- సిహెచ్ వి ప్రభాకర్ రావు. సీనియర్ జర్నలిస్ట్ 

🔹 ప్రారంభ జీవితం మరియు నేపథ్యం
డా॥ జైశెట్టి రమణయ్యగారు 9 మే 1938న జగిత్యాలలో జన్మించారు. నిండు జీవితం అనుభవించి, 88 ఏళ్ల వయసులో,  శ్రీరామనవమి, మార్చ్ 27, 2026 రోజున పరమపదించారు. నడిచే గ్రంథాలయంగా చెప్పుకొనే రమణయ్య గారి మరణం జగిత్యాల విద్యావేత్తలకు, సమాజాసేవకులకు తీరని లోటు. నిజాం పాలనలో పుట్టి, స్వాతంత్య్రానంతర భారతదేశ మార్పులను అనుభవిస్తూ ఎదిగిన తొలి తరం విద్యావంతుల్లో ప్రముఖులు. సామాన్య కుటుంబంలో జన్మించిన ఆయన చిన్ననాటి నుంచే కష్టాలను ఎదుర్కొంటూ విద్యను ఆశ్రయించి జీవితాన్ని నిర్మించుకున్నారు.
🔹 విద్య ద్వారా సాధించిన అద్భుత ఎదుగుదల
పదిహేడవ యేట సింగిల్ టీచర్‌గా ఉద్యోగ జీవితం ప్రారంభించిన ఆయన, ఆర్థిక పరిమితుల మధ్యనే చదువును కొనసాగించారు. MA, B.Ed, M.Phil, Ph.D. వంటి ఉన్నత విద్యలను సాధించి లెక్చరర్‌, రీడర్ స్థాయికి ఎదిగారు. ఒకేసారి ఉపాధ్యాయుడిగా, విద్యార్థిగా, కుటుంబ బాధ్యతలు నిర్వహిస్తూ సాధించిన ఈ ప్రయాణం అసాధారణమైనది.
🔹 చరిత్రకారుడిగా విశిష్ట కృషి
రమణయ్యగారు ఉత్తర తెలంగాణ చరిత్ర పరిశోధనలో విశేష కృషి చేశారు. దేవాలయాలు, శిలాశాసనాలు, పురావస్తు ఆధారాలను సేకరించి చారిత్రక విశేషాలను వెలుగులోకి తీసుకువచ్చారు. “దక్షిణ భారతదేశంలో దేవాలయాలు”, “కరీంనగర్ జిల్లా చరిత్ర, సంస్కృతి” వంటి పుస్తకాలు ఆయన పరిశోధనా ప్రతిభకు నిదర్శనం. మొత్తం 20కి పైగా చరిత్ర గ్రంథాలను రచించారు.
🔹 డైరీలు – చారిత్రక సంపదగా మారిన జీవితం
అరవై సంవత్సరాల పాటు నిరంతరంగా డైరీలు రాయడం ఆయన ప్రత్యేకత. ఈ డైరీలు వ్యక్తిగత జీవితానికి మాత్రమే కాకుండా సమకాలీన సామాజిక, ఆర్థిక, సాంస్కృతిక పరిణామాలను కూడా నమోదు చేశాయి. ఇవే ఆయన “స్వంత ఎదుగుదల” స్వీయ చరిత్రకు పునాది అయ్యాయి.   ఎనిమిది దశాబ్దాల జగిత్యాల చరిత్రకు, ఆయన డైరీలు ప్రత్యక్ష సాక్షాలు. 
🔹 విజయాలు మరియు పురస్కారాలు
రమణయ్యగారు అనేక గౌరవాలు అందుకున్నారు. 1961లో భారత రాష్ట్రపతి చేతుల మీదుగా రజత పతకం అందుకున్నారు. “వాసవీ నవరత్న”, “పౌరరత్న” వంటి బిరుదులు పొందారు. రాష్ట్ర స్థాయిలో ఉత్తమ చరిత్రకారుడిగా గుర్తింపు పొందారు. అంతేకాక, తన ఖర్చులతో 500 మందికి పైగా ప్రతిభావంతులను సత్కరించడం ఆయన సేవా మనసును తెలియజేస్తుంది.
🔹 వ్యక్తిత్వం మరియు ప్రభావం
ఆయన గొప్ప వక్త, ఆదర్శ ఉపాధ్యాయుడు. వేలాది మంది విద్యార్థులను తీర్చిదిద్దారు. వారిలో కొందరు ఉన్నత పదవులు, న్యాయమూర్తులు, రాజకీయ నాయకులుగా ఎదిగారు. విద్యార్థులతో సాన్నిహిత్యం, సమాజంపై చైతన్యం కలిగించడం ఆయన ప్రత్యేకత.
🔹  గొప్పతనానికి మూల కారణం
స్వయంకృషి, క్రమశిక్షణ, జ్ఞానాసక్తి, సేవాభావం – ఇవే ఆయన గొప్పతనానికి కారణాలు. వ్యక్తిగత విజయాన్ని సమాజాభివృద్ధితో అనుసంధానం చేయడం ఆయన విశిష్ట లక్షణం. భారత ప్రధాని పివి నరసాయిమహారాయాఉ, ఉమ్మడి ఆంధ్రప్రదేశ్ ముఖ్యమంత్రి మర్రి చెన్నారెడ్డి లాంటి వారితో పాటు తెలంగాణ ఉద్యమనేత, తొలి ముఖ్యమంత్రి కల్వకుంట్ల చంద్ర శేఖర్ రావు తొ సన్నిహిత సంబందాలు ఉన్న మహనీయుడు. తెలంగాణ చరిత్రను ఎందరో ఉద్యమకారులకు పరిచయం చేసిన మహా మనీషి. 
•    ఉపాద్యాయులకు సన్మానాలు:
ఎంతగా ఎదిగినా, తన మూలాలను మారిచిపోకుండా, పదేళ్ళ బాలునితో పాటు, మహా మేధావుల వరకు అనాదరిని సందేఉశతి తో చూసిన గొప్ప వ్యక్తిత్వం ఆయనది. ఉపద్యాయునిగా జీవితం ప్రారంభించిన రమణయ్య, తనకు సమాజమాలో గౌరవం సంపాదించిపెట్టిన వృత్తిపట్ల నిజాయితీగా ఉంటూ, ఆ వృత్తిలో ఉన్న వారిని గౌరవించడానికి కంకనమ కట్టుకొన్నారు. తాను అధ్యాపక వృత్తి నుండి విశ్రాంతి పొందినా, నిబడ్డతతో దాదాపు రెండు దశాబ్దాలపాటు ప్రతి ఉపాధ్యాయ దినోత్సవం రోజున పదుల సంఖ్యలో ఉపాధ్యాయులను సన్మానించి, ఆదూయపక వృత్తి పట్ల, అధ్యపకులపట్ల తనకున్న గౌరవాన్ని తెలియజేశాడు. 

డా॥ జైశెట్టి రమణయ్యగారి జీవితం ఒక సాధారణ వ్యక్తి అసాధారణ శిఖరాలను ఎలా అధిరోహించగలడో చూపించే ప్రేరణాత్మక గాథ. ఆయన రచనలు, సేవలు, విలువలు భవిష్యత్తు తరాలకు మార్గదర్శకంగా నిలిచే అమూల్య సంపద.

