“మాగంటి సునీత ఎంతో కష్టపడ్డారు… బీఆర్ఎస్ తిరిగి లేస్తుంది”

కాంగ్రెస్ పార్టీ ఘన విజయంపై కేసీఆర్ విమర్శ

“బీఆర్ఎస్ కార్యకర్తలు నిరాశపడొద్దు… మేము తిరిగి వస్తాం” కేసీఆర్ 

బిహార్ ఎన్నికలపై కెటిఆర్ వ్యాఖ్యలు

హైదరాబాద్ నవంబర్ 14 (ప్రజా మంటలు):

జూబ్లీహిల్స్ ఉపఎన్నికల్లో కాంగ్రెస్ అభ్యర్థి నవీన్ యాదవ్ 25వేలకు పైగా ఓట్ల మెజార్టీతో ఘన విజయం సాధించారు. ఈ నేపథ్యంలో మాజీ సీఎం కేసీఆర్ స్పందిస్తూ.. ఫలితం ఎలా ఉన్నా కార్యకర్తలు అధైర్యపడొద్దని, ఆత్మస్థెర్యాన్ని కోల్పోవద్దని భరోసా ఇచ్చారు. కాంగ్రెస్ పార్టీ నాయకులు బెదిరింపులకు, అక్రమ మార్గాలకు పాల్పడి గెలిచిందని ఆయన ఆరోపించారు. ప్రజల కోసం మరింత కష్టపడి పనిచేద్దామని పార్టీ శ్రేణులకు పిలుపునిచ్చారు.

కెటిఆర్ వ్యాఖ్యలు
జూబ్లీహిల్స్ ఉప ఎన్నిక ఫలితాల నేపథ్యంలో బీఆర్ఎస్ వర్కింగ్ ప్రెసిడెంట్ కేటీఆర్ కీలక వ్యాఖ్యలు చేశారు. పార్టీ తరఫున పోటీ చేసిన మాగంటి సునీత ఎంతో కష్టపడి పనిచేశారని, ఆమెకు తోడ్పడ్డ ప్రతి కార్యకర్తకు హృదయపూర్వక ధన్యవాదాలు తెలిపారు. అదే సమయంలో బీఆర్ఎస్‌కు ఓటు వేసిన ప్రజలకు కూడా ప్రత్యేక కృతజ్ఞతలు ప్రకటించారు.

“ఎన్నికలు ఎలా జరిగాయో అందరికీ తెలుసు” — కేటీఆర్

కేటీఆర్ మాట్లాడుతూ:“ఈ ఎన్నికలు ఎలా జరిగాయో రాష్ట్రం మొత్తం చూసింది.”“సర్వేలు అన్నీ బీఆర్ఎస్ గెలుస్తుందని సూచించాయి.”“కానీ చివరి మూడు రోజులలో ఏం జరిగిందో అందరికీ స్పష్టమే”  అని అన్నారు.

అదే సమయంలో, బీఆర్ఎస్ ప్రత్యామ్నాయ రాజకీయ శక్తి అని ఈ ఎన్నిక మరోసారి నిరూపించిందని పేర్కొన్నారు.

“మేము కుల–మత రాజకీయాలు చేయలేదు”

తమ పార్టీ ఎప్పుడూ కులం, మతం పేరుతో ప్రజలను విభజించే రాజకీయాలు చేయలేదని కేటీఆర్ స్పష్టం చేశారు.
“ఎంత కవ్వించినా, ప్రేరేపించినా మేము సంయమనం పాటించాం,” అని చెప్పారు.

“ప్రభుత్వం దిగొచ్చేలా చేశాం… అదే మా విజయం”

“మా ప్రచారం చూసే భయంతోనే అజారుద్దీన్‌కు మంత్రి పదవి ఇచ్చారు.”“ప్రభుత్వం దిగొచ్చేలా చేయడం మా నిజమైన విజయము.”అని అన్నారు..

బిహార్ ఎన్నికలపై వ్యాఖ్యలు

బిహార్ అసెంబ్లీ ఎన్నికల్లో కాంగ్రెస్ పార్టీ పూర్తిగా బలహీనపడిపోయిందని, అక్కడి ఫలితాలు స్పష్టంగా చూపిస్తున్నాయన్నారు.“బిహార్‌లో కాంగ్రెస్ ఉనికి మాయమైంది” అని వ్యాఖ్యానించారు.

“బీఆర్ఎస్ కార్యకర్తలు నిరాశపడొద్దు… మేము తిరిగి వస్తాం”

కార్యకర్తలకు ధైర్యం చెబుతూ కేటీఆర్ అన్నారు:“బీఆర్ఎస్ కార్యకర్తలు నిరాశ పడొద్దు.”“రబ్బర్ బంతిలా మేము కూడా బలంగా తిరిగి వస్తాం.”అని చెప్పారు.