జగిత్యాల జూన్ 22(ప్రజా మంటలు)
జగిత్యాల పట్టణంలోని క్రిటికల్ కేర్ హాస్పిటల్ యందు మంచాల రామేశం స్మారకార్థం మంచాల కృష్ణ  ఏర్పాటు చేసిన ఆర్వో (ఆర్ ఓ) వాటర్ ప్లాంట్‌ను జగిత్యాల ఎమ్మెల్యే డా. సంజయ్ కుమార్ మరియు జగిత్యాల మున్సిపల్ చైర్ పర్సన్ సమీండ్ల వాణి శ్రీనివాస్ ప్రారంభించారు.

ఈ సందర్భంగా మంచాల కృష్ణ  వారి తండ్రి మంచాల రామేశం జ్ఞాపకార్థం ప్రజలకు స్వచ్ఛమైన తాగునీరు అందించడం కోసం  ఆర్ ఓ ప్లాంట్ ఏర్పాటు చేయడం అభినందనీయం అని, మంచాల రామేశం స్మారకార్థం ఏర్పాటు చేసిన ఈ ఆర్వో ప్లాంట్ రోగులు, వారి సహాయకులు మరియు ఆసుపత్రికి వచ్చే ప్రజలకు ఎంతో ఉపయోగకరంగా ఉంటుందని, సమాజ సేవ కార్యక్రమములలో మంచాల కృష్ణ  ఎపుడు ముందు ఉంటారని, సమాజ సేవా కార్యక్రమాలు ప్రజల ఆరోగ్య పరిరక్షణకు దోహదపడతాయని, ఇలాంటి కార్యక్రమాలు మరెందరికో ఆదర్శంగా నిలుస్తాయని పేర్కొన్నారు.

ఈ కార్యక్రమంలో సూపరిండెంట్ కృష్ణమూర్తి,ప్రిన్సిపాల్ సునీల్,  ఏ  ఎం సి చైర్మెన్ గడ్డం నారాయణ రెడ్డి,కౌన్సిలర్ జంబర్తి గంగా లక్ష్మీ రాజ్ కుమార్, క్యాదసు నవీన్, రోటరీ క్లబ్ సభ్యులు టివి సూర్యం, సిరిసిల్ల శ్రీనివాస్ ఆర్ ఎం ఓ మంచాల కృష్ణ మరియు కుటుంబ సభ్యులు, ముసుకు ఎల్లారెడ్డి పట్టణ మండల నాయకులు తదితరులు పాల్గొన్నారు.

జగిత్యాల జూన్ 19 ( ప్రజా మంటలు) 
సాహితీవేత్త, విద్యావేత్త రోటరీ క్లబ్ పూర్వ అధ్యక్షులు ఎంవి నరసింహారెడ్డి సంస్కరణ కార్యక్రమం జిల్లా కేంద్రంలోని పద్మ నాయక మండపంలో శుక్రవారం నిర్వహించారు.

ఈ కార్యక్రమంలో నరసింహారెడ్డి శిష్య బృందం, విద్యాసంస్థల ఉపాధ్యాయ బృందం, అధ్యాపకులు బంధువులు కుటుంబ సభ్యులు తదితరులు పాల్గొని ఆయన చిత్రపటానికి ఘనంగా నివాళులర్పించారు.

నరసింహారెడ్డి పామరులకు అర్థమయ్యే రీతిలో నాలుగు వేదాలు ఉపనిషత్తులు, జోక్స్ బ్యాంక్, జోక్స్ టానిక్ లాంటి హాస్య పుస్తకాలు రచించారు. అంతేకాకుండా రాష్ట్రస్థాయిలోని రచయితలు ముద్రించిన ఎన్నో ముద్రణాలకు ఆయన హితోదికంగా సహాయం అందించారు.

కార్యక్రమంలో పాల్గొన్న మాజీ మంత్రి బి.ఆర్.ఎస్ రాష్ట్ర కార్యదర్శి తాటిపర్తి జీవన్ రెడ్డి తొలి జడ్పీ చైర్పర్సన్ దావ వసంత సురేష్, వెంకటేశ్వరరావు ప్రజా ప్రతినిధులు తదితరులు పాల్గొన్నారు. ఈ సందర్భంగా జీవన్ రెడ్డి దావా వసంత సురేష్ తదితరులు ఎంవీ నరసింహారెడ్డి చేసిన సామాజిక సేవలను గుర్తు చేసుకున్నారు.