(ప్రత్యేక వ్యాసం)

పూర్వ నేపథ్యం – అమలు కాని న్యాయం

2012లో యూనివర్సిటీల్లో కుల ఆధారిత వివక్షను నిర్మూలించేందుకు UGC ప్రత్యేక రూల్స్ రూపొందించింది. కానీ అవి చట్టాలుగా ఉన్నా, ఆచరణలో అమలుకాకుండా అగ్రవర్ణాల ఒత్తిడితో మూలకు నెట్టబడ్డాయి. దళితులు, BC, ST విద్యార్థులపై అవమానాలు, వేధింపులు, అకృత్యాలు కొనసాగుతూనే ఉన్నాయి. ఇది ప్రభుత్వాలు, యూనివర్సిటీ యాజమాన్యాల నిర్లక్ష్యానికి స్పష్టమైన నిదర్శనం.

2026 జనవరి 13 – భయపెట్టిన న్యాయం

సుప్రీం కోర్టు సూచనల మేరకు UGC జనవరి 13, 2026న సవరించిన కుల విచక్షణ నిరోధక రూల్స్‌ను విడుదల చేసింది. ఇవి యూనివర్సిటీలను బాధ్యతాయుతంగా మార్చే శక్తి ఉన్న నిబంధనలు. కానీ ఈ రూల్స్ విడుదలైన వెంటనే, ఉత్తర్ ప్రదేశ్, ఢిల్లీ వంటి ఉత్తర భారత ప్రాంతాల్లో మాత్రమే అగ్గిపుట్టింది.

ఉత్తర భారతంలోనే ఎందుకు అల్లర్లు?

దేశమంతా ఒకే చట్టం. కానీ వ్యతిరేకత మాత్రం ఉత్తర భారతంలోనే ఎందుకు? కారణం స్పష్టం – అక్కడి అగ్రవర్ణ రాజకీయాలు. BC, SC, STలపై రోజూ అరాచకాలు జరుగుతున్న రాష్ట్రాల్లో, వాటిని అడ్డుకునే రూల్స్ వస్తే మాత్రం “సామాజిక విభజన” అంటూ రోడ్డెక్కారు. బీజేపీ, RSS, VHP అనుబంధ సంస్థలు విద్యార్థులను ముందుపెట్టి చేసిన ఈ ఆందోళనలు, కుల వివక్షను కాపాడే ప్రయత్నాలే తప్ప మరొకటి కాదు.

మండల్ కమిషన్ నుంచీ అదే కుట్ర

మండల్ కమిషన్ అమలుకు కూడా ఇదే వర్గాలు అడ్డుపడ్డాయి. అప్పుడూ “దేశం చీలిపోతుంది” అన్నారు. ఇప్పుడూ అదే మాట. వేల సంవత్సరాలుగా అణచివేయబడిన జాతులకు కొంత న్యాయం దక్కుతుందంటేనే, అగ్రవర్ణాలకు వణుకు మొదలవుతోంది. ఉత్తర, పశ్చిమ భారతదేశాల్లో కుల వివక్ష ఎంత లోతుగా ఉందో ఈ నిరసనలే చాటుతున్నాయి.

కోర్టు నిలుపుదల – రాజకీయ నాటకమేనా?

ఆశ్చర్యకరంగా, సుప్రీం కోర్టే సూచించిన మార్పులపై ఇప్పుడు అదే కోర్టు నిలుపుదల విధించి, UGC, కేంద్రాన్ని వివరణ కోరింది. ఉత్తర ప్రదేశ్ ఎన్నికల నేపథ్యంలో దళితులు, BCలను ఆకట్టుకునేందుకు రూల్స్ విడుదల చేసి, అదే సమయంలో పార్టీ అనుబంధ సంస్థలతో ఆందోళనలు చేయించి, చివరికి కోర్టు ద్వారా నిలిపివేయించారన్న ఆరోపణలు బలంగా వినిపిస్తున్నాయి. బీజేపీకి ఇలాంటి ద్వంద్వ రాజకీయాలు కొత్త కాదు.

దక్షిణ భారత పాఠం

దక్షిణ భారతదేశంలో కుల వివక్ష పూర్తిగా లేకపోయినా, ఉత్తర భారతంతో పోలిస్తే తీవ్రత తక్కువ. కమ్యూనిస్ట్ పార్టీల ప్రభావం, విద్యా విస్తరణ, తమిళనాడులో ద్రవిడ ఉద్యమాలు అగ్రవర్ణ ఆధిపత్యానికి గట్టి సవాల్ విసిరాయి. అందుకే అక్కడ ఇలాంటి రూల్స్‌పై రోడ్డెక్కే అగ్రవర్ణ రాజకీయాలు కనిపించవు.

తుది మాట

UGC కుల విచక్షణ నిరోధక రూల్స్‌ను అడ్డుకోవడం అనేది కేవలం చట్టానికి వ్యతిరేకం కాదు – ఇది సామాజిక న్యాయంపై యుద్ధం. అగ్రవర్ణ రాజకీయాలను కాపాడే ఈ నిరసనలను ప్రజాస్వామ్యం ప్రశ్నించాల్సిన సమయం వచ్చింది.

హైదరాబాద్ / న్యూఢిల్లీ జనవరి 21:

టైప్-2 డయాబెటిస్ చికిత్స, బరువు తగ్గడానికి వినియోగిస్తున్న ఆధునిక GLP-1 ఇంజెక్షన్లు (Ozempic, Wegovy, Mounjaro) భారతదేశంలో అనూహ్య పరిణామానికి దారితీస్తున్నాయి. ఈ మందులు వాడుతున్న మహిళల్లో ఊహించని విధంగా గర్భధారణలు పెరుగుతున్నాయని గైనకాలజిస్టులు, ఎండోక్రైనాలజిస్టులు వెల్లడిస్తున్నారు. ఈ పరిణామాన్ని వైద్య పరిభాషలో **‘ఒజెంపిక్ బేబీస్’**గా పిలుస్తున్నారు.

ప్రత్యేకించి PCOS (పాలిసిస్టిక్ ఓవరీ సిండ్రోమ్), ఇన్సులిన్ రెసిస్టెన్స్ కారణంగా ఏళ్ల తరబడి సంతానలేమితో బాధపడుతున్న మహిళల్లో ఈ మార్పు స్పష్టంగా కనిపిస్తోంది. GLP-1 ఇంజెక్షన్లు శరీరంలో ఇన్సులిన్ సెన్సిటివిటీని మెరుగుపరచడం, హార్మోన్ల అసమతుల్యతను తగ్గించడం ద్వారా ఓవ్యూలేషన్ ప్రక్రియను సాధారణ స్థితికి తీసుకువస్తున్నాయని వైద్య నిపుణులు చెబుతున్నారు.

బరువు తగ్గడంతో పాటు మాసిక ధర్మ చక్రం క్రమబద్ధం కావడం, ఆండ్రోజెన్ హార్మోన్ల ప్రభావం తగ్గడం వల్ల గర్భధారణ అవకాశాలు సహజంగానే పెరుగుతున్నాయి. అయితే చాలా మంది మహిళలు తమకు ఇంకా గర్భం దాల్చే అవకాశం లేదనే అపోహతో గర్భనిరోధక పద్ధతులు పాటించకపోవడం వల్ల ‘ఆకస్మిక’ గర్భధారణలు జరుగుతున్నట్లు వైద్యులు హెచ్చరిస్తున్నారు.

ఇంకొక కీలక అంశం ఏమిటంటే—ఈ ఇంజెక్షన్లు గర్భధారణ సమయంలో పూర్తిగా సురక్షితమా అనే విషయంలో ఇంకా స్పష్టమైన శాస్త్రీయ ఆధారాలు లేవు. అందువల్ల GLP-1 మందులు వాడుతున్న మహిళలు గర్భధారణ ప్లాన్ చేస్తే తప్పనిసరిగా వైద్యుల సలహా తీసుకోవాలని నిపుణులు సూచిస్తున్నారు.

