన్ని పూర్తిగా తలకిందులు చేశాయి. బీఆర్ఎస్ నుంచి గెలిచి, కాంగ్రెస్‌లో చేరిన ఎమ్మెల్యే డా. ఎం. సంజయ్ కుమార్ ఈ ఎన్నికల్లో తన రాజకీయ బలాన్ని స్పష్టంగా చూపించారు. కాంగ్రెస్ తరఫున ఆయన వర్గానికి 35 బి ఫారమ్‌లు దక్కగా, మరో 15 మంది రెబెల్ అభ్యర్థులను రంగంలోకి దించడం రాజకీయంగా సంచలనంగా మారింది.

ఇదే సమయంలో మాజీ మంత్రి టి. జీవన్ రెడ్డి అధిష్టానంతో ఎంతగా ప్రయత్నించినా ఆయన వర్గానికి కేవలం 15 బి ఫారమ్‌లే లభించాయి. 40 ఏళ్లుగా కాంగ్రెస్‌లో కొనసాగిన జీవన్ రెడ్డి, తనకు జరిగిన అవమానంగా భావించి, ఎదురుతిరిగి మరో 35 మంది పాత కాంగ్రెస్ కార్యకర్తలను రెబెల్‌లుగా నిలిపారు. ఈ పరిణామం కాంగ్రెస్ అంతర్గత రాజకీయాల్లో చీలికను బహిర్గతం చేసింది.

బీజేపీలో పాత–కొత్త పోరు

భారతీయ జనతా పార్టీలో కూడా అంతర్గత కలహాలు స్పష్టంగా కనిపించాయి. పాత కౌన్సిలర్లను పక్కనపెట్టి, కొత్త ముఖాలకు అవకాశం ఇవ్వాలన్న నిర్ణయంతో బోగ శ్రావణి, ఎంపీ అరవింద్ కలిసి కొత్త అభ్యర్థులను ఎంపిక చేశారు. బియ్యం వ్యాపారంలో పేరు తెచ్చుకున్న కొండ లక్ష్మణ్‌ను, ఆయన భార్యను పార్టీలో చేర్చి చైర్మన్ అభ్యర్థిగా ముందుకు తీసుకురావడం విమర్శలకు దారి తీసింది. ఫలితంగా బీజేపీకి 6 స్థానాలు మాత్రమే దక్కాయి, అందులో 3 మంది ఇండిపెండెంట్లు (బీజేపీ రెబెల్స్) కూడా ఉన్నారు.

బీఆర్ఎస్ పతనం – ఎంఐఎం ఎంట్రీ

మొన్నటి వరకు అధికారంలో ఉన్న భారత రాష్ట్ర సమితి ఈ ఎన్నికల్లో కేవలం 4 స్థానాలకే పరిమితమైంది. ఇది గులాబీ పార్టీకి పెద్ద ఎదురుదెబ్బగా మారింది. మరోవైపు ఎంఐఎం తొలిసారిగా జగిత్యాలలో 2 స్థానాలు గెలుచుకుని తన ఉనికిని చాటింది.

అసలు లెక్కలు ఏంటి?

 మొత్తం 50 వార్డుల్లో

• ఎమ్మెల్యే సంజయ్ కుమార్ వర్గం – 18 స్థానాలు
• జీవన్ రెడ్డి వర్గం – 17 స్థానాలు
  అంటే కాంగ్రెస్ పార్టీ పేరుతో గెలిచిన 35 స్థానాల్లో, మూడొంతుల మంది మాజీ బీఆర్ఎస్ నేపథ్యమున్నవారే కావడం గమనార్హం.

చైర్మన్ పదవి: ఘర్షణా? సయోధ్యా?

ఇప్పటి వరకు ఒకరినొకరు రాజకీయంగా తీవ్రంగా విమర్శించుకున్న సంజయ్ కుమార్–జీవన్ రెడ్డి వర్గాలు, ఇప్పుడు చైర్మన్ పదవి కోసం సయోధ్య తప్పని పరిస్థితిలో ఉన్నాయి. ఇద్దరూ తమ వర్గానికే పదవి దక్కాలని పట్టుబడుతున్నారు.

తారుమారైన 26 వార్డు ఫలితాలు

ఎమ్మెల్యే వర్గం నుంచి చైర్మన్ పదవి ఆశించిన గొల్లపల్లి మాధవి చంద్రశేఖర్ (26వ వార్డు) చివరి నిమిషంలో టికెట్ పొందినా ఓటమి పాలవడం కీలక మలుపు. అదే వార్డులో ఉన్న బీజేపీ మాజీ కౌన్సిలర్ పులి రమ (శ్రీధర్)కు టికెట్ ఇవ్వకపోవడం కూడా రాజకీయ విమర్శలకు కారణమైంది. ఈ సీటును ఇండిపెండెంట్ గా పోటీ చైనా పులి రమ మళ్ళీ గెలిచింది.

పాత? కొత్త? ఎవరు కాబోయే  ఛైర్పర్సన్ ?

మరోవైపు, గతంలో ఛైర్పర్సన్‌గా పనిచేసిన అడువాల జ్యోతి లక్ష్మణ్, అలాగే బీఆర్ఎస్‌లో పదవి అవకాశం కోల్పోయి అసంతృప్తిగా ఉన్న సమిండ్ల వాణి – ఇద్దరూ ఇప్పుడు కాంగ్రెస్‌లో, అది కూడా సంజయ్ వర్గంలో ఉండడం రాజకీయ సమీకరణాలను మరింత క్లిష్టంగా మారుస్తోంది.

జీవన్ రెడ్డి వర్గంలో ఇప్పటికీ స్పష్టమైన ఛైర్పర్సన్ అభ్యర్థి లేకపోవడంతో, ఆయన ఎవరిని ప్రతిపాదిస్తారన్నదానిపై ఆసక్తి నెలకొంది. ఆయనకు అప్తుడైన గాజుల రాజేందర్ మరదలు ములాస్తపు (గాజుల) లావణ్య మహేష్ ప్రతిపాదించే అవకాశం ఉంది. రాజేందర్ గతంలో రెండు సార్లు కౌన్సిలర్. గత ఎన్నికల్లో ఆయన వదిన ఈ వార్డులో గెలిచింది. మొత్తానికి రెండు దశాబ్దాలకు పైగా రాజకీయాల్లో ఉంటూ, అందరివాడుగా ఉన్న రాజేందర్ మరదలు ముందు వరసలో ఉన్నట్లు ప్రచారం జరుగుతుంది.

జగిత్యాల మున్సిపల్ రాజకీయాలు ఇకపై పదవుల కోసం జరిగే ఒప్పందాలు, సయోధ్యలపైనే ఆధారపడి సాగనున్నట్లు స్పష్టమవుతోంది.

జగిత్యాల మున్సిపల్ ఎన్నికల్లో గెలిచిన కాంగ్రెస్ అభ్యర్థులు క్యాంప్ కు తరలి వెళ్లినట్లు సమాచారం

జగిత్యాల పట్టణ మున్సిపల్ చైర్ పర్సన్ రేసులో...

1.సమిండ్ల వాణి శ్రీనివాస్ 
2.తోపారపు లావణ్య రజనీకాంత్
3.అడువాల జ్యోతి లక్ష్మణ్
4.ములాస్తపు (గాజుల) లావణ్య మహేష్