జగిత్యాల జూన్ 15(ప్రజా మంటలు)
యావర్ రోడ్డు పై అక్రమ నిర్మాణాలు తొలగించండి

జిల్లా కలెక్టర్ ప్రజా వాణిలో జీవన్ రెడ్డి పిర్యాదు

జగిత్యాల ఎమ్మెల్యే డాక్టర్ సంజయ్ కుమార్ అవలంబిస్తున్న వైఖరి చాలా విడ్డూరంగా ఉందని మాజీ మంత్రి టి.జీవన్ రెడ్డి ఎద్దేవా చేశారు. సోమవారం ఆయన జగిత్యాల జిల్లా  బీఆర్ఎస్ పార్టీ కార్యాలయంలో జిల్లా నాయకులతో కలిసి విలేఖరుల సమావేశం నిర్వహించారు.

అనంతరం జగిత్యాల పట్టణంలోని యావర్ రోడ్డుపై ఉన్న అక్రమ నిర్మాణాలు తొలగించి, యావర్ రోడ్డు విస్తరణ చేపట్టాలని జిల్లా కలెక్టర్ ప్రజా వాణిలో ఫిర్యాదు చేశారు.
ఎమ్మెల్యే సంజయ్ కుమార్ సీఎం రేవంత్ రెడ్డితో కలిసి పనిచేస్తున్నాననీ అంటున్నారు. కాంగ్రెస్ పార్టీ లో చేరారా లేదా తెలియదన్నారు.
యావర్ రోడ్డు విస్తరణ నివేదిక ఇచ్చి 18 నెలలు అవుతుందన్నారు.
ఎమ్మెల్యే  సంజయ్ రెండేళ్లుగా సీఎం తో కలిసి పని చేస్తున్నారు.
అభివృద్ధి కోసమే ఎమ్మెల్యే సీఎం తో కలిసి పని చేస్తున్నా అంటున్నారు. ఒక ఎమ్మెల్యే అయి ఉండి మున్సిపల్ కమిషనర్ ను కలిసి యావర్ రోడ్డు విస్తరణకు చర్యలు తీసుకోవాలని కోరడం విడ్డూరంగా ఉందని తెలిపారు.
ఈ దాగుడు మూతలు ఏమిటి..? ఈ నాటకాలు ఏమిటి..?? ఎవరిని మభ్య పెట్టదల్చుకున్నారు...???
అని ఆయన ఎమ్మెల్యే సంజయ్ కుమార్ ను ప్రశ్నించారు.
యావర్ రోడ్డు పై అక్రమంగా నిర్మాణం చేపట్టిన భవనాలు తొలగించాలని కలెక్టర్ కు లేఖ రాసానని పేర్కొన్నారు.
కనీసం అక్రమ నిర్మాణాలు తొలగించండని ఆయన కోరారు. అక్రమ నిర్మాణాలు తొలగించకుండా..
రోడ్డు మీద పొట్టపోసుకునే వారి మీద ప్రతాపం చూపిస్తున్నారని విమర్శించారు.
అభివృద్ధి అంటే ప్రభుత్వ ఆస్తుల పరిరక్షణ కూడా భాగమేనని తెలిపారు.

అక్రమ నిర్మాణాలు తొలగించడం ఎమ్మెల్యే బాధ్యత.. కాదా...?
సీఎం ఎమ్మెల్యేను దత్తత తీసుకున్నట్లయితే...
ఎమ్మెల్యేకు సీఎం పవర్ ఆఫ్ అటార్నీ రాసిచ్చారా.. అని ప్రశ్నించారు.
యావర్ రోడ్డు విస్తరణకు సీఎంతో కలిసి పనిచేస్తున్న ఎమ్మెల్యే కు 100 కోట్ల నిధులు మంజూరు చేయించడం పెద్ద విషయం కాదన్నారు. 
ఈ విలేఖరుల సమావేశంలో మాజీ జిల్లా పరిషత్ చైర్ పర్సన్ దావ వసంత సురేష్, మాజీ మున్సిపల్ చైర్మన్ జి.ఆర్.దేశాయి, కౌన్సిలర్ అవారీ శివ కేసరి తదితరులు పాల్గొన్నారు.