బరువు తగ్గడం ఆరోగ్యానికి మేలు చేసినప్పటికీ, దాని ప్రభావం ప్రজনన సామర్థ్యంపై ఎలా పడుతుందో తెలుసుకొని ముందస్తు జాగ్రత్తలు తీసుకోవడమే ఉత్తమ మార్గమని వైద్యులు అంటున్నారు.

ముగ్గులు ఏ ప్రదేశాన్నైనా సౌందర్యవంతంగా మార్చడమే కాక, ఆ ఇంటిని లక్ష్మీ నివాసంగా మలిచే పవిత్ర చిహ్నాలు. రంగురంగుల డిజైన్లు మాత్రమే కాదు, ప్రతి ముగ్గు వెనుక దాగి ఉన్న శాస్త్రీయత, ఆధ్యాత్మిక భావన, సామాజిక ఉద్దేశం చాలా లోతైనవి. రోజూ మనం చూసే ఒక సాధారణ ముగ్గుకే ప్రత్యేక అర్థం ఉంది. ఆ అర్థం, కారణం, ప్రభావం ఏమిటో సంక్రాంతి సందర్భంగా తెలుసుకోవాల్సిన అవసరం ఉంది.

ధనుర్మాసం (డిసెంబర్ 17 నుంచి జనవరి 14 వరకు) ముగింపు దశలో వచ్చే భోగి, సంక్రాంతి, కనుమ—ఈ మూడు రోజులు తెలుగు సంస్కృతిలో అత్యంత ప్రాధాన్యత కలిగినవిగా నిలుస్తాయి. ఈ సమయంలో ఇళ్ల ముందు వేసే పెద్ద పెద్ద ముగ్గులు, వాటిలో గొబ్బెమ్మలు, పసుపు–కుంకుమలు, పూల అలంకరణలు, మామిడి తోరణాలు—అన్నీ కలసి ఒక దైవిక వాతావరణాన్ని సృష్టిస్తాయి. గాలిపటాలతో నిండిన ఆకాశం, ఉదయించే సూర్యునికి పోటీగా మెరిసే రంగులు ఈ పండుగ ప్రత్యేకత.
భోగినాడు భోగి మంటలు, పిల్లలకు భోగి పళ్లు, మహిళలకు పసుపు–కుంకుమలు, పూలు, గాజులు, చలిమిడి, కొత్త బట్టలు, తీపి పదార్థాలు—ఇవన్నీ ఆరోగ్యానికి, ఐక్యతకు, ఆనందానికి ప్రతీకలు. చలికాలంలో శరీరానికి అవసరమైన వేడి, పౌష్టికాహారం అన్నీ ఈ ఆచారాల్లో దాగి ఉన్నాయి.

కనుమ నాడు వేసే స్వర్గద్వార ముగ్గులు ప్రత్యేకమైనవి. ఐదు, ఏడు, తొమ్మిది, పదకొండు, పదమూడు, పదిహేను చుక్కలతో గీతల రూపంలో వేసే ఈ ముగ్గులు కేవలం కళ కాదు—అవి ధర్మ, అర్థ, కామ, మోక్ష మార్గాల సూచికలు. పద్మాలు, శంఖాలు, చక్రాలు, చతురస్రాలు వంటి ఆకృతులు దేవతల చిహ్నాలు. వీటిని బియ్యం పిండితో సహజసిద్ధంగా, పర్యావరణానికి హాని లేకుండా రూపొందించడం మన మహిళల అపార ప్రతిభకు నిదర్శనం.
ఈ సంప్రదాయంలో స్త్రీ శక్తి ప్రధాన పాత్ర పోషిస్తుంది. ఒక తల్లిగా, సోదరిగా, భార్యగా, కూతురుగా మాత్రమే కాకుండా—సలహాదారిగా, ఉపాధ్యాయినిగా, కుటుంబ ఆర్థిక స్థంభంగా నిలుస్తూ కూడా, ఇంటిముందు ముగ్గుల రూపంలో సంస్కృతిని ఆవిష్కరించగలగడం ఆమె విశిష్టత. గణితం, శిల్పకళ, ఆధ్యాత్మికత—మూడు కలిసిన రూపమే ముగ్గు.
సంక్రాంతి రోజుల్లో హరిదాసుల రాక మరో ప్రత్యేక ఆకర్షణ.

‘హరి’ అంటే శ్రీమహావిష్ణువు, ‘దాసు’ అంటే ఆయన శిష్యుడు. రంగురంగుల దుస్తులు, గజ్జల సవ్వడి, చిరుతల నాదంతో హరిదాసు ముగ్గుల మధ్య నిలబడి కీర్తనలు చేయడం ఆ ఇంటికి మహా పుణ్యం. చిన్నారులు బియ్యం దోసిళ్లతో కలశంలో పోస్తూ ఆశీర్వాదం పొందే దృశ్యం—లక్ష్మీ స్వరూప దర్శనంలా ఉంటుంది.
ఇదే సమయంలో గంగిరెద్దుల సందడి కూడా కనిపిస్తుంది. నందీశ్వరుని ప్రతీకగా భావించే గంగిరెద్దును శంఖ–చక్రాల అలంకరణలతో ముంగిటికి తీసుకువచ్చి దర్శించుకోవడం శుభప్రదం. శివ–కేశవుల అభేద భావనకు ఇది ప్రతీక.
ఈ పండుగలో రైతు పాత్ర మరువలేనిది. కొత్త ధాన్యంతో పరమాన్నం చేసి భూమాతకు, అష్టదిక్పాలకులకు నైవేద్యం సమర్పించడం భారతీయ వ్యవసాయ సంస్కృతికి ప్రతీక. పల్లెల్లో ‘పాతర’ వేసే సంప్రదాయం భవిష్యత్తుపై ముందుచూపును చాటుతుంది.
స్వర్గద్వార ముగ్గుల ద్వారా దేవతలే కాక పితృదేవతల ఆశీర్వాదాలు కూడా లభిస్తాయని విశ్వాసం. ఈ విధంగా ముగ్గుల ద్వారా ఇంటిని స్వర్గధామంగా మలిచే శక్తి భారతీయ స్త్రీలోనే ఉంది. లక్ష్మీ, సరస్వతి, పార్వతిల స్థిర నివాసానికి ఇదే మూలం.
సంప్రదాయం, శాస్త్రం, ఆధ్యాత్మికత—మూడు సమన్వయమే సంక్రాంతి ముగ్గులు. ఈ విలువలను నేటి తరం అర్థం చేసుకొని ముందుకు తీసుకెళ్లడం కాల అవసరం.

రచయిత్రి
-కోట ఉమా శర్మ
9958144884

నేటి ఆధునిక ప్రపంచానికి దూరంగా,.. నిజమైన ప్రజా ప్రతినిధులతో....

