క్రమశిక్షణ కలిగిన చదువుతో ఉజ్వల భవిష్యత్ - రాజ్యసభ సభ్యులు అనిల్ కుమార్ యాదవ్

సికింద్రాబాద్ జూన్ 23 (ప్రజామంటలు) :

 విద్యా సంస్థల్లో కనీస వసతుల కల్పనకు కాంగ్రెస్ ప్రభుత్వం అధిక ప్రాధాన్యత ఇస్తుందని రాజ్యసభ సభ్యుడు అనిల్ కుమార్ యాదవ్ అన్నారు.సోమవారం వెస్ట్ మారేడుపల్లి లోని ప్రభుత్వ బాలికల పాఠశాలలో కాంగ్రెస్ పార్టీ మహిళా నాయకురాలు సి.వైష్ణవి ఆధ్వర్యంలో ఏర్పాటు చేసిన ఉచిత నోట్ పుస్తకాల పంపిణీ కార్యక్రమానికి ముఖ్య అతిథిగా అనిల్ కుమార్ యాదవ్ హాజరయ్యారు.

ప్రభుత్వ బాలికల పాఠశాలలో చదువుతున్న విద్యార్థులకు అనిల్ కుమార్ యాదవ్, వైష్ణవి చేతుల మీదుగా నోట్ పుస్తకాలను అందజేశారు.ఈ సందర్భంగా రాజ్యసభ  ఎంపీ అనిల్ కుమార్ యాదవ్ మాట్లాడుతూ...కొద్దిగా కష్టంగా ఉన్నా, ఇష్టంతో చదివి భవిష్యత్తులో ఉన్నత శిఖరాలను అధిరోహించాలని అనిల్ కుమార్ యాదవ్ అన్నారు.ప్రభుత్వ పాఠశాలలలో ఉదయం విద్యార్థులకు అల్పాహారం అందించే విషయం ప్రభుత్వం దృష్టికి వచ్చిందని,ఇందుకు  ప్రభుత్వం ప్రణాళికలు రూపొందిస్తుందని అనిల్ కుమార్ యాదవ్ అన్నారు.

ఉచిత వైద్య శిబిరాల ఏర్పాటు, విద్యార్థులకు నోట్ పుస్తకాలను విద్యార్థులకు పంపిణీ కృషి చేస్తున్న సి.వైష్ణవి ని ,ఎంపీ అనిల్ కుమార్ యాదవ్  అభినందించారు. దాదాపు 500 మంది విద్యార్థులకు నోటుబుక్కులను  అందజేశారు.ఈ కార్యక్రమంలో పాఠశాల ప్రిన్సిపాల్ మనోహర్ చారి,ఉపాధ్యాయులు, కాంగ్రెస్ నాయకులు సి.కృష్ణ యాదవ్,సి.నాగేష్ యాదవ్,సంకి రవీందర్,బాబురావు,రేపాల వెంకటేశ్వర్లు,బల్వంత్ రెడ్డి,బొట్టు రాజు,విష్ణు తదితరులు పాల్గొన్నారు.