 జగిత్యాల జూన్ 15(ప్రజా మంటలు)
జిల్లా పశు సంవర్థక శాఖ లో సహాయ సంచాలకులు గా పని చేసిన డా.బోనగిరి నరేష్  ఇటీవలే బదిలీ పై కరీంనగర్ వెళ్లిన సందర్బంగా జిల్లా పశు వైద్యాధికారి డా.బి.ప్రకాశ్  అధ్యక్షతన నిర్వహించిన వీడ్కోలు సన్మాన కార్యక్రమం లో టిఎన్జీఓ జిల్లా అధ్యక్షులు మిర్యాల నాగేందర్ రెడ్డి ఆధ్వర్యంలో టిఎన్జీఓ ఉద్యోగులు పాల్గొని డా. బోనగిరి నరేష్ కు జ్ఞాపికను అందజేసి శాలువా తో సన్మానించారు.

తదుపరి జిల్లాకు బదిలీ పై విచ్చేసిన సహాయ సంచాలకులు  డా.ఎస్.రామచంద్రుడు ను స్వాగతించి శుభాకాంక్షలు తెలియజేసారు. ఈ కార్యక్రమంలో అతిథులు గా ట్రెసా జిల్లా అధ్యక్షులు ఎండి.వకీల్, టిఎన్జీఓ జిల్లా నాయకులు సాహెద్ బాబు, రవీందర్, టిఎన్జివిఏ జిల్లా అధ్యక్షులు ఆనంద్, గణేష్, రాజ్ కుమార్, రమణ, రాజేష్, పూర్ణచందర్, శ్రీనివాస్ బాబు,  టిఎన్జీఓ నాయకులు అశోక్ కుమార్, శైలజ, శ్రావణి, రాజేందర్, రవి కుమార్, సుగుణాకర్, శ్రీనివాస్, యశ్వంత్, అజాం ఖాన్, గంగాధర్, నాగరాజు, రవి, గంగా జామున, సుజాత, రాజశ్రీ, శివ కుమార్, ఖాలిక్, షకీల్, నాల్గవ తరగతి ఉద్యోగుల జిల్లా అధ్యక్షురాలు అరుణ, కార్యదర్శి నారాయణ, సతీష్,  ఉద్యోగులు పాల్గొన్నారు.

జగిత్యాల జూన్ 15(ప్రజా మంటలు)
జిల్లాను వైద్య ఆరోగ్య రంగాల్లో ఒక ప్రత్యేకమైన గుర్తింపు తీసుకురావడానికి, పేద వర్గాల వారికి ఆధునిక వైద్య సౌకర్యాలు అందించేందుకు తమ వంతు కృషి చేస్తున్నామని 
ఎమ్మెల్యే డా. సంజయ్ కుమార్అన్నారు.

జిల్లా కలెక్టర్ సత్యప్రసాద్ ఆధ్వర్యంలో సోమవారం జిల్లా కలెక్టరేట్లోని మినీ సమావేశం మందిరంలో మధ్యాహ్నం ఒంటిగంట ప్రాంతంలో జరిగిన జగిత్యాల ప్రభుత్వ జనరల్ ఆసుపత్రి అభివృద్ధి కమిటీ ( హెచ్ డి ఎస్) సమావేశంలో స్థానిక శాసనసభ్యులు డా. సంజయ్ కుమార్, కోరుట్ల శాసన సభ్యులు డా కల్వకుంట్ల సంజయ్ పాల్గొన్నారు.