  ఈనెల 13న రంగవల్లి విజ్ఞాన కేంద్రం( గ్రంథాలయం) వార్షికోత్సవం వేములవాడ దగ్గర మరియు  ఆమె 26వ వర్ధంతిని పురస్కరించుకొని ఒక సమావేశం రంగవల్లి విజ్ఞాన కేంద్రం కార్యవర్గం ఏర్పాటు చేయడం  జరిగింది. అందులో నన్ను "ప్రజా గ్రంధాలయాల  ఆవశ్యకత"  ' విమల మిగతా ముఖ్యులు కోరినారు. ఇందుకొరకు ఉదయం 11 గంటల వరకు నేను సిరిసిల్ల నుండి వేములవాడ కమాన్ దగ్గర  నూతనంగా నిర్మించిన రంగవల్లి విజ్ఞాన కేంద్రానికి చేరుకున్నాను. తీవ్రమైన చలిని లెక్క చేయకుండా అప్పటికే  ఉత్తర తెలంగాణ జిల్లాలలోని వివిధ ప్రజా సంఘాల ప్రతినిధులు అమరుల కుటుంబాల వారు  వచ్చారు . భుజాన గొంగడి వేసుకున్న పురుషులు ఎర్ర దుస్తువులు ధరించిన స్త్రీలు యువకులు మొత్తానికి అరుణోదయ కళాకారులందరూ రోడ్డు దగ్గరికి నుంచి కొంచెం లోపల ఉన్న విజ్ఞాన కేంద్రం వరకు ఒక పాటల ఊరేగింపుగా వెళ్లడానికి తయారు అవుతున్నారు.  కొందరి యువకులు  డప్పుతో  కొందరు నడుస్తున్నారు . విమల నన్ను" అన్నా  నడుస్తారే మీరు" అడిగింది . "నేనూ నడుస్తాను" అంటూ తారు రోడ్ వైపు అడుగులు వేశాను . సిరిసిల్ల కరీంనగర్ రోడ్డు పక్కన పాతిన రంగవల్లి విజ్ఞాన కేంద్రం బోర్డు దగ్గర నుండి కొంతమంది ఎర్రజెండాలు చేత పట్టుకోగా పనికొందరు డప్పు దరువు వాయిస్తూ పాటలు పాడుకుంటూ ఒక గోగు పూల ఊరేగింపు భవనం వైపు కదిలింది.

           సభకు అధ్యక్షత వహించిన విమల తో పాటు ప్రత్యేక అతిథి ప్రొఫెసర్ కొల్లపురం విమల,విశిష్ట అతిథిగా నేనూ పాల్గొన్నాను.

          సహజంగా అధికార, విపక్ష పార్టీలు నిర్వహించే సభలకు ముందు వెనుక ఉండే  ఆర్భాటాలు అట్టి సభలకు ప్రజలు తరలించడానికి వాహనాలు ఏర్పాటు చేయడం సభకు వచ్చిన వారికి ఇతోదికంగా మర్యాదలు చేయడం యాంత్రికంగా జరుగుతున్నవి. అందుకు భిన్నంగా  ఒక ప్రత్యామ్నాయ ప్రజా సంస్కృతి కి గుర్తుగా స్వచ్ఛందంగా తరలివచ్చిన వారికి సమాజం పట్ల స్పష్టమైన అవగాహన కలిగిన ఈ ప్రాంతంలో జరిగిన అనేక పోరాటాలలో ప్రత్యక్షంగానో పరోక్షంగానో పాల్గొని వారి వారి కారణాలవల్ల మౌనం వహించి జరుగుతున్న అన్ని పరిణామాలను  ప్రేక్షకుడిగా గమనిస్తున్న వారు కూడా ఈ సమావేశంలో బాధ్యులుగా చురుకైన పాత్ర నిర్వహించారు .

       మధ్య మధ్య అరుణోదయ కళాకారుల పాటలతో ఇప్పటివరకు అమరత్వం పొందిన వీరుల త్యాగాలను కీర్తిస్తూ తలుచుకొని గణంగా నివాళులు అర్పించారు.  పరిమితంగా నైనా ఆసక్తికరంగా స్త్రీలు పురుషులతో పాటు ఆలోచనా పరులు సామాన్యులు వచ్చారు . చాలామంది ఈ సమాజం ఎటు పోతుంది అనే ఆలోచనలను పంచుకున్న వారితో  చివరి వరకూ జరిగింది.

    అరుణోదయ కళాకారులు పాడుకునే  పాటలలో ఎక్కువగా రచించిన కవి మిత్ర అలియాస్ అమర్ అలియాస్ కూర దేవేందర్ ఈ సభలో ఉండడం విశేషం. ఆయన సహచరి విమల అధ్యక్షత వహించడం వచ్చిన  ప్రతి ఒక్కరినీ పేరు పేరునా పలకరించడం మాత్రమే కాదు వీరు ఎంతో ఆత్మీయంగా కలివిడిగా మాట్లాడే తీరును చూస్తే ప్రజా ఉద్యమాల నిర్మాణంలో నిబద్ధత ఆచరణ ప్రత్యక్షంగా కనబడింది.

        అంతేకాకుండా ఒక ఆశయం కోసం లక్ష్యం కోసం పనిచేసే అమరవీరులైన వారి భార్యలు, అనేక విధాలుగా గాయపడిన మాజీ సహచరులు ఈ ఒక పూట సభలో తమ తమ ఊర్ల నుండి స్వచ్ఛందంగా వచ్చి ఎంతో ఉత్సాహంగా పాలుపంచుకున్నారు.

         అమెరికాలోని ఇతర దేశాలలోని వివిధ యూనివర్సిటీలను హ్యుమానిటీస్ భాగంలో బోధన చేసింది. తిరిగి వచ్చి హైదరాబాదులోని అమెరికా స్టడీస్ లో ప్రొఫెసర్ గా పని చేస్తున్న కొల్లాపురం విమల ఉపన్యాసంలో స్థానిక ఉదాహరణ లను తీసుకొని సమాజ సంక్షోభం గురించి వివరించిన అంశాలు  పాల్గొన్న వారిని దీర్ఘమైన ఆలోచనలు పడవేసింది. సమాజంలో స్త్రీ పురుషుల మధ్య అనేక చిక్కుముళ్లను సుధా రంగా విద్యార్థులకు చెప్పినట్టు విప్పి చెప్పింది.

       సభాధ్యక్షత వహించిన  గాయకురాలు, నాయకురాలైన విమల ఇక్కడ జరిగిన పోరాటాల గురించి ఆయా పోరాటంలో ఆయా సంఘటనలలో నేల కొరిగిన అమరవీరుల  త్యాగాలను స్మరించుకుంటూ వివరించింది.

      నేను  ప్రజా గ్రంధాలయాల ఆవశ్యకతను నా యొక్క అనుభవాలు,నేను చదివిన పుస్తకాలు నన్ను తీర్చిదిద్దిన గ్రంధాల గురించి వివరించాను. ప్రస్తుత  అత్యాధునిక కాలంలో ప్రపంచ ప్రసిద్ధి చెందిన తాత్వికవేత్తల గ్రంథాలను మహనీయుల ఆత్మకథలను జీవిత వాస్తవాలకు అద్దం పట్టిన గొప్ప కథలు,  నవలలు వ్యాసాల పుస్తకాల  అధ్యయనం చేయాల్సిన  అవసరం ఎంతో ఉందన్నాను.   నీ జీవితాన్ని నువ్వు నిర్మించుకోవడానికి నీ చుట్టూ ఉన్న సమాజాన్ని అర్థం చేసుకోవడానికి, ఒక ప్రజా దృక్పథం ఏర్పరచుకోవడానికి ప్రజా గ్రంధాలయాల అవసరం   గ్రామ గ్రామాలలో నెలకొల్పాల్సిన ఆవశ్యకత మరింత ఏర్పడిందని చెప్పాను.

        ఉపన్యాసానికి ఉపన్యాసానికి నడుమ అరుణోదయ కళాకారులు అద్భుతమైన పాటలు పాడారు. డబ్బు దరువులతో కాళ్ల గజ్జల సవ్వడితో సభా ప్రాంతమంతా ప్రతిధ్వనించింది. చివరగా ఆ సమావేశంలో పాల్గొన్న ప్రజాసంఘాల నాయకులతో మాట్లాడించడం వలన  వివిధ సమస్యల సమాహారమైన సంధి కాలం దిశ దశల తీరు పైన వారి ఆలోచనలను మిగతావారు పంచుకున్నట్లు అయింది. సమావేశం దాదాపు మూడు గంటల పైగా జరిగింది. అనంతరం అందరూ కలిసి ముచ్చట్లు పెట్టుకుంటూ  ఆయా వ్యక్తుల జీవితాలను ఒకరికొకరు కలబోసుకుంటూ భోజనం చేశాము.

