తెలుగు రాష్ట్రాల్లో డిజిటల్ భద్రత మరింత బలోపేతం :: మీడియా తో టెలికాం అదనపు డీజీ 

సికింద్రాబాద్, నవంబర్ 12 (ప్రజామంటలు):

ఆంధ్రప్రదేశ్, తెలంగాణ రాష్ట్రాల్లో మొబైల్ ఫోన్ వినియోగదారుల డిజిటల్ భద్రత బలోపేతం చేస్తూ పౌరుల రక్షణకు అధిక ప్రాధాన్యతనిస్తున్నామని టెలికాం అదనపు డీజీ నాగేష్ రావు తెలిపారు. బుధవారం సీటీవోలోని కార్యాలయంలో ఆయన మీడియా సమావేశంలో మాట్లాడుతూ.... సంచార్ సాథీ పోర్టల్ ద్వారా తెలంగాణా రాష్ట్రంలో ఇప్పటి వరకు పొగొట్టుకున్న, దొంగిలించబడిన 1,02,148 మొబైల్ ఫోన్లను స్వాధీనం చేసికుని సంబంధిత బాధితులకు అందించినట్లు వెల్లడించారు.

ఇందులో తెలంగాణా పోలీసులు దేశంలోనే ముందున్నారని అన్నారు. ఇదే పోర్టల్లోని నో యువర్ మొబైల్ కనెక్షన్ సేవ ద్వారా పౌరులు తమ పేరుతో జారీ అయిన ఫోన్ నంబర్లను పరిశీలించి అనధికార సిమ్ లను తొలగించినట్లు చెప్పారు. ఇప్పటి వరకు ఏపీ, తెలంగాణాలో 25.18 లక్షల మొబైల్ నంబర్లు రిపోర్ట్ కాగా 23.65 లక్షల ఫిర్యాదులు పరిష్కరించినట్లు చెప్పారు. వ్యక్తిగత వివరాలను దొంగిలించే కాల్స్, ఆర్ధిక మోపాలను నివారించడంలో బాగంగా 2 ప్రధాన సీమ్ బాక్స్ సైబర్ మోసాలను గుర్తించి ద్వంసం చేశామన్నారు.

మోసపూరిత లావాదేవీలను నివారించేందుకు 700కు పైగా ఆర్ధిక సంస్థలు, 76 కో ఆపరేటివ్ బ్యాంకులను ఫ్రాడ్ రిస్క్ ఇండికేటర్ మాడ్యుల్ లో ఆన్ బోర్డు చేసినట్లు తెలిపారు. దూర సంచార్ శాఖ ఏఐ, డిజిటల్ ఇంటెలిజెన్స్ యూనిట్ ద్వారా 38.49,493 అనుమానాస్పద మొబైల్ మొబైల్ నంబర్లను గుర్తించి 17,27,098 నంబర్లను తొలగించి 282 సిమ్ విక్రయ కేంద్రాలను బ్లాక్ లిస్టులో పెట్టి కొందరిపై పోలీసు కేసులు నమోదు చేసినట్లు, చెప్పారు. మొబైల్ ఫోన్ వినియోగదారులందరూ సంచార్ సాథీ యాప్ డౌన్లోడ్ చేసుకోవాలని చెప్పారు.

డీబీఎన్ మొబైల్ కనెక్టివిటీ ప్రాజెక్టుల కింద 223 గ్రామాల్లో 188  ఫోర్జీ టవర్లు, ఎల్ డబ్ల్యూఈ ఫేస్-1,2 కింద 140 గ్రామాల్లో 140 టవర్లు ఏర్పాటు చేశామన్నారు. ఈ కార్యక్రమంలో డిప్యూటీ డైరెక్టర్ జనరలు ఈశ్వర్, హేమంత్రత్వే, సత్యనారాయణ, బాస్కర్ రావు, డైరెక్టర్లు రాఘవరెడ్డి, అసిస్టెంట్ డైరెక్టర్ సంపత్ కుమార్ తదితరులు పాల్గొన్నారు.