​

ఈ సందర్భంగా వారు మాట్లాడుతూ, నిరుపేద రోగులకు కార్పొరేట్ స్థాయి నాణ్యమైన వైద్య సేవలు అందించడమే లక్ష్యమన్నారు. జగిత్యాలలో రూ. 235 కోట్లతో నిర్మాణ దశలో ఉన్న 450 పడకల అత్యాధునిక నూతన ఆసుపత్రి భవన పనులను వేగవంతం చేయాలని అధికారులను కోరారు. ఈ కొత్త ప్రాజెక్టుతో జగిత్యాల జిల్లా ఉత్తర తెలంగాణలోనే ఒక పెద్ద హెల్త్‌కేర్ హబ్‌గా మారుతుందని, నిధుల సద్వినియోగం మరియు మౌలిక వసతుల మెరుగుదలపై కలెక్టర్ , వైద్య అధికారులతో కలిసి సుదీర్ఘంగా చర్చించారు. అధికారులందరూ సమన్వయంతో పనిచేసి ఆసుపత్రిని ఆదర్శంగా తీర్చిదిద్దాలని పిలుపునిచ్చారు.

​ఈ సమావేశంలో ఆసుపత్రి అభివృద్ధి కమిటీ సభ్యులు 
మున్సిపల్ చైర్ పర్సన్ సమీండ్ల వాణి శ్రీనివాస్,  జిల్లా వైద్యాధికారి  డా.సుజాత, ఆసుపత్రి సూపరిండెంట్ డా.కృష్ణ మూర్తి , మెడికల్ కాలేజీ ప్రిన్సిపాల్ డా. సునీల్ కుమార్,   ఆర్ ఎం ఓ డా.రామకృష్ణ, సిరిసిల్లశ్రీనివాస్,టీవీ సూర్యం
 ఆర్  అండ్బి ఈ ఈ శ్రీనివాస్, మరియు వైద్య సిబ్బంది పాల్గొన్నారు

జగిత్యాల జూన్ 10 (ప్రజా మంటలు) 
జిల్లా కేంద్రం కు చెందిన ప్రముఖ సాహితీవేత్త విద్యావేత్త ఎంవీ నరసింహారెడ్డి సోమవారం సాయంత్రం మృతి చెందగా బుధవారం ఆయన అంతిమ సంస్కారాలు నిర్వహించారు. నరసింహారెడ్డి కుమారులు శ్రీనివాస్ రెడ్డి శ్రీధర్ రెడ్డిలు చితికి నిప్పు అంటించి అంతిమ సంస్కారాలు నిర్వహించారు.

అంతిమయాత్రలో బంధువులు అభిమానులు శిష్యులు కళాశాల విద్యాసంస్థల అధ్యాపక బృందం ఉపాధ్యాయ బృందం, సమకాలీకులతో పాటు సీనియర్ రొటీరియన్ మంచాల కృష్ణ, సీనియర్ అడ్వకేట్ జనార్దన్ రెడ్డి, కాసుగంటి జగదీష్ చందర్ రావు తదితరులు పాల్గొన్నారు.

జగిత్యాల : జూన్ 10(ప్రజా మంటలు)

ప్రపంచ నేత్రదాన దినోత్సవం జూన్ 10, సందర్భంగా ఇండియన్ రెడ్ క్రాస్ సొసైటీ - రోటరీ క్లబ్ జగిత్యాల ఆధ్వర్యంలో ఎల్.వి. ప్రసాద్ నేత్ర వైద్య సంస్థ, హైదరాబాద్ వారి సహకారంతో బుధవారం 
పెన్షనర్స్ భవన్ (కోర్ట్ ప్రక్కన) “కంటి దానం – నేత్రదాన ప్రతిజ్ఞ, అవగాహన కార్యక్రమం” నిర్వహించారు.  

ఇండియన్ రెడ్ క్రాస్ సొసైటీ జగిత్యాల జిల్లా కార్యదర్శి మంచాల కృష్ణ, కో ఆర్డినేటర్ సిరిసిల్ల శ్రీనివాస్ మరియు రోటరీ క్లబ్ అధ్యక్ష, కార్యదర్శులు చారి, రాజు,పూర్వ అధ్యక్షులు టీ వి సూర్యం, కొత్త ప్రతాప్, సాగర్,  ఆంటోనీ ముత్తు, పెన్షనర్స్ అసోసియేషన్ అధ్యక్ష కార్యదర్శులు కరబూజా రవీందర్ గౌడ్, కొలిచాల రవీందర్, కార్యవర్గం సభ్యులు పాల్గొన్నారు. 