సభ ముగియగానే ఎక్కడి వారు అక్కడికి వెళ్ళక విజ్ఞాన కేంద్రంలో కూర్చుని సాయంత్రం వరకు అందరూ కలిసి మెలిసి మాట్లాడుకున్నారు.

        అనేక ప్రజా పోరాటాల సమావేశాలను, ప్రజాస్వామ్య పార్టీల సభలను దగ్గరగా చూసిన అనుభవాలు అనేకం ఉన్నాయి.. కానీ ఎన్నో దశాబ్దాల తర్వాత మళ్లీ ఇటువంటి సభలో పాల్గొనడం వలన నాకు ఒక ఆశాజనకమైన ఊరట లభించింది.ఒక ప్రత్యామ్నాయ సమాజ నిర్మాణం గురించిన కలలకు కొత్త రెక్కలు వచ్చాయి. మళ్ళీ కొన్ని సంవత్సరాలకు సరిపడా ఆశాజనకమైన  ఇంధనాన్ని అందించింది. ఒకానొక నూతనోత్సాహాన్ని,  ఉద్వేగాన్ని కలిగించిందనడంలో ఏమాత్రం సంశయం లేదు.

                   ----జూకంటి జగన్నాథం, అధ్యక్షులు,

అఖిల భారతీయ తెలంగాణ రచయితల వేదిక.FB నుండి.

న్యూఢిల్లీ డిసెంబర్ 12 :

ఈ ఏడాది బడ్జెట్‌లో మోదీ ప్రభుత్వం ఒక కీలక ఆర్థిక మార్పుకు శ్రీకారం చుట్టింది. ఇప్పటి వరకు భారత ఆర్థిక విధానానికి ప్రధాన సూచికగా పరిగణించిన ఫిస్కల్ డెఫిసిట్ స్థానంలో, ప్రభుత్వం ఇప్పుడు Debt-to-GDP Ratio (దేశం మొత్తం అప్పు – మొత్తం ఆర్థిక ఉత్పత్తి పోలిక)ను కేంద్రంగా ఉంచుతోంది. ఈ మార్పు ఎందుకు? దీనివల్ల లాభాలేనా? లేక లోపాలూ ఉన్నాయా? అనే ప్రశ్నలు చర్చనీయాంశంగా మారాయి.

లాభాలు:

దేశపు అప్పు స్థితి స్పష్టంగా తెలుస్తుంది.

ఫిస్కల్ డెఫిసిట్ ఒక్క సంవత్సరపు లోటు మాత్రమే చూపుతుంది.

Debt-to-GDP రేషియో మాత్రం దేశం మొత్తం అప్పు భారం దేశ ఆర్థిక శక్తికి సరిపోతుందా లేదా అన్నది స్పష్టంగా తెలియజేస్తుంది.

అంతర్జాతీయ మార్కెట్లలో స్థిరత సంకేతం

IMF, వరల్డ్ బ్యాంక్, క్రెడిట్ రేటింగ్ ఏజెన్సీలు Debt-to-GDP రేషియోనే ప్రాధాన్యంగా పరిశీలిస్తాయి. దీనిపై దృష్టి పెట్టడం వల్ల విదేశీ పెట్టుబడిదారులకు భారత్ ఆర్థిక పరిస్థితి స్థిరంగా అనిపిస్తుంది.

పెద్ద పెట్టుబడులకు ప్రభుత్వం స్వేచ్ఛ

ఫిస్కల్ డెఫిసిట్ కట్టుబాట్ల వల్ల అభివృద్ధి ప్రాజెక్టులకు ఖర్చు పరిమితం అవుతుంది.

Debt-to-GDP రేషియో ఆధారిత వ్యూహం ద్వారా ప్రభుత్వం:

✔ రోడ్లు

✔ రైల్వేలు

✔ ఎనర్జీ ప్రాజెక్టులు

✔ మౌలిక వసతులు

వంటి పెద్ద పెట్టుబడులు సులభంగా తీసుకోగలదు.

దీర్ఘకాలిక ఆర్థిక ఆరోగ్యంపై దృష్టి

ఒక్క సంవత్సరపు లోటు కన్నా, దేశం మొత్తం అప్పు – ఆర్థిక శక్తి మధ్య సంబంధం బలంగా ఉండటం వల్ల దీర్ఘకాలిక ఆర్థిక ప్రణాళికలకు ఇది అనుకూలం.

లోపాలు / నష్టాలు:

అప్పు పెరిగే ప్రమాదం

Debt-to-GDP రేషియోలో GDP పెరుగుతుంటే అప్పు పెరిగినా సమస్య లేదనే అభిప్రాయం రావచ్చు.

దీనివల్ల ప్రభుత్వం మరింత అప్పు తీసుకునే అవకాశముంది. భవిష్యత్తులో పన్నుల భారాన్ని పెంచే అవకాశంఅప్పు అధికమైతే ప్రభుత్వం భవిష్యత్తులో పన్నులు పెంచడం, సబ్సిడీలు తగ్గించడం వంటి చర్యలు తీసుకోవాల్సి రావచ్చు. చివరకు భారమంతా ప్రజలపైనే పడుతుంది.

వడ్డీ చెల్లింపుల భారం పెరుగుతుంది

ఇప్పటికే భారత్ బడ్జెట్‌లో పెద్ద భాగం వడ్డీ చెల్లింపులకే వెళ్తోంది. అప్పు పెరగడం వల్ల ఈ భారం మరింత పెరిగే ప్రమాదం ఉంది.

GDP వృద్ధి మందగిస్తే దేశానికి ప్రమాదం

ఈ వ్యూహం పూర్తిగా GDP వృద్ధిపైనే ఆధారపడి ఉంటుంది.

రెసెషన్, గ్లోబల్ సంక్షోభం, చమురు ధరల పెరుగుదల వంటి పరిస్థితుల్లో GDP తగ్గితే అప్పు భారమంతా ప్రమాదకర స్థాయికి వెళ్లొచ్చు.

ప్రభుత్వ ఖర్చుల్లో పారదర్శకత తగ్గే అవకాశం

ఫిస్కల్ డెఫిసిట్ లక్ష్యం లేకపోవడం వల్ల ప్రభుత్వం ఖర్చుల్లో కట్టుదిట్టమైన నియంత్రణను పాటించకపోవచ్చు. ఎన్నికల కాలాల్లో పాపులర్ స్కీమ్లు ఎక్కువయ్యే అవకాశం ఉందన్న ఆర్థిక నిపుణుల ఆందోళన కూడా ఉంది.

ఏం జరుగుతుంది?

ఫిస్కల్ డెఫిసిట్‌ను పక్కనపెట్టి Debt-to-GDP రేషియోను కేంద్రంగా ఉంచిన మోదీ ప్రభుత్వ కొత్త బడ్జెట్ విధానంలో లాభాలూ ఉన్నాయి, ప్రమాదాలూ ఉన్నాయి.

ఒకవైపు దేశానికి అంతర్జాతీయ స్థాయిలో విశ్వసనీయత పెరిగి, పెద్ద స్థాయి అభివృద్ధి ప్రాజెక్టులకు అవకాశం లభించినా…

మరోవైపు భవిష్యత్తులో అప్పు భారమూ, పన్నుల భారమూ పెరిగే అవకాశం ఉందని ఆర్థిక నిపుణులు హెచ్చరిస్తున్నారు.

