కేసీఆర్ చరిత్రను ఎవరూ చెరపలేరు: మాజీ మంత్రి కొప్పుల ఈశ్వర్

పెద్దపల్లి, నవంబర్ 29 (ప్రజా మంటలు):

పెద్దపల్లి జిల్లా బీఆర్‌ఎస్ పార్టీ కార్యాలయంలో దీక్షా దివస్ కార్యక్రమం ఘనంగా నిర్వహించారు. ఈ కార్యక్రమానికి మాజీ మంత్రి కొప్పుల ఈశ్వర్ ప్రధాన అతిథిగా హాజరై, తెలంగాణ ఉద్యమ చరిత్ర, కేసీఆర్ పాత్ర, ప్రస్తుత రాజకీయ పరిణామాలపై కీలక వ్యాఖ్యలు చేశారు.

ఈ సందర్భంగా మాజీ మంత్రి కొప్పుల ఈశ్వర్ మాట్లాడుతూ:"నవంబర్ 29 అంటే ఒక చరిత్ర. తెలంగాణ ఉద్యమాన్ని మలుపు తిప్పిన రోజు.""వలస పాలనలోని ఉమ్మడి ఆంధ్రప్రదేశ్‌లో ప్రజాస్వామ్యానికి జరిగిన 14 ఏళ్ల పోరాటమే తెలంగాణ ఉద్యమం.""దశాబ్దాల కలను సాకారం చేసిన పోరాటయోధుడు కేసీఆర్. తెలంగాణ వచ్చేదాకా నా ప్రాణం పోదు అని ధైర్యం చెప్పిన నాయకుడు ఆయనే." అని అన్నారు.

అలాగే 2009లో కేసీఆర్ చేపట్టిన ఆమరణ నిరాహార దీక్షను గుర్తుచేస్తూ...

• కరీంనగర్‌ నుండి సిద్ధిపేట సమీపంలోని రంగధాంపల్లిలో ఏర్పాటు చేసిన దీక్ష స్థలానికి వెళ్లే మార్గంలో పోలీసులు కేసీఆర్‌ను నిలిపివేశారని,
• కేసీఆర్ రోడ్డుపై కూర్చుని దీక్ష ప్రారంభించారని,
• అనంతరం బలవంతంగా ఖమ్మం జైలుకు తరలించారని,
• ఆరోగ్యం క్షీణించడంతో డిసెంబర్ 3న నిమ్స్‌కు తరలించారని చెప్పారు.

"తెలంగాణ వస్తే జైత్రయాత్ర, లేకుంటే నా శవయాత్ర," అన్న కేసీఆర్ మాటలు ఉద్యమాన్ని శిఖరాగ్రానికి చేర్చాయని కొప్పుల పేర్కొన్నారు.

డిసెంబర్ 7న అఖిలపక్షం తెలంగాణకు మద్దతు ఇవ్వడం,
డిసెంబర్ 8న కేసీఆర్ ఆరోగ్యంపై వైద్యుల హెచ్చరిక,
తర్వాత కేంద్రం తెలంగాణ ఏర్పాటుకు తీసుకున్న నిర్ణయం – ఇవన్నీ చరిత్రను మార్చిన కీలక క్షణాలని వివరించారు.

"2014 జూన్ 2 – అరవై ఏళ్ల కల సాకారం అయింది. ఆ చరిత్రకు కాపాడినవాడు కేసీఆర్‌," అని కొప్పుల ఈశ్వర్ పేర్కొన్నారు.

మహేష్ గౌడ్, రేవంత్‌పై కొప్పుల ఘాటు వ్యాఖ్యలు

• "పిసీసీ చీఫ్ మహేష్ గౌడ్ నేడు అజ్ఞానిగా మాట్లాడుతున్నాడు. ఉద్యమ సమయంలో ఆయన ఎక్కడ ఉన్నాడు?"
• "ఆంధ్ర పాలకుల సంగలో చేరి ఉద్యమ నాయకులపై గన్ పెట్టింది రేవంత్ చరిత్ర," అని కొప్పుల విమర్శించారు.

కాంగ్రెస్ పాలనపై విమర్శలు

• “రేవంత్ ప్రభుత్వం తెలంగాణ తల్లి రూపాన్నే మార్చింది.”
• “బతుకమ్మ చీరలకు రాంరాం పెట్టి ఇందిరమ్మ చీరలను ముందుకు తెచ్చారు.”
• “6 గ్యారంటీలు, 420 హామీలను గాలికొదిలేశారు.”

దీక్షా దివస్ కార్యక్రమానికి ప్రముఖ నాయకులు హాజరయ్యారు:

మాజీ ఎమ్మెల్యేలు కోరుకంటి చందర్, దాసరి మనోహర్ రెడ్డి, పుట్ట మధుకర్,మాజీ గ్రంథాలయ సంస్థ చైర్మన్ రఘువీర్ సింగ్,నాయకులు మూల విజయ రెడ్డి, దాసరి ఉష, గంట రాములు, కౌశిక్ హరి,పట్టణ బీఆర్‌ఎస్ అధ్యక్షుడు ఉప్పు రాజ్‌కుమార్,ఇతర బీఆర్‌ఎస్ కార్యకర్తలు & నాయకులు పాల్గొన్నారు.

ఉద్యమ స్ఫూర్తిని గుర్తుచేసుకుంటూ, అమర వీరుల స్థూపానికి నివాళులు అర్పించడం, తెలంగాణ తల్లి విగ్రహానికి పూలమాలలు సమర్పించడం, కేసీఆర్ చిత్రపటానికి పాలాభిషేకం వంటి కార్యక్రమాలు నిర్వహించారు.