అనంతరం,ప్రభుత్వ మెడికల్ కాలేజ్ జగిత్యాలలో డాక్టర్ ఎం.జి. కృష్ణమూర్తి (సూపరింటెండెంట్, ప్రభుత్వ జనరల్ ఆసుపత్రి), డాక్టర్ సిహెచ్. సునీల్ కుమార్
(ప్రిన్సిపాల్, ప్రభుత్వ వైద్య కళాశాల), డాక్టర్ కృష్ణ
(విభాగ అధిపతి (HOD), నేత్ర వైద్య విభాగం, ప్రభుత్వ వైద్య కళాశాల), డాక్టర్ ఎం. గీతిక
(ఆర్.ఎం.ఓ. ), ప్రభుత్వ జనరల్ ఆసుపత్రి) ఆధ్వర్యంలో ఈ కార్యక్రమం నిర్వహించారు.

ఈ సందర్బంగా ఆయా కార్యక్రమాల్లో, పాల్గొన్న పెన్షనర్స్,  మరియు రోటరీ,  రెడ్ క్రాస్ ప్రతినిధులు నేత్ర దానం ప్రతిజ్ఞ చేశారు. 

ఈ కార్యక్రమం ద్వారా నేత్రదానం ప్రాముఖ్యత, నేత్రదాన ప్రతిజ్ఞ అవసరం, కార్నియా మార్పిడి ద్వారా అంధులకు చూపు కల్పించే అవకాశాలపై అవగాహన కల్పించడం జరిగిందని వివరించారు. 

ఎల్.వి. ప్రసాద్ నేత్ర వైద్య సంస్థకు చెందిన నిపుణులు నేత్రదానం విధానం, ప్రయోజనాలపై వివరించి ప్రజలను నేత్రదాన ప్రతిజ్ఞ చేయాలని కోరారు. .

ప్రజలందరూ నేత్రదాన ఉద్యమానికి తమ వంతు సహకారం అందించాలని నిర్వాహకులు విజ్ఞప్తి చేశారు.

జగిత్యాల జూన్ 10(ప్రజా మంటలు)
స్వర్గీయ మంచాల రామేశం నేత్రాలను సేకరించిన ఎల్ వి ప్రసాద్ ఇన్స్టిట్యూట్ టెక్నీషియన్ కు జగిత్యాల ప్రభుత్వ మెడికల్ కళాశాల ప్రిన్సిపాల్ డా.సునీల్ కుమార్, ఎం సి హెచ్ సూపరింటెండెంట్ డా. కృష్ణమూర్తి, రెడ్ క్రాస్ కోఆర్డినేటర్ సిరిసిల్లశ్రీనివాస్, రోటరీసభ్యులు టీవి సూర్యం ద్వారా అందజేస్తున్న రామేశం కుమారుడు మంచాల కృష్ణ

జగిత్యాల జూన్ 9(ప్రజా మంటలు)
జగిత్యాల ఎస్ కె ఎల్ ఎన్ ఆర్ బిఈడి కళాశాల కరెస్పాండెంట్, రచయిత ఎం.వి నరసింహారెడ్డి  మరణించగా జగిత్యాల ఎమ్మెల్యే డా సంజయ్ కుమార్ వారి పార్థివ దేహానికి నివాళులు అర్పించి వారి కుటుంబ సభ్యులను పరామర్శించి ప్రగాఢ సానుభూతి తెలిపారు. ఆయన వెంట రోటరీ క్లబ్ సభ్యులు మంచాల కృష్ణ, సిరిసిల్ల శ్రీనివాస్ తదితరులు ఉన్నారు.

జగిత్యాల జూన్ 8 (ప్రజా మంటలు)

జగిత్యాల రూరల్ మండలం తక్కలపల్లి గ్రామ శివారులో తుమ్మచెట్టు కు నిప్పంటుకొని అదే మార్గంలో వస్తున్న బైరి వేణు ,కడారి భరత్ లు గాయాలపాలు అయినారు. ఇట్టి విషయంపై జిల్లా కేంద్రం విజయపురి కాలనీకి చెందిన సంబుమహేష్( 29) తండ్రి మల్లయ్య సోమవారం  తుమ్మచెట్టు కాలడానికి కారకులైన వారిపై ప్రజావాణిలో ఫిర్యాదు చేశారు.