నేడు జాతీయ కాలుష్య నియంత్రణ దినోత్సవం
(డిసెంబర్ 2వ తేదీ )

--డాక్టర్. వై. సంజీవ కుమార్, 
ఫౌండర్ & ప్రెసిడెంట్, 
స్కై ఫౌండేషన్. 
9393613555,
9493613555.

సృష్టిలో జీవం మనుగడ తీసుకునే శ్వాస మీద ఆధారపడి ఉంటుంది. ఆ శ్వాస పర్యావరణంపైనా ఆధారపడుతుంది. ఆ పర్యావరణం కాలుష్యం అయితే జీవం మనుగడ ప్రమాదంలో పడుతుంది, ఉనికే లేకుండా పోతుంది. అలాంటి కాలుష్యాన్ని నియంత్రించుకోవడానికి అవగాహనా కలిపించే విధంగా . ప్రతి సంవత్సరం డిసెంబర్ 2న జరుపుకునే జాతీయ కాలుష్య నియంత్రణ దినోత్సవం జరుపుకుంటారు.

పర్యావరణం కాలుష్యమైతే గాలి, నీరు, నేల ప్రమాదకరంగా మారుతుంది, జీవించే ప్రాణులు తీసుకునే శ్వాస, ఆహారం అన్ని హానికరంగా మారుతాయి. ముఖ్యంగా కాలుష్యం పెరగడానికి కారణాలు కర్మాగారాలు, వాహనాలు, చెత్త మరియు రసాయనాలు వంటి వివిధ వనరులు. కాలుష్యం పర్యావరణ వ్యవస్థల సహజ సమతుల్యతను దెబ్బతీస్తుంది,

రసాయనాలు, ప్లాస్టిక్‌లు లేదా వ్యర్థాలు వంటి హానికరమైన పదార్థాలు నదులు, సరస్సులు, మహాసముద్రాలు వంటి నీటి వనరులను కలుషితం చేసినప్పుడు నీటి కాలుష్యం సంభవిస్తుంది. కలుషితమైన నీరు జలచరాలను ప్రభావితం చేస్తుంది, పర్యావరణ వ్యవస్థలకు హాని కలిగిస్తుంది. త్రాగడానికి, ఇతర వినియోగాలకు, నీటిపారుదల కోసం దానిపై ఆధారపడే అందరికి తీవ్రమైన ఆరోగ్య ప్రమాదాలను కలిగిస్తుంది.

హానికరమైన రసాయనాలు, వ్యర్థాలు, ఇతర పదార్థాలు నేల సారాన్ని, నాణ్యతను క్షీణింపజేసినప్పుడు నేలలో కాలుష్యం చేరుతుంది, కలుషితమైన నేల మొక్కల పెరుగుదలను ప్రభావితం చేస్తుంది, వ్యవసాయ ఉత్పాదకతను తగ్గిస్తుంది, పండించే పంటలో నాణ్యత తగ్గుతుంది, నేలలో నివసించే జీవులకు హాని కలిగిస్తుంది.  

ట్రాఫిక్, నిర్మాణం, పారిశ్రామిక యంత్రాలు, పెద్ద పెద్ద ధ్వనులతో వచ్చే సంగీతం, పెద్ద అర్థనాదాహాలతో నడిపే వాహనాలు కలిగించే హానికరమైన అధిక స్థాయి శబ్దాన్ని శబ్ద కాలుష్యంగా మారుతుంది. పర్యావరణాన్ని ప్రభావితం చేస్తుంది, మనుషులమీద, జంతువుల మీద తీవ్ర ఒత్తిడి ఏర్పడి వినికిడి లోపానికి దారితీస్తుంది.  వాతావరణంలోకి హానికరమైన వాయువులు, కణాలు , కార్బన్డయాక్సిన్ కలిగిన పేలుడు పదార్థాలు, వివిధ రసాయనాలను విడుదల చేయడం వాయు కాలుష్యం కాలుష్యం ఏర్పడి శ్వాసకోశ వ్యాధులు, గుండె జబ్బులు, క్యాన్సర్ వంటి తీవ్రమైన ఆరోగ్య సమస్యలకు దారితీస్తుంది.

మనిషి ప్రాణానికి కారణం అవుతుంది. వాతావరణ మార్పును వేగవంతం చేయడంలో వాయు కాలుష్యం కీలక పాత్ర పోషిస్తుంది. మానవులలో ఆరోగ్య సమస్యలు, జంతువుల అకాల మరణాలు, మొక్కల పెరుగుదల, ఆహారంలో విటమిన్లు లోపించడం లాంటి సమస్యలకు దారితీస్తుంది.

ప్రతి ఒక్కరు కాలుష్య నియంత్రణ గురించి ఆవాహన పెంచుకోవాలి, ఇతరులకు అవహగాన కలిపించాల్సిన బాధ్యత ఉంది. కాలుష్యం గురించి అవగాహన పెంచడం.  వివిధ రకాల కాలుష్యాలు - గాలి, నీరు, నేల మరియు శబ్దం మరియు ఆరోగ్యం, పర్యావరణ వ్యవస్థలు, వాతావరణంపై వాటి హానికరమైన ప్రభావాల గురించి ప్రజలకు అవగాహన కల్పించడం. భోపాల్ గ్యాస్ విషాద బాధితులను గౌరవించడం 1984లో జరిగిన విషాదకరమైన భోపాల్ గ్యాస్ విపత్తులో ప్రాణాలు కోల్పోయిన వారికి, బాధితులైన వారిని స్మరించుకోవడానికి, పరిశ్రమలలో కఠినమైన భద్రతా చర్యల అవసరాన్ని నిర్దిష్టంగా చెప్పాలి.

పరిశుభ్రమైన పద్ధతులను ప్రోత్సహించడం పరిశ్రమలు, వ్యాపారాలు , వ్యక్తులు వ్యర్థాలను తగ్గించడం, పునరుత్పాదక ఇంధన వనరులను ఉపయోగించడం వంటి పర్యావరణ అనుకూల పద్ధతులను ఉపయోగించేలా ప్రోత్సహించడం. పర్యావరణ విధానాలకు మద్దతు ఇవ్వడం  కాలుష్యాన్ని తగ్గించడం, సహజ వనరులను రక్షించడం లక్ష్యంగా చట్టాలకు, నిబంధనలకు మద్దతు ఇవ్వాలి. సమాజ భాగస్వామ్యాన్ని ప్రోత్సహించాలి,

చెట్ల పెంపకం కార్యక్రమాలు, శుభ్రపరిచే ప్రచారాలు, రీసైక్లింగ్ కార్యక్రమాలు వంటి పర్యావరణ పరిరక్షణ ప్రయత్నాలలో సమాజాలను చురుకుగా పాల్గొనేలా ప్రేరేపించేలా చర్యలు తీసుకోవాలి. మానవాళికి, సమస్త జీవకోటికి నష్టం కలిగించే వాటి పట్ల ప్రభుత్వ చట్టాలు కఠినంగా రూపొందించాలి, అమలుపరచాలి. చిన్నప్పటినుంచే విద్యార్థులకు కాలుష్యం, పర్యావరణం గురించి బోధించాలి, ప్రతి ఒక్కరికి అవగాహనా కలిపించాలి. -------

రేపిస్టులకు ఏ శిక్ష సరైనది? జయలలిత ప్రతిపాదన నుంచి నేటి సమాజ ఆలోచనలు

 చెన్నై / హైదరాబాద్ నవంబర్ 0 5:

సమాజాన్ని కుదిపేసే అత్యాచార ఘటనలు వస్తూనే ఉన్నాయి. తాజాగా కోయంబత్తూరులో 20 ఏళ్ల విద్యార్థినిపై జరిగిన సామూహిక అత్యాచారం మళ్లీ ఒక ప్రశ్నను ముందుకు తెచ్చింది — రేపిస్టులకు సరైన శిక్ష ఏది?

