కస్తూరిబా విద్యాలయం డార్మిటరి గదుల శంఖు స్థాపన 

 చెన్నూరు జూన్ 25 (ప్రజా మంటలు):

ఈరోజు చెన్నూరు నియోజకవర్గంలోని ఎమ్మెల్యే క్యాంపు కార్యాలయంలో తెలంగాణ రాష్ట్ర కార్మిక మరియు గనుల శాఖ మంత్రి డా. వివేక్ వెంకటస్వామి  వివిదగ్రామాల నుండి వచన ప్రజలను కలిసి, వారి సమస్యల పట్ల సానుకూలంగా స్పందించారు..

మంత్రి చెన్నూరు పోలీస్ విభాగం తరఫున గౌరవ వందనం స్వీకరించి, రాష్ట్ర శాంతిభద్రతల పరిరక్షణలో పోలీసుల కృషిని అభినందించారు. వారి సేవల పట్ల కృతజ్ఞత తెలియజేశారు.

అనంతరం మంత్రి ప్రజలతో ముఖాముఖీ భేటీ నిర్వహించారు. చెన్నూరు మండలంలోని పలు గ్రామాల నుండి వచ్చిన ప్రజలు తాగునీటి కొరత, రహదారుల మరమ్మతులు, పింఛన్లు, భూమి సంబంధిత సమస్యలు మరియు ఇతర అభివృద్ధి అంశాలపై తమ వినతులను సమర్పించారు. ప్రతి ఫిర్యాదును సమగ్రంగా పరిశీలించి, సంబంధిత శాఖలకు వెంటనే చర్యలు తీసుకోవాలని మంత్రి గారు ఆదేశించారు.

మంత్రి మాట్లాడుతూ, ప్రజల సమస్యలను నేరుగా విని పరిష్కరించాలన్నదే మా ప్రభుత్వ ధ్యేయం. ప్రజల ప్రభుత్వంగా ముఖ్యమంత్రి రేవంత్ రెడ్డి నాయకత్వంలో ప్రతి సమస్యపై వేగంగా స్పందించేందుకు మేము కట్టుబడి ఉన్నామణి అన్నారు.

ఈ కార్యక్రమంలో స్థానిక ప్రజాప్రతినిధులు, పోలీసు అధికారులు, శాఖల ప్రతినిధులు, పార్టీ నాయకులు, పెద్ద సంఖ్యలో ప్రజలు పాల్గొన్నారు. ప్రజలు మంత్రి గారిని కలవడం ద్వారా తమ సమస్యలను నేరుగా తెలియజేసినందుకు సంతోషం వ్యక్తం చేశారు.

కస్తూరిబా విద్యాలయం డార్మిటరి గదుల శంఖు స్థాపన 

మంచిర్యాల జిల్లా భీమారం మండల కేంద్రంలోని కస్తూరిబా గాంధీ బాలికల విద్యాలయం లో రూ.82 లక్షల నిధులతో నిర్మించనున్న అదనపు డార్మెటరీ గదుల నిర్మాణ పనులకు శంకుస్థాపన** కార్యక్రమం జరగింది. 

శిక్షా రంగ అభివృద్ధిలో బాలికలకు మరింత అనుకూల వసతులు కల్పించేందుకు ప్రభుత్వం కట్టుబడి ఉందని, సమాజంలో బాలికల విద్యాభివృద్ధి ద్వారానే సమానత్వం సాధ్యమవుతుందన్న దృక్పథంతో ఈ ప్రాజెక్టును తీసుకొచ్చామని మంత్రి పేర్కొన్నారు.

ఈ శంకుస్థాపన కార్యక్రమంలో **మంచిర్యాల జిల్లా కలెక్టర్ కుమార్ దీపక్ పాల్గొని, విద్యారంగంలో ప్రభుత్వం చేస్తున్న చర్యలను ప్రశంసించారు.