మిట్టపల్లి గంగారెడ్డి గంగం తిరుపతిరెడ్డి వరి కొయ్యలను కాల్చగా తుమ్మ చెట్టు అంటుకొని బైక్ పై పడటం జరిగింది. దీంతో అదే మార్గంలో వస్తున్న కడారి భరత్, బైరి వేణు గాయాల  పాలైనారు. వారు నడుపుతున్న బైక్ ధ్వంసం అయింది. వరి కొయ్యలు కాల్చిన మిట్టపల్లి గంగారెడ్డి గంగం తిరుపతిరెడ్డి పై చర్యలు తీసుకోవాలని కలెక్టర్కు ఇచ్చిన ఫిర్యాదులు మహేష్ కోరారు.

జగిత్యాల జూన్ 8 (ప్రజా మంటలు)
జగిత్యాల ఎస్ కె ఎల్ ఎన్ రావు బిఈడి కళాశాల కరెస్పాండెంట్, రచయిత ఎం.వి నరసింహారెడ్డి ఈరోజు సోమవారం సాయంత్రం 7 గంటలకు జగిత్యాలలో ఆయన నివాసంలో మృతి చెందారు. ఆయన నాలుగు వేదాలు మరియు ఉపనిషత్తులు జోక్స్ బ్యాంక్ జోక్స్ టానిక్ లాంటి హాస్య రచనల పుస్తకాలు, తెలుగు పండిత్ శిక్షణ కళాశాల తోపాటు బీఈడీ కళాశాల స్థాపించి నిర్వహించారు. అంతేగాకుండా వందలాదిమంది వర్ధమాన రచయితలకు స్ఫూర్తిగా నిలవడమే కాకుండా ఇతోదికంగా వారి పుస్తకాల ముద్రణకు ఆర్థిక సహాయం అందించారు.

రోటరీ క్లబ్ అధ్యక్షునిగా వ్యవహరించి ఎన్నో సామాజిక కార్యక్రమాల్లో పాల్గొన్నారు .రొటేరియనులు జగిత్యాల ఎమ్మెల్యే డా. సంజయ్ కుమార్, మంచాల కృష్ణ ,సిరిసిల్ల. శ్రీనివాస్, టీవీ సూర్యం ,చారి రోటరీ సభ్యులు సంతాపం వ్యక్తం చేశారు.

ముఖ్యమంత్రి కేసీఆర్ చేతుల మీదుగా అవార్డును పొందారు. అంతే కాకుండా తొలి తెలంగాణ ఉద్యమంలో ,మలి తెలంగాణ ఉద్యమంలో సైతం ఆయన ప్రత్యక్షంగా పాల్గొన్నారు. వారి  ఆత్మకు శాంతి చేకూరాలని ఎస్ కే ఎల్ ఎన్ రావు బి ఈడీ కళాశాల, సరస్వతి శిశు మందిర్ శ్రీ వాణి జూనియర్ కళాశాల విద్యాసంస్థల అధ్యాపకులు, ఉపాధ్యాయులు ప్రగాఢ సంతాపం తెలియజేశారు.

జగిత్యాల జూన్ 7( ప్రజా మంటలు)
జిల్లా కేంద్రంలో మారుతి స్నేహ మండలి వారిచే ప్రతిభా పురస్కారాలు అందజేయబడినవి. 2025 26 విద్యా సంవత్సరంలో ఇంటర్మీడియట్ యందు 1000 మార్కులకు గాను 982 ఎంపీసీ విభాగం నందు సాధించిన జి సుప్రీత్, ఎస్ ఎస్ సి నందు పి .  హాసినిశర్మ 600/578 మార్కులు సాధించగా స్నేహమండలి బృందం శాలువాతో సత్కరించి జ్ఞాపకం అందజేశారు.

ఈ సందర్భంగా పలువురు వక్తలు ప్రతిభా విద్యార్థులకు శుభాకాంక్షలు తెలియజేసి భావి జీవితంలో ఉన్నత స్థానాలకు ఎదగాలని కోరారు. కార్యక్రమంలో విద్యార్థుల తల్లిదండ్రులు, స్నేహమండలి సభ్యులు తదితరులు పాల్గొన్నారు.