2013లో “నిర్భయ” ఘటన అనంతరం దేశవ్యాప్తంగా ఆగ్రహం ఉద్ధృతమైంది. ఆ సమయంలో తమిళనాడు ముఖ్యమంత్రి జయలలిత రసాయన నరహింస (Chemical Castration) విధానాన్ని ప్రతిపాదించారు. నేరస్తుల మనస్తత్వాన్ని శాశ్వతంగా మార్చే ఈ చర్యపై ఆమె బలంగా వాదించారు. అదే సమయంలో డీఎంకే అధ్యక్షుడు కరుణానిధి జీవితాంతం ఒంటరిగా జైలు శిక్ష విధించాలంటూ అభిప్రాయపడ్డారు.

దశాబ్దం గడిచింది, కానీ మహిళలపై దాడులు మాత్రం తగ్గలేదు. నేటి యువత, మహిళా సంఘాలు, సామాజిక ఉద్యమకారులు, మరియు సైబర్ పౌరులు ఇప్పుడు మరింత సమగ్ర శిక్షలపై చర్చిస్తున్నారు — కఠినమైన చట్టాలు మాత్రమే కాక, వేగవంతమైన న్యాయవ్యవస్థ, సామాజిక అవగాహన, విద్యా మార్పు అవసరమని అంటున్నారు.

రసాయన నరహింస, మరణదండనల వంటి శిక్షలు తక్షణ స్పందనగా కనిపించినా, చాలా మంది వాటిని మానవ హక్కుల కోణంలో ప్రశ్నిస్తున్నారు. అయితే, బాధితుల కుటుంబాలు మాత్రం న్యాయానికి కఠిన రూపం కావాలని డిమాండ్ చేస్తున్నారు.

ఇక సమాజం మొత్తంగా కోరేది ఒకటే — "రేప్‌కు జీరో టాలరెన్స్" విధానం. చట్టం, సమాజం, ప్రభుత్వం — మూడు స్థాయిలలో మార్పు అవసరం. ఎందుకంటే, భయపెట్టే శిక్ష కంటే, తప్పు ఆలోచన రాకుండా చేసే అవగాహననే నిజమైన పరిష్కారం.

ఇరాన్‌లో మహిళల తిరుగుబాటు

యూరప్‌లో విరుద్ధ పరిస్థితి

అక్టోబర్ 30, (ప్రజా మంటలు):

ఇరాన్‌లో మహిళలు హిజాబ్ తప్పనిసరి చట్టాలకు వ్యతిరేకంగా స్వేచ్ఛ కోసం పోరాడుతున్నారు. మరోవైపు యూరప్‌లో మాత్రం కొత్త చట్టాలు హిజాబ్‌పై నిషేధాలు విధిస్తున్నాయి. దీంతో ఒక్క ప్రశ్న ముందుకు వస్తోంది — మహిళ ఏం ధరించాలో నిర్ణయించేది ఎవర

ఇరాన్‌లో మహిళల తిరుగుబాటు

2022లో మహ్సా అమిని పోలీస్ కస్టడీలో మృతిచెందిన ఘటన తర్వాత దేశవ్యాప్తంగా భారీ ఆందోళనలు చెలరేగాయి. మహిళలు తమ జుట్టు కోసి, హిజాబ్‌లను దహనం చేస్తూ “స్వేచ్ఛ కావాలి” అని నినదించారు.
ప్రస్తుతం, ఇరాన్‌లో అనేక మహిళలు హిజాబ్ లేకుండా వీధుల్లో, మాల్స్‌లో, కేఫ్‌లలో తిరుగుతున్నారు. ఇది చట్టం రద్దు కావడం వల్ల కాదు — చట్టం ఇంకా కొనసాగుతోంది, కానీ ప్రభుత్వం మరోసారి నిరసనలు ఉధృతమవుతాయనే భయంతో కఠిన చర్యలు తీసుకోవడాన్ని నివారిస్తోంది.

ఇటీవల ఇరాన్ పార్లమెంట్ మరింత కఠినమైన హిజాబ్ బిల్లును ఆమోదించినప్పటికీ, భారీ జరిమానాలు, జైలు శిక్షలు విధించే ఈ చట్టం పూర్తిగా అమలు చేయబడటం లేదు. వృద్ధ ఇరానీయులు “ఇది 1979 ఇస్లామిక్ విప్లవానికి ముందు స్వేచ్ఛ ఉన్న కాలంలా ఉందని” అంటున్నారు.

యూరప్‌లో విరుద్ధ పరిస్థితి

ఇరాన్ మహిళలు హిజాబ్ తొలగించాలనే పోరాటం చేస్తుంటే, యూరప్‌లో కొన్ని దేశాలు హిజాబ్‌ను నిషేధించే చట్టాలు తీసుకొస్తున్నాయి.
డెన్మార్క్ 2018లో తీసుకువచ్చిన బుర్ఖా–నికాబ్ నిషేధాన్ని ఇప్పుడు పాఠశాలలు, విశ్వవిద్యాలయాలకు విస్తరించింది. ఇటలీ కూడా ఇలాంటి చట్టం ప్రతిపాదించింది.
ప్రభుత్వాలు ఇవి సమానత్వం కోసం చేస్తున్నామని చెబుతుండగా, మానవ హక్కుల సంస్థలు మాత్రం “ఇవి ముస్లిం మహిళల హక్కులపై దాడి” అని ఆరోపిస్తున్నాయి.

ఇరాన్‌లో మహిళలు హిజాబ్ నుంచి విముక్తి కోరుతుంటే, యూరప్‌లో హిజాబ్‌పై నిషేధాలు విధిస్తున్నారు.
అప్పుడు ప్రశ్న ఇదే — మహిళ ఏం ధరించాలో నిర్ణయించేది ఎవరు? ప్రభుత్వం, మతం, లేక ఆమె స్వయంగా?

📊 Megadata:

• ప్రాంతం:

🏷️ Tags:
#HijabProtests #IranWomen #MahsaAmini #WomensRights #FreedomOfChoice #IranNews #BurqaBan #EuropeHijabLaws #Denmark #Italy #PrajaMantalu #ప్రజామంటలు

— ప్రజా మంటలు ఇంటర్నెటెస్క్ 🌍

వాషింగ్టన్/న్యూ ఢిల్లీ, అక్టోబర్ 29:
భారత్‌తో యుద్ధానికి ప్రయత్నిస్తే పాకిస్తాన్‌ ఘోర పరాజయాన్ని చవిచూసే అవకాశం ఉందని అమెరికా సెంట్రల్‌ ఇంటెలిజెన్స్‌ ఏజెన్సీ (CIA) మాజీ అధికారి జాన్ కిరియాకో (John Kiriakou) హెచ్చరించారు. తన 15 ఏళ్ల కౌంటర్‌టెరరిజం సేవా కాలంలో సగం కాలాన్ని పాకిస్తాన్‌లో గడిపిన ఆయన, పాకిస్తాన్‌ నిరంతరం భారతదేశాన్ని ప్రేరేపించడం ఆపాలని సూచించారు.

ఏఎన్‌ఐ (ANI) వార్తా సంస్థకు ఇచ్చిన ఇంటర్వ్యూలో కిరియాకో మాట్లాడుతూ —“భారత్‌–పాకిస్తాన్‌ల మధ్య యుద్ధం జరిగితే పాకిస్తాన్‌ తప్పక ఓడిపోతుంది. అందులో ఎలాంటి సందేహం లేదు. అణు ఆయుధాల గురించి కాదు — కేవలం సాంప్రదాయ యుద్ధం విషయానికే వస్తే కూడా, పాకిస్తాన్‌ చేతికందేది పరాజయమే” అని స్పష్టం చేశారు.

“పాకిస్తాన్‌ భారతదేశాన్ని తరచూ ప్రేరేపించడం ఆపాలి. ఎందుకంటే అది వారి నష్టానికే దారితీస్తుంది. యుద్ధం ఎవరికీ ప్రయోజనం చేకూర్చదు, కానీ పాకిస్తాన్‌కు మాత్రం తీవ్ర నష్టం కలిగిస్తుంది” అని పేర్కొన్నారు.

జాన్ కిరియాకో, సీఐఏలో పనిచేసిన కాలంలో పాకిస్తాన్‌లో ఉగ్రవాదంపై వ్యూహాత్మక చర్యలను పర్యవేక్షించారు. ప్రస్తుత పరిస్థితుల్లో ఆయన వ్యాఖ్యలు అంతర్జాతీయ వర్గాలలో చర్చనీయాంశమయ్యాయి.

హైదరాబాదు, అక్టోబర్ 17:
ఈరోజు తెలంగాణలో "జస్టిస్ ఫర్ బీసీస్" అంటూ బంద్ పెట్టారట. వినడానికి గొప్పగా ఉంది, కానీ లోపల చూశారంటే — బీసీ అభివృద్ధి పేరుతో మళ్లీ రాజకీయ బల్లెంలు, మైక్‌లు మాత్రమే మోగాయి.

చరిత్రలో ఎన్నిసార్లు "బీసీలకు న్యాయం" అనే పాట విన్నామో లెక్కలేదు. కానీ ప్రతిసారి లాభం ఎవరికి అంటే — ఓట్లు కోసం వేటాడే పార్టీలకే. బంద్‌ రోజు రోడ్లపై బోర్డులు, మైక్‌లు, ముద్దు స్లోగన్లు... కానీ బీసీ స్టూడెంట్‌కి స్కాలర్‌షిప్‌ రాదే, బీసీ రైతుకి ఎరువులు అందవే.

"బీసీలకు న్యాయం చేయాలి" అంటున్న నాయకులు చాలామంది — నామినేషన్ల టైమ్‌ తప్ప, బీసీల గేట్‌ దాటరు. వారికే మళ్లీ లాభం: బంద్‌ కవరేజీ వస్తుంది, ఫోటోలు పేపర్ల్లో వస్తాయి, ట్రెండింగ్‌లో పేర్లు తిరుగుతాయి. అంతే కదా రాజకీయ జస్టిస్‌.

ఆ బీసీ వాడు మాత్రం — స్కూల్‌ ఫీజు, బిజినెస్‌ లోన్‌, జాబ్‌ అవకాశాల కోసం ఇంతకీ ఎదురు చూస్తూనే ఉన్నాడు. బంద్‌ రోజు పని ఆగిపోతుంది, ఆటో డ్రైవర్‌కి రోజుకి వచ్చే 500 కూడా పోతుంది. అదే బీసీ వాడు — అదే నష్టం.

అసలే “జస్టిస్ ఫర్ బీసీస్” అన్న నినాదం కంటే “జస్టిస్ ఫర్ పొలిటికల్ బీసీస్” అనే పేరే సరిపోతుందేమో! ఎందుకంటే ఈ యజ్ఞాల్లో బీసీ పేరు వాడేది, లాభం పొందేది మాత్రం రాజకీయ బాబూలే!

బీసీలకు న్యాయం కావాలంటే బంద్‌లతో కాదు — నిజమైన పాలసీతో రావాలి.
అప్పుడే న్యాయం గట్టిగా మాట్లాడుతుంది, మైక్‌ల మీద కాకుండా మనసుల మీద!

న్యూయార్క్ అక్టోబర్ 07:

అమెరికా ప్రభుత్వ షట్డౌన్ ఐదవ రోజుకు చేరుకుంది. ఈ రాజకీయ ప్రతిష్టంభన మధ్యలో, అమెరికా ప్రజల ఆరోగ్యం, భవిష్యత్తు ఒక సునామీ తాకిడికి గురవుతున్నట్లు కనిపిస్తోంది. డెమోక్రాట్ నేత కోరీ బుకర్ చెప్పినట్లుగా, “ఇది నిజంగా ఆరోగ్య సంరక్షణ సంక్షోభం యొక్క క్షణం.”

ప్రజల జీవన ప్రమాణాలను ప్రభావితం చేసే మెడికైడ్ కోతలు, ఒబామాకేర్ సబ్సిడీల రద్దు, బీమా కోల్పోయిన పేద మరియు మధ్యతరగతి అమెరికన్ల బాధ — ఇవి రాజకీయ వాదప్రతివాదాల బలి అయిపోయాయి. బుకర్ స్పష్టంగా చెబుతున్నట్లుగా, ఇది “డోనాల్డ్ ట్రంప్ సృష్టి యొక్క సునామీ”. అంటే, మాజీ అధ్యక్షుడి విధానాలు మరియు రిపబ్లికన్ పార్టీలోని కఠిన వైఖరి వల్ల ఏర్పడిన రాజకీయ సంక్షోభం ప్రజల జీవితాలను కుదిపేస్తోంది.

రిపబ్లికన్లు “క్లీన్ ఫండింగ్ బిల్లును” డిమాండ్ చేస్తూ నవంబర్ వరకు ప్రభుత్వాన్ని నడిపే ప్రయత్నంలో ఉన్నారు. కానీ అదే సమయంలో, వారు ఆరోగ్య సంరక్షణకు సంబంధించిన ప్రాధమిక సదుపాయాలను నిలబెట్టే చట్టాలపై చర్చలకు దూరంగా ఉన్నారు. కాంగ్రెస్ చర్చలకు హాజరుకాకపోవడం, ప్రజాస్వామ్య ఆత్మకు విరుద్ధం.

ఇక డెమోక్రాట్లు, ఆరోగ్య హక్కులను రక్షించాలనే నిబద్ధతతో ఉన్నా, ఈ రాజకీయ తగువులో వారూ తమ మద్దతు వర్గాలనే గమనిస్తున్నారని విమర్శలు ఉన్నాయి. ఈ పరిస్థితిలో ఓ సాధారణ అమెరికన్ పౌరుడు — ఒక చిన్న గ్రామీణ ఆసుపత్రిలో వైద్యం కోసం ఎదురుచూస్తున్న రోగి, బీమా కోల్పోయిన మధ్యతరగతి కుటుంబం — ఈ చర్చల్లో ఎక్కడ?

ప్రజల ఆరోగ్యాన్ని రాజకీయం చేయడం అత్యంత ప్రమాదకరం. ప్రభుత్వ యంత్రాంగం నిలిచిపోవడం అనేది కేవలం రాజకీయ విఫలం కాదు — అది మానవతా విఫలం కూడా.

ఈ సంక్షోభం నుంచి బయటపడటానికి “నిందల ఆట” ఆపి, రెండు పార్టీలు కలిసి అమెరికా ప్రజల భవిష్యత్తును రక్షించేందుకు టేబుల్ దగ్గర కూర్చోవాలి. లేకపోతే, బుకర్ చెప్పినట్టుగానే — ఈ షట్డౌన్ “ట్రంప్ సృష్టి యొక్క సునామీ”గా, దేశవ్యాప్తంగా ఆరోగ్య సంక్షోభం రూపంలో దూసుకొస్తుంది.